Иоанн 13:34 - Сибэтиэй Биибилийэ кинигэлэрэ

³⁴ Мин саҥа кэриэһи эһиэхэ биэрэбин: бэйэ-бэйэҕитин таптааҥ. Мин эһигини хайдах таптаабыппыный да, эһиги эмиэ ол курдук, бэйэ-бэйэҕитин таптааҥ.

Иоанн 13:34 ပူးပေါင်းရင်းမြစ်များ

Саалтыр 16:3

Сүрэхпин тургутан көрөөрү, Эн миэхэ түүн кэлэн барбытыҥ, миигин холоон көрөҥҥүн, тугу да булан ылбатаҕыҥ: тылым-өһүм миэнэ санаабыттан атына суох.

Матфей 5:44

Оттон Мин эһиэхэ этэбин: өстөөхтөргүтүн таптааҥ, эһигини кырааччылары алҕааҥ, абааһы көрөөччүлэргэ үтүөнү оҥоруҥ, эһигини атаҕастааччылар, сойуолааччылар тустарыгар Таҥараҕа үҥүҥ,

Иоанн 15:17

Мин кэриэһим бу баар: эһиги бэйэ-бэйэҕитин таптааҥ.

Иоанн 17:21

бары биир буоллуннар, Аҕаа, Эн Миэхэ, Мин Эйиэхэ баарым курдук, кинилэр эмиэ Биһиэхэ биир сомоҕо буоллуннар – Эн Миигин ыыппыккын аан дойду итэҕэйиэхтин.

Рим христианнарыгар 12:10

Бырааттыы дьон быһыытынан бэйэ-бэйэҕитин истиҥник таптааҥ, атыттары бэйэҕитинээҕэр үрдүктүк тутуҥ;

Рим христианнарыгар 13:10

Таптал чугастааҕытыгар куһаҕаны оҥорбот, онон таптал Сокуон бүттүүнүн туолуута буолар.

Рим христианнарыгар 13:8

Кимиэхэ да туох да иэстээх хаалымаҥ, эһиги бэйэ-бэйэҕитигэр таптал эрэ иэстээх буолуохтааххыт. Чугастааҕытын таптыыр киһи Сокуон ирдэбилин барытын толорбут.

Галатия христианнарыгар 5:22

Оттон Тыын биһиги сүрэхпитигэр тапталы, үөрүүнү, эйэни-или, кытаанах тулууру, үтүө санааны, амарах быһыыны, итэҕэли,

Галатия христианнарыгар 5:6

Биһиги Христос Иисуһу итэҕэйбит буоллахпытына, быһыллыбыппыт-быһыллыбатахпыт туох да суолтата суох, арай тапталынан дьайар итэҕэлбит эрэ суолталаах.

Галатия христианнарыгар 6:10

Онон бириэмэ өссө баарын тухары, бар дьоҥҥо үтүөнү оҥоро сылдьыаҕыҥ, ордук биир итэҕэллээхтэрбитигэр кыһаллыаҕыҥ.

Галатия христианнарыгар 6:2

Бэйэ-бэйэҕит сүгэһэрдэргитин сүксүһэн Христос сокуонун тутуһуҥ.

Эфес христианнарыгар 5:2

Христос биһигини таптаан, биһиги туспутугар Бэйэтин сайа илгийэр кэрэ бэлэх, Таҥараҕа сөбүлэтэр сиэртибэ быһыытынан биэрбитин курдук, эһиги эмиэ тапталынан салайтаран олоруҥ.

1 Фессалоника христианнарыгар 3:12

Айыы Тойон эһиги бэйэ-бэйэҕитигэр итиэннэ бар дьоҥҥо тапталгытын, эмиэ биһиги эһиэхэ тапталбытын курдук, муҥура суох күүһүрдүөхтүн, Айыы Тойоммут Иисус Христос бары сибэтиэйдэрин кытта кэлэригэр эһиги сүрэххит Аҕа Таҥарабыт иннигэр эҥкилэ суох ыраас буоларын туһугар, эһигини бөҕөргөтүөхтүн! Аминь.

2 Фессалоника христианнарыгар 1:3

Бырааттарбыт, эһиги итэҕэлгит үүнэн, хас биирдиигит бэйэ-бэйэҕитигэр таптала күүһүрэн иһэрин иһин, биһиги кырдьыгы көрөр дьон сиэринэн өрүү Таҥараҕа махтана сылдьыахтаахпыт.

Еврейдэргэ 13:1

Доҕотторуом, эһиги бэйэ-бэйэҕитигэр бырааттыы тапталгыт уостары билбэтин.

Иаков 2:8

Өскөтүн эһиги Суруйууларга этиллибит «Чугастааҕыгын, бэйэҕин таптыырыҥ курдук, таптаа» диэн үрдүкү сокуону толорор буоллаххытына, үтүө суолу тутуһаҕыт.

1 Петр 1:22

Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.

2 Петр 1:7

бэриниилээх буолуугутунан бэйэ-бэйэҕитигэр бырааттыы истиҥ сыһыаҥҥытын, истиҥ сыһыаҥҥытынан тапталы көрдөрүҥ.

1 Иоанн 3:11

Бу баар – эһиги аан маҥнайгыттан истибит кэриэс тылгыт: биһиги бэйэ-бэйэбитин таптыахтаахпыт,

1 Иоанн 3:23

Оттон Кини кэриэһэ – Уолун Иисус Христос аатыгар итэҕэл уонна, биһиэхэ ыйбытын курдук, бэйэ-бэйэҕэ таптал.

1 Иоанн 4:21

Оттон Кини биһиэхэ биэрбит кэриэһэ этэр: Таҥараны таптыыр киһи быраатын эмиэ таптыахтаах.

2 Иоанн 1:5

Онон, күндү хотун, билигин саҥа кэриэһи буолбакка, хара маҥнайгыттан истибит кэриэспитин тоһоҕолоон туран, бэйэ-бэйэбитин таптыаҕыҥ диэн эһигиттэн көрдөһөбүн.