Иоанн 12:13 - Сибэтиэй Биибилийэ кинигэлэрэ

¹³ пальма лабааларын туппутунан Кинини көрсө тахсыбыттара. Кинилэр: «Осанна! Израиль Ыраахтааҕыта, Айыы Тойон аатыгар кэлэн иһээччи алгыстаах!» – диэн хаһыытаһаллара.

Иоанн 12:13 ပူးပေါင်းရင်းမြစ်များ

Матфей 23:39

Мин эһиэхэ этэбин: „Айыы Тойон аатынан Кэлэн Иһээччи алгыстаах!“ дии иликкитинэ, эһиги Миигин көрүөххүт суоҕа».

Матфей 27:42

«Атыттары быыһыыра, оттон Бэйэтин быыһанар кыаҕа суох! Израиль Ыраахтааҕыта эбит буоллаҕына, сибилигин кириэстэн түстүн, оччоҕо биһиги Кинини итэҕэйиэхпит.

Иоанн 1:49

«Равви! – Нафанаил саҥа аллайа түһэр. – Эн Таҥара Уолунаҕын, Израиль Ыраахтааҕытынаҕын!»

Иоанн 12:14

«Куттаныма, Сион кыыһа! Эн Ыраахтааҕыҥ мииниллэ илик оселу миинэн эйиэхэ кэлиэҕэ» диэн суруллубутун курдук, Иисус осел оҕотун булан мииммитэ.

Иоанн 19:15

«Киэр гын, киэр гын! Кириэскэ тиир – Кинини!» – диэн үөгүлэспиттэрэ. «Ыраахтааҕыгытын кириэскэ тиирэбин дуо?» – диэбитэ Пилат. Архиерейдар хардарбыттара: «Биһиги императортан атын ыраахтааҕыбыт суох!»

Арыллыы 15:3

Кинилэр Таҥара кулутун Моисей уонна Бараан Оҕотун ырыатын ыллыыллара: «Оо, Айыы Тойон Таҥара, Барытын Тутан Олорооччу! Улуу да, сөҕүмэр да буоллаҕа Эн оҥоһууҥ! Эн суолуҥ барыта көнө, кырдьыктаах, оо, сибэтиэйдэр Ыраахтааҕылара!

Арыллыы 19:16

Таҥаһыгар да, өттүгэр да «Ыраахтааҕылар Ыраахтааҕылара, Тойоттор Тойонноро» диэн аат сурулла сылдьар.

Арыллыы 7:9

Онтон көрбүтүм, арай ким да ситэн аахпат үтүмэн үгүс киһитэ хас биирдии омуктан, биис уустан, норуоттан, тылтан кэлэн бүрүстүөл уонна Бараан Оҕотун иннигэр маҥан таҥаһы таҥнан, пальма лабааларын тутан тураллара.