Иоанн 1:7 - Сибэтиэй Биибилийэ кинигэлэрэ

⁷ Бары киниттэн истэн итэҕэйэллэрин туһугар, кини дьоҥҥо сырдык туһунан кэрэһиттии кэлбитэ.

Иоанн 1:7 ပူးပေါင်းရင်းမြစ်များ

Иоанн 1:12

оттон ылыммыттарга, Кинини итэҕэйээччилэргэ, Кини Таҥара оҕолоро буолар быраабы биэрбитэ.

Иоанн 1:15

Иоанн Кинини кэрэһиттээн этэрэ: «„Кэннибиттэн Кэлэн Иһээччи иннибэр буолла, тоҕо диэтэххэ, мин иннибиттэн баара“ диэн, мин бу Кини туһунан эппитим!»

Иоанн 1:19

Иоанн маннык кэрэһиттээбитэ. Иудей тойотторо Иерусалимтан Иоаҥҥа аҕабыыттары кытта левиттэри ыытан: «Эн кимҥиний?» – диэн ыйыттарбыттара.

Иоанн 1:36

Кини Иисус кэлэн иһэрин көрөөт: «Таҥара Бараанын Оҕото бу иһэр!» – диэн саҥа аллайбыта.

Иоанн 1:9

Бу аан дойдуга кэлэр хас биирдии киһини сырдатар дьиҥнээх сырдык баара.

Апостоллар 19:4

«Иоанн аньыыны билинии бэлиэтигэр сүрэхтиирэ, – диэбитэ Павел. – Кини кэнниттэн Кэлээччини – Христос Иисуһу – итэҕэйэллэригэр ыҥырара».

Галатия христианнарыгар 3:26

Онон Христос Иисуска итэҕэлгитинэн эһиги бука бары Таҥара уолаттара буолаҕыт.

Эфес христианнарыгар 3:9

итиэннэ барыны барытын Иисус Христоһунан айбыт Таҥара үйэлэргэ кистээбит соруга тугун дьоҥҥо барытыгар арыйарым туһугар, бэриллибитэ.

1 Тимофейга 2:4

Кини дьон барыта быыһаныан, кырдьыгы билэр кыахтаныан баҕарар.

Титкэ 2:11

Таҥара илгэлээх үтүөтэ киһи аймахха барытыгар абыраллаах сырдык буолан сыдьаайда.

2 Петр 3:9

Сорохтор бытаарар дииллэр эрээри, Айыы Тойон эрэннэрбитин толороругар бытаарбат. Кини ким да өлүөн баҕарбат буолан, киһи барыта аньыытын билинэн Таҥараҕа эргиллэрин туһугар, биһиэхэ тулуурдаахтык сыһыаннаһар.