Иаков 2:20 - Сибэтиэй Биибилийэ кинигэлэрэ

²⁰ Оттон эн, оттомо суох киһи, дьайыыта суох итэҕэл өлбүт итэҕэл буоларын билиэххин баҕараҕын дуо?

Иаков 2:20 ပူးပေါင်းရင်းမြစ်များ

Аман өһө 12:11

Сирин оҥостооччу аччыктыа суоҕа, оттон акаары – тыалы сырса сылдьыаҕа.

Рим христианнарыгар 1:21

Ол гынан баран кинилэр Таҥара туһунан билэн да баран, Таҥараҕын диэн айхаллаабатахтара, махтамматахтара, хата ол оннугар өйдөрө-санаалара сүпсүккэ ылларан, ньүдьү-балай сүрэхтэрэ эбии ыаһырбыта;

Рим христианнарыгар 3:28

Киһи Сокуону тутуһан буолбакка, итэҕэлинэн быыһанарын биһиги билинэбит.

Рим христианнарыгар 9:20

Оо, эн, киһи, Таҥараны кытта мөккүһэр бу кимҥиний? Иһит оҥорор ууска оҥорбут иһитэ ама: «Тоҕо эн миигин маннык оҥордуҥ?» – диэн өрөлөһөн туруо дуо?

Галатия христианнарыгар 5:6

Биһиги Христос Иисуһу итэҕэйбит буоллахпытына, быһыллыбыппыт-быһыллыбатахпыт туох да суолтата суох, арай тапталынан дьайар итэҕэлбит эрэ суолталаах.

Галатия христианнарыгар 6:3

Оттон ким эмэ дуона суох эрээри, улаханнык сананар буоллаҕына, ол аата бэйэтин албыннанар.

Колосс христианнарыгар 2:8

Бырааттарыам, ким да эһигини кураанах бөлүһүөктээһининэн, хойгур дойҕоҕунан умсугуппатын курдук, сэрэхтээх буолуҥ. Итинник бөлүһүөктээһин барыта Христоска буолбакка, дьон үһүйээннэригэр, сир-халлаан күүстэригэр олоҕурар.

1 Тимофейга 1:6

Сорохтор итини хааллараннар, туһата суоҕу кэпсэтиинэн дьарыгырар буолбуттар.

Титкэ 1:10

Бас бэриммэт хадаар майгылаах, хойгур тыллаах-өстөөх, албын-көлдьүн киһи бэрт элбэх. Ордук итэҕэйбит иудейдар ортолоругар.

Иаков 1:26

Эһигиттэн хайаҕыт эрэ Таҥараҕа бэриниилээхпин дэнэ сылдьан, тылын кыана туттубат буоллаҕына, ол аата бэйэтин албыннанар – кини Таҥараҕа бэриниилэммитэ туохха да турбат.

Иаков 2:17

Син ол кэриэтэ итэҕэл эмиэ туох да үтүө дьайыыта суох аҥаардас буоллаҕына – өлбүт итэҕэл.

Иаков 2:26

Киһи тыына быһыннаҕына, этэ-сиинэ өлүк эрэ буолан хааларын курдук, үтүө дьайыыта суох итэҕэл эмиэ – өлбүт итэҕэл.