Иаков 2:14 - Сибэтиэй Биибилийэ кинигэлэрэ

¹⁴ Бырааттарыам, итэҕэйэбин диир киһи итэҕэлэ олорор олоҕуттан көстүбэт буоллаҕына, кини итэҕэйбитэ туох көдьүүстээх буолуой? Ол итэҕэлэ кинини өрүһүйүөн сөп дуо?

Иаков 2:14 ပူးပေါင်းရင်းမြစ်များ

Лука 6:49

Оттон ким Мин тылбын истэр эрээри, толорбот – ол дьиэтин кумахха акылаата суох туппут киһиэхэ холоонноох: уу тоҕо анньан кэлиэ да, ол дьиэ сонно сиҥнэн түһүө».

Титкэ 1:16

Таҥараны билэбит диэн тыллаахтар эрээри, дьайыыларынан – сидьиҥ быһыыларынан-майгыларынан, бас бэриммэттэринэн, туох да үтүөнү оҥорор кыахтара суоҕунан – Кинини утараллар эрэ.

2 Петр 1:5

Онон эһиги туох баар кыһамньыгытын ууран, итэҕэлгитинэн үтүө быһыыгытын-майгыгытын, үтүө быһыыгытынан билиигитин көрдөрөргө дьулуһуҥ;

Иаков 2:26

Киһи тыына быһыннаҕына, этэ-сиинэ өлүк эрэ буолан хааларын курдук, үтүө дьайыыта суох итэҕэл эмиэ – өлбүт итэҕэл.

Еврейдэргэ 11:17

Итэҕэлинэн Авраам, Таҥара кинини тургутан көрбүтүгэр, Исаагы сиэртибэ биэрбитэ; Таҥара киниэхэ «Исаак эн ааккын ааттатыа» диэн эрэннэрбит баар-суох соҕотох уолун сиэртибэ биэрэргэ Авраам ол курдук бэлэм этэ.

Еврейдэргэ 13:9

Эҥин араас туора үөрэҕинэн үлүһүйүмэҥ; онон дьарыгырааччыларга туох да туһаны аҕалбатах аһы аһыахтааҕар, Таҥара илгэтинэн күүс-сэниэ киллэриммит ордук.

Галатия христианнарыгар 5:6

Биһиги Христос Иисуһу итэҕэйбит буоллахпытына, быһыллыбыппыт-быһыллыбатахпыт туох да суолтата суох, арай тапталынан дьайар итэҕэлбит эрэ суолталаах.

Иаков 2:18

Баҕар, ким эрэ: «Сороххо итэҕэйэр кыах, оттон сороххо үтүөнү оҥорор кыах бэриллэр», – диэҕэ. Оччоҕо мин киниэхэ этиэм: «Ол дьайыыта суох итэҕэлгин миэхэ көрдөр, оттон мин итэҕэлбин эйиэхэ олохпунан көрдөрүөм».

Апостоллар 8:21

Биһиги сулууспабытыгар эн ханнык да кыттыгаһыҥ, кыттар быраабыҥ да суох: маныаха сөбө суох сүрэхтээххин Таҥара көрөн турар.

Матфей 5:20

Эһиэхэ этэбин: эһиги Таҥара көҥүлүн сокуонньуттардааҕар уонна фарисейдардааҕар ордук толорботоххутуна, Халлаан Саарыстыбатыгар киириэххит суоҕа.

Титкэ 3:8

Бу дьиҥ кырдьыктаах тыл. Эн бу чахчылары өрүү өйдөтө-бигэргэтэ сылдьаргар баҕарыам этэ. Таҥараны итэҕэйбит дьон үтүөнү оҥорорго дьулуурдаах буоллуннар: бу киһиэхэ эрэ барытыгар көмөлөөх, туһалаах суол.

1 Тимофейга 1:5

Оттон биһиги ирдэбилбит сыала-соруга – ыраас сүрэхтэн, үтүө суобастан уонна истиҥ итэҕэлтэн үөскүүр таптал.

1 Фессалоника христианнарыгар 1:3

Эһиги итэҕэлгитин олоххутунан, тапталгытын сыралаах үлэҕитинэн, Айыы Тойон Иисус Христоска эрэлгитин кытаанах тулуургутунан көрдөрбүккүтүн биһиги Аҕа Таҥарабыт иннигэр хаһан да умнубаппыт.

Галатия христианнарыгар 5:13

Көҥүлгэ ыҥырыллыбыккыт эбээт эһиги, бырааттарыам! Көҥүл эбиппит диэн, аньыынан-харанан эккитин-хааҥҥытын көччүппэтэргит! Эһиги тапталынан бэйэ-бэйэҕитигэр көмөлөһүөхтээххит.

1 Коринф христианнарыгар 15:2

эмиэ бу Евангелиенан, мин эһиэхэ үөрэппиппин чиҥник тутуһар буоллаххытына, быыһанаҕыт; оттон тутуспат буоллаххытына, – ол аата эһиги кураанахха итэҕэйбиккит.

Апостоллар 15:9

Сүрэхтэрин итэҕэлинэн ыраастаабыт буолан, кинилэри да, биһигини да туох да диэн араарбатаҕа.

Иаков 2:16

хайаҕыт эмэ «Чэ, эйэни кытта барыҥ, ичигэстик таҥна, үчүгэйдик аһыы-сии сылдьыҥ» диэн баран, аһыылларыгар ас, таҥналларыгар таҥас бэрсибэтэҕинэ, ити эппитэ туох туһалаах буолуой?

1 Тимофейга 4:8

Эти-хааны эрчийии туһата кыра, оттон Таҥараҕа бэриниилээх буолуу билиҥҥи да, кэнэҕэс да олоҕу эрэннэрэр буолан, барытыгар туһалаах.

Апостоллар 8:13

Симон бэйэтэ эмиэ итэҕэйбитэ, сүрэхтэнэн баран, Филиби батыһа сылдьар буолбута, кини сүдү күүстээх дьайыыларын, дьиктилэрин олус сөҕө көрөрө.

1 Коринф христианнарыгар 16:22

Ким Айыы Тойон Иисус Христоһу таптаабат – ол анафема. Маран-афа!

Рим христианнарыгар 2:25

Сокуон тугу этэрин барытын толорор эрэ буоллаххына, иудей бэлиэтинэн быһыллыбытыҥ эйиэхэ туһалыыр, оттон Сокуону кэһэр буоллаххына, син биир быһыллыбатаҕыҥ тэҥэ.

Лука 3:11

«Ким икки таҥастаах, ол туга да суохтуун үллэһиннин, ким аһыыр астаах, ол эмиэ оннук гыннын», – диэбитэ Иоанн.

Иаков 1:16

Онон, таптыыр бырааттарым, бэйэҕитин албыннанымаҥ.