Еврейдэргэ 3:2 - Сибэтиэй Биибилийэ кинигэлэрэ

² Урут Моисей Таҥара дьиэтигэр бүттүүнүгэр бэриниилээҕин курдук, Иисус Христос эмиэ Кинини туруорбут Таҥараҕа бэриниилээх.

Еврейдэргэ 3:2 ပူးပေါင်းရင်းမြစ်များ

Иоанн 15:10

Мин Аҕам ыйбытын толороммун Кини тапталыгар олорорум курдук, эһиги эмиэ Мин ыйбыппын толордоххутуна, Мин тапталбар олоруоххут.

Иоанн 17:4

Мин сиргэ Эн кэрэмэн килбиэҥҥин көрдөрдүм, Эн соруйуугун толордум.

Иоанн 7:18

Бэйэтин аатыттан үөрэтэр киһи бэйэтигэр албан ааты ситиһэ сатыыр, оттон ким Кинини Ыыппыты албан аатырдыан баҕарар, ол дьиҥ кырдьыктаах, Кини сымыйалаабат.

Иоанн 8:29

Миигин Ыыппыт Аҕам Миигин кытта бииргэ баар. Мин өрүүтүн Кини сөбүлүүрүн эрэ оҥорорум иһин, Аҕам Миигин хаһан да соҕотохтуу хаалларбат».

Эфес христианнарыгар 2:22

Эһиги эмиэ Кинилиин биир буолан, Таҥара Дьиэтэ буолардыы, Тыын көмөтүнэн үүнэн-бөҕөргөөн иһэҕит.

1 Тимофейга 1:12

Миэхэ күүс укпут Христос Иисуска, Айыы Тойоммутугар, миигин, урут Кинини холуннарбыт, сойуолаабыт уонна атаҕастаабыт киһини, эрэллээх киһитинэн билинэн, Бэйэтигэр сулууспалата туруорбутун иһин, махтанабын. Оннук быһыыланыым билбэппиттэн, итэҕэйбэппиттэн тахсыбыт буолан, Таҥара миэхэ аһыныылаахтык сыһыаннаспыта;

1 Тимофейга 3:15

Баҕар, барбакка тардыллар түбэлтэбэр Таҥара Дьиэтигэр – Тыыннаах Таҥара Сиэркэбигэр – хайдах туттан-хаптан сылдьары билэргэр көмөлөөх буолуо дии саныыбын. Таҥара Дьиэтэ – дьиҥ кырдьык тулхадыйбат тулааһына, халбаҥнаабат чиҥ тирэҕэ.

Еврейдэргэ 2:17

Дьэ ол иһин, Кини Таҥара иннигэр амарах сүрэхтээх эрэллээх Архиерей буолан, норуот аньыытын-харатын бырастыы гыннарар туһугар, бырааттарыгар бары өттүнэн дьүөрэлэһиэхтээх этэ.