Эсфирь 7:2 - Сибэтиэй Биибилийэ кинигэлэрэ

² Эмиэ урукку курдук арыгы иһэ олорон, ыраахтааҕы Эсфирьтэн: «Эсфирь сарыысса, эн баҕарар баҕаҥ тугуй? – диэн ыйыппыта. – Эн тугу баҕарбыккын барытын ылыаҕыҥ. Онон туох көрдөһүүлээххиний? Мин эйиэхэ саарыстыбам аҥаарын да биэрэбин!»

Эсфирь 7:2 ပူးပေါင်းရင်းမြစ်များ

Иоанн 16:24

Билиҥҥэ диэри эһиги Мин ааппар тугу да көрдөһө иликкит; көрдөһүҥ, оччоҕо ылыаххыт, оччоҕо үөрүүгүт толору буолуоҕа.

Эсфирь 5:6

Арыгы иһэ олордохторуна, кини Эсфирьтэн: «Эн туохха баҕара саныыгыный? – диэн ыйыппыта. – Ол барыта эйиэхэ бэриллиэ. Онон туох көрдөһүүлээххиний? Баҕар, саарыстыбам аҥаарын да ыйыт – баҕарбытыҥ барыта туолуо».

Эсфирь 5:3

«Хайа, Эсфирь сарыысса, эн туох кыһалҕалаах кэллиҥ? – диэн ыйыппыта ыраахтааҕы. – Туох көрдөһүүлээххиний? Саарыстыбам аҥаарын да көрдөөтөххүнэ, эйиэхэ барыта бэриллиэҕэ».

Эсфирь 9:12

Ыраахтааҕы Эсфирь сарыыссаҕа эппитэ: «Сузыга иудейдар биэс сүүс киһини, ол иһигэр Аман уон уолун кырган өлөрбүттэр. Оттон саарыстыба атын уобаластарыгар тугу оҥорбуттара эбитэ буолла? Эн миигиттэн өссө туох көрдөһүүлээххиний? Мин эйиэхэ барытын биэриэм. Онон өссө тугу көрдөһөҕүн? Ол барыта туолуо».

Марк 6:23

Кини өссө андаҕайбыта: «Көрдөөбүккүн барытын, саарыстыбам аҥаарын кытта биэриэм».

Эсфирь 7:1

Ыраахтааҕы Аманы кытта Эсфирь сарыысса малааһыныгар тиийэн кэлбиттэрэ.

Апостоллар 23:19

Тойон уолу тэйиччи сиэтэн илдьэн: «Тугу этэрдээххиний?» – диэн ыйыппыта.