Эсфирь 5:9 - Сибэтиэй Биибилийэ кинигэлэрэ

⁹ Ити күн Аман малааһынтан үөрэн-көтөн, санаата улаханнык көнньүөрэн тахсыбыта. Ол иһэн ыраахтааҕы дыбарыаһын олбуорун аанын аттыгар үлэлии олорор Мардохей кини иннигэр турбатаҕыттан, туруохтааҕар дьөрү ымыттан да көрбөтөҕүттэн улаханнык кыыһырбыта эрээри,

Эсфирь 5:9 ပူးပေါင်းရင်းမြစ်များ

Эсфирь 3:5

Аман, Мардохей кини иннигэр сөһүргэстээбэтин, сиргэ умса түһэн сүгүрүйбэтин иһин, улаханнык өһүрэ санаабыта.

Матфей 2:16

Илинтэн кэлбит дьоҥҥо албыннаппытын билэн, Ирод улаханнык уордайбыта. Ол иһин, чопчу ыйдарбыт кэминэн быһааран, Вифлеемҥэ уонна ол эргин сирдэргэ баар иккитигэр диэри саастаах уол оҕолору барыларын кыргарга соруйан дьону ыыппыта.

Иаков 4:9

Кэмсиниҥ, ытааҥ, аймаһыйыҥ – күлүүгүт ытабылга, үөрүүгүт кутурҕаҥҥа кубулуйуохтун.

Иоанн 16:20

Дьиҥ кырдьыгы эһиэхэ этэбин: эһиги ытаһыаххыт, кутурҕаҥҥа ылларыаххыт, оттон аан дойду үөрүөҕэ; ол эрээри эһиги төһө да санаарҕаабыккыт иһин, санаарҕабылгыт үөрүүгэ кубулуйуоҕа.

Лука 6:25

Сор-муҥ күүтэр билигин топпуттары – эһиги аччыктыаххыт! Сор-муҥ күүтэр билигин күлээччилэри – эһиги ытыаххыт-соҥуоххут!

Саалтыр 27:3

Киэр анньыма миигин нэгэйдэри, хара саҥнаахтары кытары; кинилэр ыалларын кытта эйэ-дэмнээхтик кэпсэтэллэр, оттон сүрэхтэригэр хатааннаах санааны кистэнэллэр.

Саалтыр 15:4

Туора таҥараҕа сүгүрүйээччилэр эрэйдэрин бэйэлэрэ үксэтэллэр; мин кинилэри кытта кэрэх хаанын тоҕуом суоҕа, кинилэр таҥараларын ааттарын да ааттыам суоҕа.

Эсфирь 3:2

Дыбарыас олбуорун аанын аттыгар үлэлээх дьон бука бары Аман иннигэр сөһүргэстээн туран сиргэ тиийэ сүгүрүйэллэрэ – ыраахтааҕы дьаһала оннуга. Арай Мардохей эрэ Аман иннигэр сөһүргэстээбэт, кини атаҕар үҥпэт этэ.

Эсфирь 2:19

Кыргыттары иккистээн хомуйалларын саҕана, Мардохей күннэтэ үлэлиир сиригэр, ыраахтааҕы дыбарыаһын олбуорун аанын аттыгар олороро.

Апостоллар 7:54

Маны истэн, кинилэр уордайбыт уохтарыгар хабырынан ылбыттара.

Матфей 10:28

Киһи этин-сиинин өлөрөр эрээри, дууһатын өлөрөр кыаҕа суохтартан куттанымаҥ; ол оннугар киһини бүтүннүү – эттэри-сииннэри, дууһалары – гееннаҕа өлөрөр Кыахтаахтан куттанар буолуҥ.

Эсфирь 5:13

Дьэ ол эрээри ыраахтааҕы олбуорун аттыгар ити Мардохей иудей олорорун көрөрүм тухары мин бу үөрүүм кэрэгэй».