Эсфирь 2:9 - Сибэтиэй Биибилийэ кинигэлэрэ

⁹ Аттакы кыыһы кэрэхсии көрөн, киниэхэ сылаастык сыһыаннаспыта, дыргыл сыттаах эгэлгэ арыынан, бэриллэр аһынан-үөлүнэн харыыта суох хааччыйбыта. Итиэннэ дыбарыас талыы чаҕардарыттан сэттэ кыыһы киниэхэ биэрэн баран, Эсфири ол чаҕар кыргыттарыныын дьахталлар дьиэлэрин бастыҥ аҥаарыгар көһөрбүтэ.

Эсфирь 2:9 ပူးပေါင်းရင်းမြစ်များ

Аман өһө 16:7

Айыы Тойон сөптөөх суолунан иһэр диэбит киһитин өстөөхтөрүн да кытта иллэһиннэриэҕэ.

Эсфирь 2:12

Хас биирдии кыыс, Ахашверош ыраахтааҕыга киирэр уочарата кэлиэр диэри, дьахталларга олохтоммут үгэһинэн, уон икки ый тухары бэлэмнэнэрэ: этин-сиинин маҥнайгы алта ый мирра арыытынан, онтон өссө эмиэ алта ый дьахталлар эттэрин соттор дыргыл сыттаах арыыларынан, эҥин-эгэлгэ маастарынан сотторо.

Эсфирь 2:3

Ыраахтааҕы, саарыстыбатын хас уобалаһын аайы эрэллээх дьонун анаан, кэрэ дьүһүннээх кыргыттары барыларын Сузы бөҕөргөтүнүүлээх куоратыгар, дыбарыаска дьахталлар олорор аҥаардарыгар, мустардын. Кыргыттары ыраахтааҕы аттакытыгар, дьахталлары харабыллыыр Гегай көрүүтүгэр туттаран баран, кинилэргэ эттэрин соттоллоругар дыргыл сыттаах эҥин-эгэлгэ арыыны биэрдиннэр.

Апостоллар 7:10

бары ыарахаттартан быыһаан ылан, киниэхэ муударай өйү биэрбит, Египет ыраахтааҕытын – фараонун үтүө сыһыанын бэлэхтээбит. Ыраахтааҕы Иосибы Египет сирин бүтүннүүтүн уонна бэйэтин дьиэтин-уотун дьаһайарга анаабыт.

Эсфирь 5:2

Кини тиэргэҥҥэ кэлэн турар Эсфирь сарыыссаны ис-иһиттэн манньыйа көрөн, тутан олорор кыһыл көмүс торуоскатын киниэхэ утары ууммута. Эсфирь чугаһаан кэлэн, торуоска уһугун илиитинэн таарыйбыта.