Эсфирь 10:2 - Сибэтиэй Биибилийэ кинигэлэрэ

² Кини бары килбиэннээх, албан ааттаах дьайыылара уонна ыраахтааҕы Мардохейы хайдах курдук муҥутуурдук үрдэппитин туһунан кэпсээн Мидия, Персия ыраахтааҕыларын кэрдиис кэмнэрин үйэтитэр кинигэҕэ толору суруллубута.

Эсфирь 10:2 ပူးပေါင်းရင်းမြစ်များ

Эсфирь 8:15

Мардохей дыбарыастан ыраахтааҕы көҕөрүмтүйэн көстөр хараҥа кыһыл уонна маҥан өҥнөөх мааны таҥаһын-сабын таҥнан, төбөтүгэр улахан кыһыл көмүс мэнньиэһи кэтэн, күндү маҥан лүөн уонна кыһыл түү сабынан өрүллүбүт сонноох тахсыбыта. Онон Сузы куоракка үөрүү-көтүү, өрөгөй бөҕө өрө оргуйа түспүтэ.

Эсфирь 9:4

Мардохей дыбарыаска улахан ыйааһыннаах киһи буолбута, кини суон сураҕа бары уобалаһы барытын тилийэ көппүтэ. Күнтэн күн Мардохей сабыдыала күүһүрэн иһэрэ.

Эсфирь 2:23

Дьыаланы чинчийэн, чахчытын быһааран баран, куомуннаахтары мас остуолбаҕа ыйаан кэбиспиттэрэ. Уонна ыраахтааҕы көрөн олордоҕуна ити туһунан дойду бэлиэ түгэннэрин үйэтитэр кинигэҕэ суруйбуттара.

Эсфирь 6:1

Ити түүн ыраахтааҕы көрбүт хараҕын симмэтэҕэ. Уута кэлбэккэ, Өйдөбүнньүк кинигэтин, атыннык эттэххэ, дойдутун бэлиэ түгэннэрин үйэтитэр кинигэтин, аҕалтаран, киниэхэ ону улаханнык доргуччу ааҕалларыгар дьаһайбыта.

Эсфирь 8:2

Ыраахтааҕы Амантан төттөрү ылбыт бэчээттээх биһилэҕин устан Мардохейга биэрбитэ. Эсфирь буоллаҕына Мардохейы Аман бас билэр сирин-уотун салайааччытынан анаабыта.