Арыллыы 8:5 - Сибэтиэй Биибилийэ кинигэлэрэ

⁵ Аанньал хадьыылатын сиэртибэнньиктэн ылбыт уотунан толорон баран, сиргэ таҥнары сүөкээбитэ – сонно тута сиргэ саҥа-иҥэ ньамаласпыта, этиҥ этэн ньириһиппитэ, чаҕылҕан чаҕылыйбыта, сир хамсааһына буолбута.

Арыллыы 8:5 ပူးပေါင်းရင်းမြစ်များ

Саалтыр 18:13

Ким сыыһатын барытын ситэн көрүнүөҕэй? Оо, биллибэт-көстүбэт аньыыбыттан миигин ыраастаа;

Матфей 24:7

Норуот норуоту, саарыстыба саарыстыбаны утары туруоҕа; сут, өлүүлээх сутул саҕаланыаҕа, онон-манан сир хамсааһына буолуталыаҕа.

Лука 12:49

Мин сиргэ уоту аҕала кэлбитим. Бу уот хайыы-үйэ күөдьүйэ охсуон хайдахтаах курдук баҕарабыный!

Апостоллар 16:26

Эмискэ күүстээх сир хамсааһына буолан, хаайыы төрдүттэн түөрэҥнээбитэ; сонно ааннар бары тэлэллэ түспүттэрэ, хаайыылаахтар хандалылара төлүтэ барбыттара.

Апостоллар 4:31

Үҥэн бүтэллэрин кытта, түмсүбүт дьиэлэрэ дьигиһийэн ылбыта, Сибэтиэй Тыын сүрэхтэрин толорон, бука бары, иҥнэн-толлон турбакка, Таҥара тылын иһитиннэрэн барбыттара.

Арыллыы 11:13

Сонно тута улуу сир хамсааһына буолан, куорат уон гыммыт биирэ урусхалламмыта; бу сир хамсааһыныгар сэттэ тыһыынча киһи өлбүтэ, онтон ордубута кутталыттан Халлааҥҥа баар Таҥараҕа уруй-айхал эппитэ.

Арыллыы 11:19

Халлааҥҥа Таҥара Дьиэтин аана тэлэччи аһыллыбыта, ол иһигэр Таҥара кэс тылын хоппото көстүбүтэ; чаҕылҕан чаҕылыйбыта, этиҥ этэн ньириһиппитэ, саҥа-иҥэ, тыас-уус иһиллибитэ, сир хамсаабыта, улуу тобурах тоҕо түспүтэ.

Арыллыы 4:5

Бүрүстүөлтэн чаҕылҕан чаҕылыйара, этиҥ этэрэ, саҥа-иҥэ иһиллэрэ. Бүрүстүөл иннигэр Таҥара сэттэ тыына буолар сэттэ сибэтиилинньик умайа турара,

Арыллыы 6:12

Онтон алтыс бэчээти төлөрүппүтүгэр көрбүтүм, арай сүдү күүстээх сир хамсааһына буолбута, күн өлөн кутурҕан таҥаһын курдук хараара өспүтэ, толору ый хаан курдук кытарбыта;

Арыллыы 8:3

Аны биир атын Аанньал кэлэн, кыһыл көмүс хадьыыланы туппутунан сиэртибэнньик иннигэр турбута; бары сибэтиэйдэр үҥэр үҥүүлэрин кытта холбуу бүрүстүөл иннинээҕи кыһыл көмүс сиэртибэнньиккэ уурдун диэн киниэхэ элбэх фимиамы биэрбиттэрэ.