Арыллыы 7:2 - Сибэтиэй Биибилийэ кинигэлэрэ

² Онтон тус илин диэкиттэн, күн тахсар сириттэн, атын Аанньал Тыыннаах Таҥара бэчээтин туппутунан, өрө дабайан иһэрин көрбүтүм. Кини сири, муораны буортулуур кыах бэриллибит түөрт Аанньалыгар туһаайан дорҕоонноох куолаһынан:

Арыллыы 7:2 ပူးပေါင်းရင်းမြစ်များ

Матфей 16:16

«Эн – Христоскун, Тыыннаах Таҥара Уолаҕын», – диэбитэ Симон Петр.

Матфей 26:63

Иисус саҥарбатаҕа. Онуоха архиерей эппитэ: «Тыыннаах Таҥара аатынан Эйигин модьуйабын: биһиэхэ эт – Таҥара Уола Христос Эн дуо?»

Иоанн 6:27

Эһиги курсуйар аска буолбакка, бараммат олоххо тиксэрэр аска кыһаллар буолуҥ. Оннук аһы эһиэхэ Киһи Уола биэриэҕэ: Аҕата Таҥара Кинини Бэйэтин бэчээтинэн бэлиэтээбитэ».

2 Коринф христианнарыгар 1:22

Кини биһигини Бэйэтин бэчээтинэн бэлиэтээн баран, кэнэҕэс кэлэри мэктиэлээн биһиги сүрэхпитигэр Сибэтиэй Тыынын олохсуппута.

Эфес христианнарыгар 1:13

Кини баар буолан эһиги эмиэ дьиҥ кырдьык тылын – быыһанар Евангелиеҕытын истибиккит; Кинини итэҕэйэн эһиги Таҥара эрэннэрбит Сибэтиэй Тыынын бэчээтинэн бэлиэтэммиккит.

Эфес христианнарыгар 4:30

Бүтэһиктээхтик босхолонор күҥҥүтүгэр анаан эһигини Бэйэтин бэчээтинэн бэлиэтээбит Таҥара Сибэтиэй Тыынын хомотумаҥ.

1 Фессалоника христианнарыгар 1:9

Эһиги биһигини хайдах көрсүбүккүтүн, хайдах сымыйа таҥаралары хаалларан тыыннаах дьиҥ Таҥараҕа сулууспалаары, Киниэхэ эргиллибиккитин, Кини өлүүттэн тилиннэрбит Уола, биһигини кэнэҕэски уордаах Дьүүлтэн быыһыыр Иисус, Халлаантан кэлэрин күүтэргитин, ханна да тиийбиппит иһин, бэйэлэрэ кэпсии тоһуйаллар.

2 Тимофейга 2:19

Ол эрээри «Таҥара Бэйэтин дьонун билэр» уонна «Айыы Тойон аатын итэҕэйэр ханнык баҕарар киһи куһаҕантан тэйиэхтин» диэн бэчээттээх Таҥара бөҕө акылаата халбаҥнаабат.

Еврейдэргэ 12:22

Суох, эһиги Сион хайатыгар – Тыыннаах Таҥара куоратыгар, Халлааннааҕы Иерусалимҥа, аата ахса биллибэт Аанньалларга,

Арыллыы 1:3

Бу билиҥҥини да, кэнэҕэһи да төлкөлүүр тыллары ааҕар киһи уонна кини ааҕарын истэн бу кинигэҕэ суруллубуту тутуһааччылар алгыстаахтар. Болдьохтоох кэм кэлэрэ чугаһаата.

Арыллыы 10:1

Онтон күүстээх атын Аанньал былыкка сууланан, халлаантан түһэн иһэрин көрбүтүм; төбөтүн иилии кустук оонньуура, сирэйэ күн курдук күлүмүрдүүрэ, икки атаҕа икки уот баҕана курдуга;

Арыллыы 10:4

Сэттэ этиҥ эппитигэр мин сурунардыы оҥостон иһэн, халлаантан: «Сэттэ этиҥ тугу эппитин суруйума, кистэлэҥҥэ тут», – диир саҥаны истибитим.

Арыллыы 16:12

Алтыс Аанньал кытаҕын улуу Евфрат өрүскэ сүөкээбитигэр илинтэн, күн тахсар сирин диэкиттэн, кэлэр ыраахтааҕылар суоллара бэлэм буоларын туһугар, өрүс, уута уолан, кумаҕынан көрбүтэ.

Арыллыы 5:2

Онтон көрдөхпүнэ, арай биир сүдү күүстээх Аанньал: «Бу кинигэни бэчээтин көтүрэн арыйар кыахтаах ким баарый?» – диэн ньиргиэрдээх куолаһынан ыйыппыта.

Арыллыы 8:3

Аны биир атын Аанньал кэлэн, кыһыл көмүс хадьыыланы туппутунан сиэртибэнньик иннигэр турбута; бары сибэтиэйдэр үҥэр үҥүүлэрин кытта холбуу бүрүстүөл иннинээҕи кыһыл көмүс сиэртибэнньиккэ уурдун диэн киниэхэ элбэх фимиамы биэрбиттэрэ.

Арыллыы 9:14

Ол истибит саҥам турбалаах алтыс Аанньалга туһаайан: «Улуу Ефрат өрүскэ кэлгиллэн сытар түөрт Аанньалы босхолоо», – диэбитэ.

Арыллыы 9:4

Сир үрдүгэр үүнэн турар хайа да оту, үүнээйини, ханнык да маһы буортулаама, арай сүүһүгэр Таҥара бэчээтэ суох дьону эрэ эмсэҕэлэт диэн буор аһыҥаҕа этиллибитэ.