Арыллыы 7:1 - Сибэтиэй Биибилийэ кинигэлэрэ

¹ Бу кэнниттэн көрбүтүм – сир түөрт муннугар түөрт Аанньал, сиргэ да, муораҕа да, хайа да маска тыалырбатын диэн, сир түөрт тыалын тутан тураллара.

Арыллыы 7:1 ပူးပေါင်းရင်းမြစ်များ

Иона 1:4

Ол эрэн АЙЫЫ ТОЙОН муораҕа улахан тыалы түһэрбитэ: суостаах буурҕа өрө ытыллан, айаннаан иһэр хараабыллара хайа барыах курдук буолбута.

Матфей 24:31

Кини Аанньалларын дуорааннаах турбаларыгар оонньото ыыталыаҕа; оччоҕо кинилэр сир түөрт өттүттэн – халлаан биир саҕаҕыттан атын саҕаҕар тиийэ – Кини талбыт дьонун хомуйуохтара.

Марк 13:27

Кини, Аанньалларын ыыталаан, аан дойду түөрт муннугуттан, сир-халлаан уһугуттан Бэйэтэ талан ылбыт дьонун хомуйтаран ылыаҕа.

Арыллыы 20:8

Кинилэр сир киэҥ иэнин биир гына ылан, сибэтиэйдэр олорор сирдэрин, Таҥара тапталлаах куоратын, төгүрүйбүттэрэ;

Арыллыы 6:6

Иһиттэхпинэ, түөрт харамай быыһыттан: «Биир динарийга – мээрэй эрэ сэлиэһинэй, биир динарийга – үс мээрэй эрэ дьэһимиэн. Олива арыытын уонна виноград арыгытын көҕүрэтимэҥ», – диир саҥа иһиллибитэ.

Арыллыы 7:3

«Таҥарабыт кулуттарын сүүстэригэр бэчээт ууруохпутугар диэри, сиргэ да, муораҕа да, маска да буортуну оҥорумаҥ», – диэн саҥаран дуораһыппыта.

Арыллыы 8:7

Бастакы Аанньал турбатын үрбүтүгэр хаан булкаастаах уоттаах тобурах сиргэ түһэн, мас үс гыммыт биирэ хара хоруонан көрбүтэ, үүнэн турбут күөх от бүтүннүү умайбыта.

Арыллыы 9:14

Ол истибит саҥам турбалаах алтыс Аанньалга туһаайан: «Улуу Ефрат өрүскэ кэлгиллэн сытар түөрт Аанньалы босхолоо», – диэбитэ.

Арыллыы 9:4

Сир үрдүгэр үүнэн турар хайа да оту, үүнээйини, ханнык да маһы буортулаама, арай сүүһүгэр Таҥара бэчээтэ суох дьону эрэ эмсэҕэлэт диэн буор аһыҥаҕа этиллибитэ.