Арыллыы 5:8 - Сибэтиэй Биибилийэ кинигэлэрэ

⁸ Кинигэни ылбытыгар түөрт харамай уонна сүүрбэ түөрт ытык кырдьаҕас Кини иннигэр сөһүргэстии түспүттэрэ; кинилэр хас биирдиилэрэ арфалаах уонна кыһыл көмүс иһиккэ толору кутуллубут үчүгэй сыттаах фимиамнаах этилэр (фимиам – сибэтиэйдэр үҥүүлэрэ).

Арыллыы 5:8 ပူးပေါင်းရင်းမြစ်များ

Саалтыр 141:2

Кыһалҕабын Киниэхэ кэпсээтим, курус санаабын Киниэхэ арыйдым.

Саалтыр 150:3

Айхаллааҥ Кинини турба тыаһынан, айхаллааҥ арфа, лира доҕуһуолунан.

Саалтыр 33:2

Айыы Тойону алгыаҕым хайа да кэмҥэ, Кинини уруйдуурбун ууратыам суоҕа.

Саалтыр 43:4

Өбүгэлэрбит бу сири кылыстарынан ылбатахтара, бэйэлэрин кыахтарынан да быыһамматахтара: Эн уҥа илииҥ, Эн күүһүҥ, Эн сирэйиҥ сырдыга кинилэргэ кыайыыны биэрбитэ, оннук үтүө сыһыаннааҕыҥ кинилэргэ.

Саалтыр 81:2

«Хаһааҥҥа диэри эһиги кырдьыгы токурутан дьүүллүүгүт, хара дьайдаахтары өрө тутаҕыт? Села

Иоанн 1:29

Сарсыныгар Иоанн киниэхэ кэлэн иһэр Иисуһу көрөн эппитэ: «Аан дойду аньыытын-харатын Бэйэтигэр ылынар Таҥара Бараанын Оҕото бу иһэр.

Еврейдэргэ 1:6

Оттон Бастакы Уолун аан дойдуга киллэрэригэр эмиэ: «Таҥара Аанньаллара бары Киниэхэ сүгүрүйүөхтүннэр», – диир.

Арыллыы 13:8

Сир дьоно барыта, аан дойду айыллыан инниттэн толук буоларга анаммыт Бараан Оҕотугар баар Олох Кинигэтигэр аата-суола киирбэтэх хас биирдии киһи – бу кыылга сүгүрүйүөҕэ.

Арыллыы 15:2

Онтон уоту кытта булкуллубут өстүөкүлэҕэ маарынныыр муора баарын көрбүтүм; кыылы, кини мөссүөнүн, бэлиэтин, кини аатын чыыһылатын кыайбыт дьон ол өстүөкүлэ муора үрдүгэр Таҥара биэрбит арфатын тутан тураллара.

Арыллыы 15:7

Онуоха түөрт харамайтан биирдэстэрэ үйэлэр тухары баар Таҥара уора-кылына толору кутуллубут сэттэ кыһыл көмүс кытаҕын кинилэргэ туттарбыта.

Арыллыы 19:4

Онуоха сүүрбэ ордугуна түөрт ытык кырдьаҕас уонна түөрт харамай сөһүргэстии түһэн: «Аминь! Аллилуйя!» – дии-дии, бүрүстүөлүгэр олорор Таҥараҕа сүгүрүйбүттэрэ.

Арыллыы 4:10

сүүрбэ түөрт ытык кырдьаҕас бүрүстүөлгэ Олорооччу иннигэр сөһүргэстии түһэн үйэлэр тухары Тыыннаахха сүгүрүйэллэрэ уонна мэнньиэстэрин устан бүрүстүөл иннигэр уура-уура этэллэрэ:

Арыллыы 4:4

Көрдөхпүнэ, тулатыгар өссө сүүрбэ түөрт бүрүстүөл турара, ол бүрүстүөллэргэ сүүрбэ түөрт ытык кырдьаҕас олороро. Кинилэр үрүҥ таҥастаахтара, төбөлөрүгэр кыһыл көмүс мэнньиэстээхтэрэ.

Арыллыы 4:6

курустаал курдук дьэп-дьэҥкир өстүөкүлэ муора килбэйэ сытара; бүрүстүөл ортотугар да, тулатыгар да – иннигэр-кэннигэр элбэх харахтаах түөрт харамай баара.

Арыллыы 4:8

Бу түөрт харамай биирдии бэйэлэрэ эргиччи алталыы кынаттаахтара, ис өттүлэрэ бүтүннүү харах этэ. Кинилэр түүннэри-күннэри тохтоло суох: «Билигин да баар, урут да баар, кэлиэхтээх Айыы Тойон Таҥара, Барытын Тутан Олорооччу – сибэтиэй, сибэтиэй, сибэтиэй!» – диэн ыллыыллара.

Арыллыы 5:11

Онтон бүрүстүөл, түөрт харамай уонна ытык кырдьаҕастар тула көй элбэх Аанньал баарын көрбүтүм, саҥаларын-иҥэлэрин истибитим; ахсааннара үтүмэн-үгүс, аата-ахса биллибэт этэ.

Арыллыы 5:12

«Сиэртибэҕэ бэриллибит Бараан Оҕото муҥутуур кыаҕы, балысхан баайы, муударай өйү, модун күүһү, үрдүк чиэһи, албан-ааты, алгыһы ылара сөрү-сөптөөх!» – дэһэр күүстээх саҥалара дуораһыйан иһиллэрэ.

Арыллыы 5:14

Түөрт харамай эмиэ «Аминь!» дэспитэ, сүүрбэ ордугуна түөрт ытык кырдьаҕас сөһүргэстии түһэн үйэлэр тухары Тыыннаахха сүгүрүйбүтэ.

Арыллыы 5:6

Онно көрө түспүтүм, арай бүрүстүөлү тула турар түөрт харамай уонна ытык кырдьаҕастар ортолоругар толук туттуллан өлөрүллүбүт курдук дьүһүннээх, сэттэ муостаах, Таҥара сири-дойдуну тилийэ ыыппыт сэттэ тыына буолар сэттэ харахтаах Бараан Оҕото турара.

Арыллыы 6:1

Онтон көрбүтүм Бараан Оҕото сэттэ бэчээттэн бастакытын төлөрүтэн ылбыта, онуоха түөрт харамайтан биирдэстэрэ сүллэр этиҥ куолаһынан: «Кэлэҥҥин көр!» – диир саҥата иһиллибитэ.