Арыллыы 22:4 - Сибэтиэй Биибилийэ кинигэлэрэ

⁴ Кинилэр Таҥара сирэйин көрүөхтэрэ, Таҥара аата сүүстэригэр суруллан сылдьыаҕа.

Арыллыы 22:4 ပူးပေါင်းရင်းမြစ်များ

Саалтыр 17:15

Онтон оҕунан ытыалаан, кинилэри ыспыта, чаҕылҕан бөҕөнөн дапсыырдаан, үрүө-тараа ыыппыта.

Саалтыр 4:6

Сиэрдээх сиэртибэни эһиги биэриҥ, Айыы Тойоҥҥо эрэниҥ.

Саалтыр 42:2

Эн буолбаккыан мин дурда-хахха туттар Таҥарам? Уонна дьэ тоҕо миигин туора анньаҕын? Тоҕо мин, өстөөххө баттатан, харааста сылдьабын?

Матфей 5:8

Ыраас сүрэхтээхтэр алгыстаахтар: кинилэр Таҥараны көрүөхтэрэ.

Иоанн 12:26

Ким Миэхэ сулууспалыыр, ол Миигин батыстын; Мин ханна баарбын да, кини эмиэ онно буолуоҕа; Миэхэ сулууспалыыр киһини Мин Аҕам үрдүктүк тутуоҕа».

Иоанн 17:24

Аҕаа! Эн Миэхэ биэрбит дьонуҥ Мин баар сирбэр Миигинниин бииргэ буолуохтарын баҕарабын; Эн Миигин бу аан дойду айыллыан инниттэн таптаан биэрбит албан аатыҥ килбиэнин кинилэр көрдүннэр.

1 Коринф христианнарыгар 13:12

Билиҥҥитэ биһиги өлбөөркөй өстүөкүлэҕэ көстөр күлүк омоонун эрэ үдүк-бадык көрөбүт, оттон кэмэ кэллэҕинэ, сирэй көрсөн турардыы көрүөхпүт; билиҥҥитэ сорҕотун эрэ мин билэбин, оттон кэмэ кэллэҕинэ, Таҥара миигин билэрин курдук, толору билиэҕим.

Еврейдэргэ 12:14

Дьону барытын кытта эйэ-дэмнээх буоларга, сибэтиэй олохтонорго кыһаллыҥ; сибэтиэй олохтоммокко сылдьан, ким да Айыы Тойону көрүө суоҕа.

Арыллыы 14:1

Көрбүтүм, арай Сион хайатын үрдүгэр Бараан Оҕото турара, аттыгар сүүс түөрт уон түөрт тыһыынча киһи – сүүстэригэр Кини Аҕатын аата суруллубут дьоно – турара.

Арыллыы 3:12

Кыайыылааҕы Таҥарам Дьиэтин тирэх баҕаната оҥостуоҕум, оччоҕо кини онтон хаһан даҕаны киэр тахсан барыа суоҕа. Мин киниэхэ Таҥарам аатын уонна халлаантан Таҥарабыттан түһэр Таҥарам куоратын, саҥа Иерусалим аатын итиэннэ Бэйэм саҥа ааппын суруйуом.

Арыллыы 7:3

«Таҥарабыт кулуттарын сүүстэригэр бэчээт ууруохпутугар диэри, сиргэ да, муораҕа да, маска да буортуну оҥорумаҥ», – диэн саҥаран дуораһыппыта.