Арыллыы 2:3 - Сибэтиэй Биибилийэ кинигэлэрэ

³ Эн эрэйи эҥээргинэн тэлэҥҥин, бөҕө тулуурдаммытыҥ, Мин аатым туһугар элбэх сыраҕын биэрэн туран үлэлээбитиҥ, ол үрдүнэн эр сэниэҥ эстибэтэҕэ.

Арыллыы 2:3 ပူးပေါင်းရင်းမြစ်များ

Саалтыр 37:7

Мин, бүк баттатан, санньыйан сырыттым, уһун күнү быһа санаарҕаатым;

Марк 15:21

Ходуһаттан кэлэн ааһан иһэр Симон диэн ааттаах Киринеяттан төрүттээх киһини, Александр уонна Руф аҕаларын, Иисус кириэһин сүгэригэр күһэйбиттэрэ.

Лука 14:27

ким бэйэтин кириэһин сүгэн Миигин батыспатах, ол Мин үөрэнээччим буолар кыаҕа суох.

Лука 18:1

Онтон Иисус кинилэргэ Таҥараҕа өрүүтүн үҥэ сылдьыахтаахтарын, санааларын түһэриэ суохтаахтарын туһунан домоҕу кэпсээбитэ:

Лука 21:19

Тулуурдаах буолуҥ – тулуургут эһигини быыһыаҕа.

Лука 5:5

Симон эппитэ: «Үөрэтээччи! Биһиги бөлүүн түүнү быһа эрэйдэннибит да, туох да туппата. Чэ, ол гынан баран Эн тылыҥ хоту илиммин түһэриэм».

Лука 8:15

оттон өҥ буорга ыһыллыбыт сиэмэ – ол Таҥара тылын истэр уонна истибит тылларын үтүөкэн, ыраас сүрэхтэригэр иҥэрэ сылдьан, бары ыарахаттары тулуйан туран итэҕэйэр дьон». Маны кэпсээн баран Кини: «Ким истэр кулгаахтаах истиэхтин!» – диэн саҥа аллайбыта.

Иоанн 15:21

Ол эрээри кинилэр Миигин Ыыппыты билбэт буоланнар, Мин аатым туһуттан эһиэхэ итинник сыһыаннаһыахтара.

Рим христианнарыгар 12:12

эрэлинэн уоскутунуҥ, ыарахаттарга кытаанах тулуурдаах буолуҥ, тиһигин быспакка үҥүҥ;

Рим христианнарыгар 16:12

Эҕэрдэ Айыы Тойон туһугар сулууспалыыр Трифеналаах Трифосаҕа. Эҕэрдэ Айыы Тойон туһугар күүһүн харыстаабакка үлэлээбит күндү доҕорбор Персидаҕа.

Рим христианнарыгар 2:7

өрүүтүн үтүөнү оҥорон Таҥараттан дьиҥнээх албан ааты, үрдүк чиэһи, өлбөт үйэни ыларга дьулуспуттары бараммат олоххо тиксэриэҕэ,

Рим христианнарыгар 8:25

Оттон өссө көрө иликпитин эрэнэр буоллахпытына, ону тулуурдаахтык күүтэбит.

1 Коринф христианнарыгар 13:7

барытын уйар, барытын итэҕэйэр, барытын эрэнэр, барытын тулуйар.

1 Коринф христианнарыгар 16:16

итинник дьоҥҥо итиэннэ бииргэ сулууспалаһар, бары сыраларын биэрэр ханнык баҕарар үлэһиттэргэ истигэн буолуҥ.

2 Коринф христианнарыгар 10:15

Биһиги чэрчибитин аһары түһэн, атын дьон үлэтинэн хайҕаммаппыт. Эһиги итэҕэлгит үрдээн-үүнэн истэҕин аайы, бэйэбит чэрчибитин эһиги көмөҕүтүнэн кэмэ суох кэҥэтэн иһиэхпит диэн эрэллээхпит:

2 Коринф христианнарыгар 11:23

Кинилэр Христос үлэһиттэрэ дуо? Өйө суохпар этэбин: мин кинилэрдээҕэр быдан улахаммын. Кинилэрдээҕэр ордук элбэхтик үлэлээбитим, аата-ахсаана суох кырбаммытым, ордук элбэхтик хаайыллыбытым, үгүстүк өлө сыспытым.

2 Коринф христианнарыгар 4:1

Онон биһиги, Таҥара үтүө санаатыттан маннык сулууспаны эрэммит дьоно, санаабытын түһэрбэппит;

2 Коринф христианнарыгар 4:16

Ол иһин биһиги санаабытын түһэрбэппит. Төһө да тас көрүҥмүт улам иинэн-кэхтэн истэр, ис олохпут күнтэн күн саҥардыллан иһэр.

2 Коринф христианнарыгар 5:9

Ол иһин «дьиэбитигэр» да буолбуппут, «туора дойдуга» да сылдьыбыппыт иһин, Кини санаатын табарга дьулуһабыт;

2 Коринф христианнарыгар 6:5

кырбааһыны-сынньыыны, хаайыыны, мөрөйдөөһүнү тулуйабыт, сыралаһан үлэлиибит, утуйбаппыт, аһаабаппыт.

Галатия христианнарыгар 6:2

Бэйэ-бэйэҕит сүгэһэрдэргитин сүксүһэн Христос сокуонун тутуһуҥ.

Галатия христианнарыгар 6:9

Үтүөнү оҥорорбутун тохтотумуоҕуҥ: мөлтөөн-ахсаан биэрбэтэхпитинэ, кэмэ кэллэҕинэ өлгөм үүнүүнү ылыахпыт.

Филиппы христианнарыгар 2:16

Олох Тылын бигэтик тутуһуҥ. Оччоҕо мин халтайга сыраласпатахпын, кураанахха турууласпатахпын диэн Христос Күнүгэр эһигинэн киэн туттуоҕум.

Филиппы христианнарыгар 4:3

Итиэннэ, Айыы Тойоҥҥо бииргэ үлэлиир истиҥ быраатым, эйигиттэн эмиэ көрдөһөбүн: бука диэн кинилэргэ иккиэннэригэр көмөлөс. Кинилэр эмиэ миигин, Климены уонна да атын, олох кинигэтигэр ааттаммыт дьону кытта Евангелие туһугар сыраларын биэрэн туран үлэлээбиттэрэ.

Колосс христианнарыгар 1:11

Кини килбиэннээх сүдү кыаҕынан Киниттэн күүс ылан, бары өттүнэн бөҕөргөөн, барыга-барытыгар тулуурдаах, киэҥ көҕүстээх буоларгыт, өрүүтүн үөрэ-көтө сылдьаргыт туһугар биһиги үҥэбит.

1 Фессалоника христианнарыгар 1:3

Эһиги итэҕэлгитин олоххутунан, тапталгытын сыралаах үлэҕитинэн, Айыы Тойон Иисус Христоска эрэлгитин кытаанах тулуургутунан көрдөрбүккүтүн биһиги Аҕа Таҥарабыт иннигэр хаһан да умнубаппыт.

1 Фессалоника христианнарыгар 2:9

Биһиги хайдах үлэлээбиппитин, сырабытын биэрбиппитин, бырааттарбыт, умнубатах буолуохтааххыт. Хайаҕытыгар да сүгэһэр буолумаары, күннэри-түүннэри үлэлии-үлэлии, Таҥара тылын иһитиннэрэрбитин өйдүүр инигит.

1 Фессалоника христианнарыгар 5:12

Бырааттарбыт, эһиэхэ сулууспалыыр, Айыы Тойон иннигэр эһигини салайар, өйдөтөр-сүбэлиир дьону ытыктааҥ диэн эһигиттэн көрдөһөбүт;

2 Фессалоника христианнарыгар 3:13

Оттон эһиги, бырааттарбыт, үтүөнү оҥорортон сылайымаҥ.

2 Фессалоника христианнарыгар 3:5

Айыы Тойон эһиги өйгүтүн-санааҕытын барытын Таҥара тапталыгар, Христос тулууругар салайыахтын.

2 Фессалоника христианнарыгар 3:8

ким да килиэбин босхо сиэбэтэхпит, хайаҕытыгар да сүгэһэр буолбат туһугар түүннэри-күннэри үлэлиирбит.

1 Тимофейга 4:10

Ол иһин биһиги тыыннаах Таҥараҕа, бар дьону, чуолаан Кинини итэҕэйээччилэри Быыһааччыга эрэнэр буоламмыт, сыралаһан туран сулууспалыыбыт, ол иһин үөҕэллэрин-таныйалларын тулуйабыт.

1 Тимофейга 5:17

Сиэркэби сатаан салайар пресвитердэр, чуолаан үөрэтэр-иитэр дьон, икки бүк ытыктабылга сылдьыахтаахтар.

Еврейдэргэ 10:36

Таҥара көҥүлүн толорон, эрэннэриллибити ыларга эһигиттэн улахан тулуур эрэйиллэр.

Еврейдэргэ 12:1

Онон биһиги эмиэ, тулабытыгар былыт курдук итинник хойуу туоһулардаах дьон, бары баттыгы санныбытыттан киэр быраҕан, атахтыыр аньыыны антах анньан, итэҕэлбит Төрүттээччитэ, Ситэрээччитэ Иисустан харахпытын араарбакка, бу барыахтаах күрэх суолбутунан тулуурдаахтык дьулуруйан иһиэҕиҥ. Кини, иннигэр күүтэр үөрүү туһугар кириэскэ тиириллии саатын-суутун тулуйан баран, Таҥара бүрүстүөлүн уҥа өттүгэр олорбута.

Еврейдэргэ 13:13

Онон, доҕотторуом, Кинини кытта бииргэ атаҕастанарбытын кэрэйбэккэ, түөлбэ тас өттүгэр Киниэхэ тахсыаҕыҥ.

Еврейдэргэ 6:10

Кырдьыгы көрөр Таҥара эһиги дьайыыларгытын, урут да, билигин да сибэтиэйдэргэ туһалаан, Кини аатын ааттаан көрдөрбүт тапталгытын умнуо суоҕа.

Еврейдэргэ 6:15

Онон ол эрэннэриллибити Авраам кытаанах тулуурунан ылбыта.

2 Петр 1:6

билиигитинэн бэйэни кыатаныыны, бэйэни кыатаныынан тулууру, тулуургутунан Таҥараҕа бэриниилээх буолууну,

Арыллыы 1:9

Мин, Иоанн, эһигини кытта бииргэ Иисус Христос туһугар эрэйдэнэр, Кини Саарыстыбатыгар кыттыгастанар, Киниэхэ тулуурдаахтык эрэнэр убайгыт, Таҥара тылын уонна Иисус Христоһу кэрэһиттээбитим иһин, Патмос диэн арыыга көскө ыытыллыбытым.

Арыллыы 3:10

Тулуурдаах буол диэн эппиппин толорбутуҥ иһин, сир үрдүгэр олорооччулары барыларын тургутаары, бүтүн аан дойдуга ааҥнаан кэлэр ыарахан кэмҥэ Мин эйигин араҥаччылыам.