Арыллыы 17:12 - Сибэтиэй Биибилийэ кинигэлэрэ

¹² Оттон көрбүт уон муоһуҥ – былааһын өссө тута илик уон ыраахтааҕы; бу ыраахтааҕыларга кыылы кытта бииргэ биир чаас устата баһылыыр-көһүлүүр былаас бэриллиэҕэ.

Арыллыы 17:12 ပူးပေါင်းရင်းမြစ်များ

Арыллыы 10:11

Кини миэхэ: «Үгүс норуот, омук, тыл, ыраахтааҕы туһунан Таҥара тугу этэрин дьоҥҥо өссө төгүл иһитиннэриэх тустааххын», – диэн эппитэ.

Арыллыы 12:3

Халлааҥҥа аны атын дьикти бэлиэ – сэттэ төбөлөөх, уон муостаах, төбөтүн аайы кыракый хоруоналаах, уот кыһыл өҥнөөх сүүнэ улахан садаҕа моҕой – көстүбүтэ.

Арыллыы 13:1

Мин муора кумах кытылыгар турбутум. Ол туран көрдөхпүнэ, арай муораттан сэттэ бастаах, уон муостаах кыыл тахсан иһэрэ: муоһун аайы биирдии кыра хоруоналааҕа, баһын аайы Таҥараны холуннарар ааттааҕа.

Арыллыы 17:16

Оттон кыыл төбөтүгэр көрбүт уон муоһуҥ ити содур дьахтары абааһы көрөн туруохтара, барытын бары кураанахтаан-эһэн баран бэйэтин сыгынньах хаалларыахтара, итиэннэ этин-сиинин мэҥиэстэн баран, уокка уматыахтара.

Арыллыы 18:10

уонна сордонорун көрөн, куттанан тэйиччи туран эрэ: «Оо, күүстээх-уохтаах улуу куорат Вавилон! Сор-муҥ, сор-муҥ да буолар эбит эйиэхэ, дьүүлүҥ чаас иһинэн буола оҕустаҕа!» – дэһиэхтэрэ.

Арыллыы 18:17

Ол бэйэлээх баай барыта чаас иһигэр күдэҥҥэ көттөҕө!» Бары хаппытааннар, муоранан айаннааччылар, мотуруостар уонна муора суолунан сылдьар эргиэмсиктэр – бары тэйиччи туран

Арыллыы 18:19

төбөлөрүгэр күлү куттан баран энэлийэ-энэлийэ, марылаччы ытыы-ытыы үөгүлэһэллэрэ: «Оо, сор-муҥ, сор-муҥ да буолар эбит эйиэхэ, улуу куорат! Муораҕа хараабыллаах эрэ барыта эн баайгынан эргинэн байбыта! Ол бэйэҥ биир чаас иһигэр кураанахтанныҥ!»