Арыллыы 15:3 - Сибэтиэй Биибилийэ кинигэлэрэ

³ Кинилэр Таҥара кулутун Моисей уонна Бараан Оҕотун ырыатын ыллыыллара: «Оо, Айыы Тойон Таҥара, Барытын Тутан Олорооччу! Улуу да, сөҕүмэр да буоллаҕа Эн оҥоһууҥ! Эн суолуҥ барыта көнө, кырдьыктаах, оо, сибэтиэйдэр Ыраахтааҕылара!

Арыллыы 15:3 ပူးပေါင်းရင်းမြစ်များ

Саалтыр 100:5

Чугастааҕытын кистээн холуннарааччыны мин суох оҥоруоҕум; улахамсыйа, бэрдимсийэ туттааччыны тулуйа барыам суоҕа.

Саалтыр 105:5

Оччоҕо Эн талбыт дьонуҥ илгэлээх олоҕун көрүөҕүм, Эн норуоккун кытта бииргэ үөрсүөҕүм, бас билэр дьонуҥ киэн туттуутун үллэстиэҕим.

Саалтыр 111:2

Кини удьуора сиргэ күүстээх буолуоҕа, көнө дьон сыдьаана алгыска тиксиэҕэ.

Саалтыр 111:7

Куһаҕан сурахтан кини дьулайыа суоҕа: Айыы Тойоҥҥо эрэмньилээх буолан, сүрэҕэ бөҕөх.

Саалтыр 139:14

Дьиҥ чахчы, кырдьыксыттар Эн ааккын айхаллыахтара, кырдьыктаах дьон Эн аттыгар олоруохтара.

Саалтыр 78:12

Сэттэ бүктээн ситис ыалларбытыттан үөҕүүлэрин иһин, Эйигин, Айыы Тойон, үөхпүттэрин иһин.

Саалтыр 92:5

Эн туоһулуур кырдьыгыҥ бигэттэн бигэ; Эн Дьиэҥ, Айыы Тойон, үйэлэр тухары сибэтиэй.

Саалтыр 99:4

Айхал тыллаах ааһыҥ Кини олбуорун аанынан, махтал тыллаах киириҥ Кини тиэргэнигэр; айхаллааҥ Кинини, алҕааҥ Кини аатын.

Иоанн 1:17

Сокуону Таҥара Моисейынан бэрдэрбитэ, оттон тапталы уонна кырдьыгы Иисус Христос аҕалбыта.

1 Тимофейга 1:17

Киниэхэ, үйэлэр сүдү Ыраахтааҕыларыгар, хаһан да өлбөт-сүппэт, киһи хараҕар көстүбэт, соҕотох Муударай Таҥараҕа, үйэттэн үйэлэр тухары үрдүк чиэс, албан аат буолуохтун! Аминь.

Еврейдэргэ 3:5

Моисей Кини дьиэтин эрэллээх үлэһитэ этэ: Таҥара кэнэҕэс тугу этиэхтээҕин дьоҥҥо кини кэрэһилээбитэ;

Арыллыы 1:8

«Мин Альфабын уонна Омегабын, төрүппүн итиэннэ бүтэр уһукпун», – диир билигин да, урут да баар, кэлиэхтээх Айыы Тойон, Барытын Тутан Олорооччу.

Арыллыы 11:17

«Билигин да баар, урут да баар, кэлиэхтээх Айыы Тойон Таҥара, Барытын Тутан Олорооччу, Эн сүдү күүскүн көрдөрөҥҥүн, ыраахтааҕы буолбуккар Эйиэхэ махтанабыт!

Арыллыы 14:3

Кинилэр бүрүстүөл, түөрт харамай уонна ытык кырдьаҕастар иннилэригэр туран эрэ саҥа ырыаны ыллыыллара; сиртэн толуйуллан ылыллыбыт сүүс түөрт уон тыһыынча киһиттэн ураты ким да бу ырыаҕа үөрэнэр кыаҕа суоҕа.

Арыллыы 14:8

Атын Аанньал кинини батыһан иһэн: «Содур олоҕун уохтаах арыгытынан бары омукка айах туппут улуу куорат Вавилон суулунна, суулунна!» – диэн саҥара иһэрэ.

Арыллыы 17:14

Кинилэр Бараан Оҕотун утары охсуһуохтара эрээри, Бараан Оҕото – тойоттор Тойонноро, ыраахтааҕылар Ыраахтааҕылара – кинилэри кыайыаҕа. Таҥара талан ыҥырбыт эрэллээх дьоно Кинини кытта бииргэ сылдьыахтара».

Арыллыы 19:16

Таҥаһыгар да, өттүгэр да «Ыраахтааҕылар Ыраахтааҕылара, Тойоттор Тойонноро» диэн аат сурулла сылдьар.

Арыллыы 19:2

Дьүүллүүр дьүүлэ дьиҥ сөптөөх, кырдьыктаах: содурунан сир үрдүн сатарыппыт улуу содур дьахтары дьүүллээтэ, кулуттарын хаанын иэстэстэ!»

Арыллыы 4:8

Бу түөрт харамай биирдии бэйэлэрэ эргиччи алталыы кынаттаахтара, ис өттүлэрэ бүтүннүү харах этэ. Кинилэр түүннэри-күннэри тохтоло суох: «Билигин да баар, урут да баар, кэлиэхтээх Айыы Тойон Таҥара, Барытын Тутан Олорооччу – сибэтиэй, сибэтиэй, сибэтиэй!» – диэн ыллыыллара.