Арыллыы 15:1 - Сибэтиэй Биибилийэ кинигэлэрэ

¹ Халлааҥҥа аны атын улуу дьикти бэлиэни – сэттэ тиһэх иэдээн төрдүн илдьэ сылдьар сэттэ Аанньалы – көрбүтүм. Ити сэттэ тиһэх иэдээн кэлэн аастаҕына, Таҥара уора-кылына уҕарыахтааҕа.

Арыллыы 15:1 ပူးပေါင်းရင်းမြစ်များ

Арыллыы 21:9

Тиһэх сэттэ иэдээн толору кутуллубут сэттэ кытахтаах сэттэ Аанньаллартан биирдэстэрэ миэхэ кэлэн: «Кэл, эйиэхэ сүктэр кыыһы – Бараан Оҕотун кэргэнин көрдөрүөм», – диэбитэ.

Арыллыы 19:15

Аты миинэн Олорооччу уоһугар норуоттары кыргыахтаах сытыы батастааҕа. Кини норуоттары тимир торуосканан салайыаҕа; Кини винограды илдьи тэпсэн, Таҥара, Барытын Тутан Олорооччу, уорун-кылынын уохтаах утаҕын ыган таһаарар.

Арыллыы 16:1

Онтон Таҥара Дьиэтин иһиттэн ким эрэ күүстээх саҥата сэттэ Аанньалга туһаайан: «Барыҥ, Таҥара уора-кылына толору кутуллубут сэттэ кытаҕын сиргэ сүөкээҥ!» – диирин истибитим.

Арыллыы 14:19

Аанньал сиэрпэтинэн сир диэки далайан сиргэ үүммүт винограды быһа охсон ылбыта уонна Таҥара уордаахтык сүмэһинин ыгар улуу тэпсилгэнигэр бырахпыта.

Арыллыы 14:10

ол – Таҥара уор-кылын иһитигэр убаппакка эрэ куппут уохтаах утаҕын иһиэҕэ, уонна сибэтиэй Аанньаллар итиэннэ Бараан Оҕото көрөн турдахтарына, уоттаах сиэрэҕэ умайан сору-муҥу көрүөҕэ;

Арыллыы 11:14

Иккис иэдээн ити курдук ааспыта эрээри, өр-өтөр буолбатаҕа, аны үһүс иэдээн иһэрэ.

Арыллыы 10:3

хахай хаһыытыырын курдук, күүстээх куолаһынан саҥаран сатарыппыта; ол саҥарбытыгар хардаран, халлааҥҥа сэттэ сүллэр этиҥ эппитэ.

Арыллыы 8:6

Онтон сэттэ турбалаах сэттэ Аанньал турбаларын үрэргэ бэлэмнэммиттэрэ.

Арыллыы 8:13

Онтон көрдөхпүнэ, халлаан хабайар хаба ортотунан биир Аанньал көтөн иһэн: «Субу турбатын үрүөхтээх үс атын Аанньал турбата тыаһаатаҕына, сир үрдүгэр олорооччуларга сор-муҥ, сор-муҥ, сор-муҥ буолуо!» – диэн саҥаран сатарыппыта.

Арыллыы 8:2

Онтон көрдөхпүнэ, Таҥара иннигэр турааччы сэттэ Аанньалга сэттэ үрэр турбаны туттарбыттара.

Арыллыы 9:20

Оттон ити иэдээнтэн өлбөтөх дьон аньыыларын билинэн кэмсиммэтэхтэрэ, абааһыга уонна көрөр хараҕа, истэр кулгааҕа, хаамар атаҕа суох кыһыл да, үрүҥ да көмүс, алтан, таас уонна мас эмэгэккэ сүгүрүйэллэрин уураппатахтара;

Арыллыы 17:1

Онтон сэттэ кытахтаах сэттэ Аанньалтан биирдэстэрэ кэлэн миэхэ эппитэ: «Кэл, эйиэхэ элбэх ууга олорор улуу содур дьахтар дьүүллэнэрин көрдөрүөм.