Арыллыы 14:4 - Сибэтиэй Биибилийэ кинигэлэрэ

⁴ Бу – дьахтарга чугаһаабатах, ыраастарын сүтэрбэтэх уолунан сылдьар дьон; бу – Бараан Оҕото хайа диэки барар да, ону батыһааччылар. Таҥараҕа уонна Бараан Оҕотугар анаммыт бастыҥ үүнүү буолалларын быһыытынан, Таҥара кинилэри киһи аймахтан толуйан ылбыта.

Арыллыы 14:4 ပူးပေါင်းရင်းမြစ်များ

Саалтыр 74:2

Айхаллыыбыт Эйигин, Айыы Таҥара, айхаллыыбыт Эйигин; Эн аатыҥ биһиэхэ чугас. Дьон Эн оҥорор дьикти дьайыыларгын иһитиннэрэр.

Матфей 19:12

Киһи кэргэннэммэт биричиинэтэ араас буолар: сорох төрүөҕүттэн оннук оҥоһуулаах; сорох киһи дьон дьайыытыттан оннук буолар, холобур, аттакылар; ол эрээри, Халлаан Саарыстыбатын туһугар кэргэннэммэт дьон эмиэ бааллар. Маны ылынааччы ылыннын».

Матфей 25:1

Ол саҕана Халлаан Саарыстыбата маннык буолуоҕа. Санаан көрүҥ: арай уон кыыс күтүөттүү кэлиэхтээх киһини көрсөөрү, сибэтиилинньиктэрин тутан тахсыбыттар.

Матфей 8:19

Онуоха биир сокуонньут тиийэн кэлэн: «Үөрэтээччи! Эн ханна да бардаххына, мин Эйигин батыһан барыам», – диэбитэ.

Иоанн 10:27

Бэйэм барааннарым Мин саҥабын истэллэр, Мин эмиэ кинилэри билэбин, онон Миигин батыһаллар.

Иоанн 12:26

Ким Миэхэ сулууспалыыр, ол Миигин батыстын; Мин ханна баарбын да, кини эмиэ онно буолуоҕа; Миэхэ сулууспалыыр киһини Мин Аҕам үрдүктүк тутуоҕа».

Иоанн 13:37

«Тойонуом! Мин билигин Эйигин тоҕо кыайан батыһыам суоҕай? – диэбитэ Петр. – Эн тускар мин тыыммын да толук биэриэм!»

Иоанн 8:12

Иисус эмиэ норуокка туһаайан эппитэ: «Мин аан дойду сырдыгынабын. Ким Миигин батыспыт, ол хараҥаҕа сылдьыа суоҕа, олох сырдыгар сылдьыаҕа».

Апостоллар 20:28

Эһиги бэйэҕитигэр уонна Сибэтиэй Тыын эһиэхэ көрдөрө-маната биэрбит бараанын үөрүгэр болҕомтолоох буолуҥ, Таҥара Уола Бэйэтин Хаанынан толуйан ылбыт дьонун – Айыы Тойон уонна Таҥара Сиэркэбин – туһугар кыһаныҥ.

1 Коринф христианнарыгар 16:15

Стефан дьиэ кэргэттэрэ Ахайяҕа аан бастакынан итэҕэйбиттэрин, сибэтиэйдэргэ көмөлөһөр аналы ылыммыттарын билэҕит. Онон, бырааттарым, эһигиттэн көрдөһүөм этэ:

1 Коринф христианнарыгар 6:20

Эһиги ыарахан сыанаҕа атыылаһыллыбыккыт, онон эккитин-сииҥҥитин, дууһаҕытын – бүтүн бэйэҕитин Таҥара бас билэрин быһыытынан, эккитинэн да, дууһаҕытынан да Таҥараны албан аатырдар гына олоруҥ.

1 Коринф христианнарыгар 7:28

Ол эрэн, ыал буоллаххына да, аньыыны оҥорбоккун, кыыс эргэ барара эмиэ аньыы буолбатах. Ити эрээри ыал буолааччылар бу олоххо элбэх эрэйи көрсүөхтэрэ, оттон мин эһигини эрэйтэн босхолуохпун баҕарабын.

2 Коринф христианнарыгар 11:2

Эһигини Таҥара күнүүтүнэн күнүүлүүбүн эбээт: мин эһигини, ыраас кыыһы курдук, соҕотох Христоһу эрэ кытта илии охсуһуннарбытым.

Эфес христианнарыгар 1:14

Онон Таҥара албан аата айхалланарын туһугар, Кини Бэйэтин дьонугар толору көҥүлү биэриэр диэри, биһиги ылыахтаах нэһилиэстибэбит мэктиэтэ Сибэтиэй Тыын буолар.

Эфес христианнарыгар 5:27

биир да хара мэҥэ, дьиэгэ-омнуота, итэҕэһэ суох сибэтиэй, эҥкилэ суох кэрэ гынан, Бэйэтин иннигэр туруораары, олоҕун толук уурбута.

1 Тимофейга 4:3

ыал буолары уонна итэҕэйэр, кырдьыгы билэр дьон махталы кытары аһаатыннар диэн, Таҥара айбыт аһылыгын сиири боболлор.

Еврейдэргэ 12:23

ааттара Халлааҥҥа суруллубут Таҥара бастакы уолаттарын өрөгөйдөөх Сиэркэбигэр, бар дьону сууттуур Судьуйаҕа – Таҥараҕа, ситэн-хотон эҥкилэ суох буолбут кырдьыксыт дьон тыыннарыгар,

Иаков 1:18

Таҥара биһигини, Кини саҥа айымньыларыттан бастакылара буоларбыт туһугар, кырдьыктаах тыл көмөтүнэн төрөппүтэ.

1 Петр 2:9

Оттон эһиги талыллыбыт аймах – Ыраахтааҕы дьиэтин кэргэнэ, Таҥара үлэһиттэрэ, сибэтиэй норуот, эһигини хараҥаттан килбиэннээх сырдыгар ыҥырбыт Таҥара үтүөкэн дьайыыларын биллэрэргэ талыллыбыт Кини Бэйэтин тус дьоно – буолаҕыт.

Арыллыы 17:14

Кинилэр Бараан Оҕотун утары охсуһуохтара эрээри, Бараан Оҕото – тойоттор Тойонноро, ыраахтааҕылар Ыраахтааҕылара – кинилэри кыайыаҕа. Таҥара талан ыҥырбыт эрэллээх дьоно Кинини кытта бииргэ сылдьыахтара».

Арыллыы 21:22

Куоракка Таҥара Дьиэтэ – Храм баарын көрбөтөҕүм: Барытын Тутан Олорооччу Айыы Тойон Таҥара уонна Бараан Оҕото Бэйэлэринэн куорат Храма буолаллар.

Арыллыы 21:23

Таҥара килбиэннээх сырдыга сыдьаайар буолан куорат күн да, ый да сырдатарыгар наадыйбат; куорат сыдьаайар сырдыга – Бараан Оҕото.

Арыллыы 3:4

Ол эрээри итиннэ эйиэхэ, Сардиска, таҥаһын киртиппэтэх хас да киһи баар; кинилэр толору холоонноох дьон быһыытынан Миигин кытта үрүҥ таҥастаах хаамсыахтара.

Арыллыы 5:9

Кинилэр хаһан да ыллана илик саҥа ырыаны ыллаабыттара: «Эн бааргын кинигэни ылар, бэчээтин төлөрүтэр Улуу Кыахтаах! Эн толук сиэртибэ буолбутуҥ, хас биирдии биис уустан, тылтан, норуоттан, омуктан биһигини Таҥараҕа анаан Хааҥҥынан толуйбутуҥ,