Арыллыы 14:2 - Сибэтиэй Биибилийэ кинигэлэрэ

² Онтон халлаантан дохсун уу күрүлээн эрэригэр дуу, күүстээх этиҥ этэн ньириһитэригэр дуу холоонноох саҥаны истибитим. Ол истибит саҥам арфаҕа оонньооччулар таһаарар дорҕооннорун санатара.

Арыллыы 14:2 ပူးပေါင်းရင်းမြစ်များ

Саалтыр 147:7

Кини этиэ эрэ кэрэх – тоҥ муус ууллар, тыалын соруйуо кэрэх, уу устубутунан барар.

Саалтыр 149:3

Үҥкүүнэн Кини аатын айхаллаатыннар; тимпан, лира доҕуһуолунан Киниэхэ ыллаатыннар.

Саалтыр 33:2

Айыы Тойону алгыаҕым хайа да кэмҥэ, Кинини уруйдуурбун ууратыам суоҕа.

Саалтыр 43:4

Өбүгэлэрбит бу сири кылыстарынан ылбатахтара, бэйэлэрин кыахтарынан да быыһамматахтара: Эн уҥа илииҥ, Эн күүһүҥ, Эн сирэйиҥ сырдыга кинилэргэ кыайыыны биэрбитэ, оннук үтүө сыһыаннааҕыҥ кинилэргэ.

Саалтыр 57:8

Уу устан ааһарыныы ааһа турдуннар; ох сааларын кирсин тартахтарына, оноҕосторо тосту бардыннар.

Саалтыр 92:3

Өрүстэр куоластара, Айыы Тойон, өрүстэр куоластара өрө эҥсиллэр, өрүстэр сүүрүктэрэ өрө түллэр.

Саалтыр 93:4

Баламат тыллары суккуйаллар; куһаҕаны оҥорооччулар бары улуутумсуйаллар.

Саалтыр 98:5

Уруйдааҥ Айыы Тойон Таҥарабытын; сүгүрүйүҥ Кини бүрүстүөлүн атаҕар; Кини сибэтиэй!

1 Коринф христианнарыгар 13:1

Өскөтүн мин араас омук, бэл Аанньал да тылынан саҥарар буолан бараммын – сүрэхпэр таптала суох буоллахпына, ол аата мин – таҥкыныыр эрэ алтаммын, чылыгырыыр эрэ чуорааммын.

Арыллыы 1:10

Айыы Тойон күнүгэр Сибэтиэй Тыын миэхэ сайан, кэннибэр турба дорҕоонун санатар улахан саҥаны истибитим: «Мин Альфабын уонна Омегабын, Бастакыбын уонна Тиһэхпин.

Арыллыы 1:15

атаҕа кыһаҕа уһаарыллыбыт боруонса курдуга; куолаһа күүстээх күрүлгэн уута күрүлүүрүн санатара;

Арыллыы 11:12

Онтон икки кэрэһит халлаантан: «Манна тахсыҥ», – диир саҥа дуораһыйарын истибиттэрэ. Иккиэн, өстөөхтөрө көрөн турдахтарына, былыкка куустаран үөһэ халлааҥҥа тахсыбыттара.

Арыллыы 11:15

Онтон сэттис Аанньал турбатын үрбүтүгэр халлааҥҥа: «Аан дойду саарыстыбата аны Айыы Тойоммут уонна Кини Христоһун Саарыстыбата буолла. Айыы Тойон үйэттэн үйэлэр тухары ыраахтааҕылыаҕа!» – диир саҥа сатараабыта.

Арыллыы 15:2

Онтон уоту кытта булкуллубут өстүөкүлэҕэ маарынныыр муора баарын көрбүтүм; кыылы, кини мөссүөнүн, бэлиэтин, кини аатын чыыһылатын кыайбыт дьон ол өстүөкүлэ муора үрдүгэр Таҥара биэрбит арфатын тутан тураллара.

Арыллыы 18:22

Аны эйиэхэ арфа да, ханнык да музыка, свирель, турба дорҕооно иһиллиэ суоҕа; аны эйиэхэ уран тарбахтаах мэлийиэҕэ, илии үлэтин идэтэ сүтүөҕэ, бурдук тардар тыас иһиллиэ суоҕа;

Арыллыы 5:8

Кинигэни ылбытыгар түөрт харамай уонна сүүрбэ түөрт ытык кырдьаҕас Кини иннигэр сөһүргэстии түспүттэрэ; кинилэр хас биирдиилэрэ арфалаах уонна кыһыл көмүс иһиккэ толору кутуллубут үчүгэй сыттаах фимиамнаах этилэр (фимиам – сибэтиэйдэр үҥүүлэрэ).

Арыллыы 6:1

Онтон көрбүтүм Бараан Оҕото сэттэ бэчээттэн бастакытын төлөрүтэн ылбыта, онуоха түөрт харамайтан биирдэстэрэ сүллэр этиҥ куолаһынан: «Кэлэҥҥин көр!» – диир саҥата иһиллибитэ.

Арыллыы 8:7

Бастакы Аанньал турбатын үрбүтүгэр хаан булкаастаах уоттаах тобурах сиргэ түһэн, мас үс гыммыт биирэ хара хоруонан көрбүтэ, үүнэн турбут күөх от бүтүннүү умайбыта.