Арыллыы 13:5 - Сибэтиэй Биибилийэ кинигэлэрэ

⁵ Кыыл Таҥараны холуннаран улуутумсуйан саҥарара көҥүллэммитэ, киниэхэ түөрт уон икки ый устата дьайар былаас бэриллибитэ.

Арыллыы 13:5 ပူးပေါင်းရင်းမြစ်များ

Саалтыр 12:3

Хаһааҥҥа диэри мин, дууһабар араас сүбэни бэрийэн, күннэри-түүннэри сүрэхпин кутурҕаҥҥа эмтэрэбин? Хаһааҥҥа диэри өстөөҕүм үрдүбэр үҥкүүлүүр?

2 Фессалоника христианнарыгар 2:3

Ким даҕаны эһигини хайдах да быһыылаахтык сыыһа үктэппэтин: Таҥараттан аккаастаныы буола илигинэ, аньыы-хара киһитэ, өлүү уола биллэ илигинэ, ол күн үүнүө суоҕа.

2 Фессалоника христианнарыгар 2:4

Ол туохтан да, Таҥараттан да, бары сибэтиэйтэн-ытыктан да үрдүктүк туттар, утарылаһар киһи кэлэн, Таҥарабын диэн, Таҥара курдук Кини Дьиэтигэр киирэн олоруоҕа.

2 Фессалоника христианнарыгар 2:8

Хара дьайдаах киһи кимэ-туга дьэ оччоҕо биллиэҕэ. Айыы Тойон Иисус кэлэн, кинини уоһун илгиэринэн самнарыа, килбиэннээх сыдьаайынан суох оҥоруо.

Арыллыы 11:7

Кэрэһиттээн бүттэхтэринэ, түгэҕэ биллибэт аҥхайтан адьырҕа кыыл тахсан кинилэри кытта охсуһан, хотон иккиэннэрин өлөртүөҕэ уонна

Арыллыы 12:14

Дьахтар эриэн кыылтан куотан кураайы куйаарга, тиийиэхтээх сиригэр көтөн тиийэрин туһугар, киниэхэ хотой икки модун кыната бэриллибитэ. Онно тиийдэҕинэ, кинини үс аҥаар сыл устата көрөн-харайан олордуохтаахтара.

Арыллыы 12:6

Оттон бэйэтэ кураайы куйаарга – тыһыынча икки сүүс алта уон күн устата көрүүгэ-харайыыга сырыттын диэн Таҥара киниэхэ анаан бэлэмнэттэрбит сиригэр – куоппута.

Арыллыы 13:7

Киниэхэ сибэтиэйдэри кытта сэриилэһэн кыайар көҥүл уонна хас биирдии биис ууһун, норуоту, тылы, омугу барытын баһылыыр былаас бэриллибитэ.