Арыллыы 13:1 - Сибэтиэй Биибилийэ кинигэлэрэ

¹ Мин муора кумах кытылыгар турбутум. Ол туран көрдөхпүнэ, арай муораттан сэттэ бастаах, уон муостаах кыыл тахсан иһэрэ: муоһун аайы биирдии кыра хоруоналааҕа, баһын аайы Таҥараны холуннарар ааттааҕа.

Арыллыы 13:1 ပူးပေါင်းရင်းမြစ်များ

Арыллыы 11:7

Кэрэһиттээн бүттэхтэринэ, түгэҕэ биллибэт аҥхайтан адьырҕа кыыл тахсан кинилэри кытта охсуһан, хотон иккиэннэрин өлөртүөҕэ уонна

Арыллыы 12:3

Халлааҥҥа аны атын дьикти бэлиэ – сэттэ төбөлөөх, уон муостаах, төбөтүн аайы кыракый хоруоналаах, уот кыһыл өҥнөөх сүүнэ улахан садаҕа моҕой – көстүбүтэ.

Арыллыы 13:11

Онтон аны атын кыыл сиртэн тахсан эрэрин көрбүтүм. Ол кыыл бараан курдук икки муостааҕа, садаҕа моҕойдуу саҥарара,

Арыллыы 13:14

Бастакы кыылы кытта бииргэ сылдьан оҥороро көҥүллэммит дьиктилэринэн кини сир олохтоохторун албынныыра уонна батастан бааһыран баран тыыннаах ордубут кыыл мөссүөнүн үтүгүннэрэн ылыҥ диэн дьону күһэйэрэ;

Арыллыы 13:15

кыыл мөссүөнүгэр тыын киллэрэр кыах киниэхэ бэриллэн, кыыл мөссүөнэ саҥарар-иҥэрэр, киниэхэ сүгүрүйбэтэхтэри өлөртөрөр гына дьаһайар кыахтаммыта.

Арыллыы 15:2

Онтон уоту кытта булкуллубут өстүөкүлэҕэ маарынныыр муора баарын көрбүтүм; кыылы, кини мөссүөнүн, бэлиэтин, кини аатын чыыһылатын кыайбыт дьон ол өстүөкүлэ муора үрдүгэр Таҥара биэрбит арфатын тутан тураллара.

Арыллыы 16:13

Онтон садаҕа моҕой, кыыл уонна сымыйа пророк айахтарыттан хара баҕаҕа маарынныыр үс быртах тыын оронон тахсан эрэллэрин көрбүтүм;

Арыллыы 17:16

Оттон кыыл төбөтүгэр көрбүт уон муоһуҥ ити содур дьахтары абааһы көрөн туруохтара, барытын бары кураанахтаан-эһэн баран бэйэтин сыгынньах хаалларыахтара, итиэннэ этин-сиинин мэҥиэстэн баран, уокка уматыахтара.

Арыллыы 17:3

Тыын миэхэ сайбытыгар Аанньал миигин кураайы куйаарга илдьэ барбыта. Онно тиийэн көрбүтүм – биир дьахтар сэттэ бастаах, уон муостаах, бүүс бүтүннүүтэ Таҥараны холуннарар аатынан-суолунан бүрүллүбүт уот кыһыл кыылы миинэн олороро.

Арыллыы 17:5

сүүһүгэр «Улуу Вавилон – сир бары содурун, бары сидьиҥин ийэтэ» диэн кистэлэҥ суолталаах аат суруллан сылдьара.

Арыллыы 19:19

Көрбүтүм – били кыылы кытта сир ыраахтааҕылара сэриилэрин мунньан, аты миинэн Олорооччуну уонна Кини сэриилэрин утары кыргыһаары мустубуттар этэ.