Аман өһө 8:10 - Сибэтиэй Биибилийэ кинигэлэрэ

¹⁰ Эһиги мин үөрэтэр үөрэхпин үрүҥ көмүстээҕэр өрө тутуҥ, мин биэрэр билиибин ыраас кыһыл көмүстээҕэр ордоруҥ.

Аман өһө 8:10 ပူးပေါင်းရင်းမြစ်များ

Аман өһө 10:20

Үтүө киһи тыла-өһө – ыраас үрүҥ көмүс, оттон көлдьүн өйө-санаата – көҥдөй сүпсүк.

Аман өһө 16:16

Кыһыл көмүһү мунньуохтааҕар билиини муспут ордук; үрүҥ көмүһү көрдүөхтээҕэр өйдөөх буоларга дьулуспут ордук.

Аман өһө 20:15

Күн сиригэр көмүс да, күндү таас да элбэх, ол эрээри көрсүө тыл туохтааҕар да ордук.

Аман өһө 23:23

Туохтааҕар да эн дьиҥ кырдьыгы буларга дьулус, муудараһы, үөрэҕи быраҕыма, чэгиэн өйгүн-санааҕын саймаардыма.

Аман өһө 8:19

Мин бэлэҕим кыһыл көмүстээҕэр, тоҥ көмүстээҕэр да, ордук, мин ыраас үрүҥ көмүстээҕэр күндүбүн.

Апостоллар 3:6

«Үрүҥ да, кыһыл да көмүһэ суохпун, – диэбитэ Петр, – ол гынан баран туох баардаахпыттан эйиэхэ бэрсэбин: Иисус Христос Назорей аатынан этэбин – туран хаамп!»

2 Коринф христианнарыгар 6:10

хомотоллор эрээри, өрүү үөрэ-көтө сылдьабыт; дьадаҥыбыт эрээри, үгүстэри байытабыт; туохпут да суох эрээри, барытын бас билэбит.