Аман өһө 4:13 - Сибэтиэй Биибилийэ кинигэлэрэ

¹³ Эйиэхэ үөрэтэн этэрбин кытаанахтык өйдөөн кэбис, тугу да умнума, барытын бигэтик тутуһа сырыт: мин тылым эйиэхэ олоххун оҥкуллуо.

Аман өһө 4:13 ပူးပေါင်းရင်းမြစ်များ

Аман өһө 10:17

Сиэрдээх сүбэни тутуһуу – бу баар олох эркээйилээх суола; сэмэни-суҥханы аахайбат киһи муна-тэнэ сылдьыаҕа.

Аман өһө 23:23

Туохтааҕар да эн дьиҥ кырдьыгы буларга дьулус, муудараһы, үөрэҕи быраҕыма, чэгиэн өйгүн-санааҕын саймаардыма.

Аман өһө 3:18

Муудараһы булан ылбыт дьоҥҥо кини – олох Аал луук маһа; ким кинилиин арахсыспат, ол дьоллоох.

Аман өһө 3:22

Кинилэринэн эн дууһаҥ тыыннаах сылдьыаҕа, кинилэр эн киһилии сэбэрэҕин кэрэтитиэхтэрэ.

Аман өһө 6:23

Төрөппүттэриҥ кэс тыла барар суолгун сырдатыа, үөрэппит үөрэхтэрэ үтүө өйгүн сайыннарыа, оттон тыйыс-дьиппиэн ыйыылара олоххо суолгун булларыа.

Аман өһө 8:35

Тоҕо диэтэххэ, миигин булар киһи олоҕу булар, Айыы Тойон илгэлээх үтүөтүгэр тиксэр.

Иоанн 6:63

Тыын олоҕу биэрэр, оттон киһиэхэ оннук кыах суох. Мин эһиэхэ этэр тылларбар олох Тыына баар.

Иоанн 6:68

Симон Петр эппитэ: «Тойоммуот, Эйигиттэн тэйэммит кимиэхэ барыахпытый? Бараммат олох тылларын Эн билэҕин эбээт.

Апостоллар 11:23

Варнава онно тиийэн, Таҥара кинилэргэ биэрбит илгэлээх үтүөтүн көрөн, үөрбүтэ уонна барыларын ис сүрэххититтэн Айыы Тойоҥҥо итэҕэллээх буолуҥ диэн ыҥырбыта.

Апостоллар 2:42

Кинилэр Апостоллар үөрэтэллэрин тиһигин быспакка болҕойон истэллэрэ, бука бары бииргэ аһыыллара, бииргэ үҥэллэрэ.

1 Фессалоника христианнарыгар 5:21

Тугу барытын тургутан көрүҥ, үтүөнү тутуһуҥ.

Еврейдэргэ 2:1

Дьэ ол иһин биһиги сүүрүккэ оҕустарбат туһугар, тугу истибиппитигэр ураты улахан болҕомтону ууруох тустаахпыт.

Арыллыы 12:11

Бырааттарбыт кинини Бараан Оҕотун Хаанынан, туоһулуур тылларынан кыайбыттара; кинилэр, хара өлүөхтэригэр да диэри, олохторун таптаабатахтара.

Арыллыы 2:13

эн бары дьайыыгын билэбин. Төһө да эн сатана бүрүстүөлэ турар сиригэр олордоргун, Мин ааппын түһэн биэрбэтэҕиҥ, бэл эһиэхэ – сатана олорор сиригэр – эрэллээх кэрэһиппин Антипаны өлөрбүт күннэригэр Миэхэ итэҕэлгиттэн аккаастамматаҕыҥ.