11 Уолум, Айыы Тойон буойарын баардылаабат буолума, сыыһаҕын-халтыгын көннөрдөҕүнэ, хомойума.
Өскөтүн эн кыһалҕалаах күҥҥэр мөлтөөн-ахсаан биэрэр буоллаххына, ол аата дьиҥ чахчы мөлтөх киһи эбиккин.
Оттон Айыы Тойон дьарыйдаҕына, бу аан дойдуну кытары тэҥ дьүүлгэ туруорбат туһугар, биһигини итинник көннөрөр.
Онон биһиги, Таҥара үтүө санаатыттан маннык сулууспаны эрэммит дьоно, санаабытын түһэрбэппит;
Онон эр сэниэҕит эстибэтин, күүстээх санааҕыт өһүллүбэтин туһугар, Кини аньыылаах дьон итиччэлээх атаҕастабылын тулуйбутун өйдүү-саныы сылдьыҥ.
Таптыыр дьоммун, итэҕэстэрин көрдөрөн туран, дьарыйабын, онон дьаныардаах буол, аньыыгын билин.