Аман өһө 29:2 - Сибэтиэй Биибилийэ кинигэлэрэ

² Үтүө киһи үксээтэҕинэ, норуот үөрэр-көтөр, оттон куһаҕан дьон салайдаҕына, сору көрөр.

Аман өһө 29:2 ပူးပေါင်းရင်းမြစ်များ

Эсфирь 3:15

Онон кинилэр ыраахтааҕы дьаһалынан суһал айаҥҥа туруммуттара. Ыйааҕы бөҕөргөтүнүүлээх Сузы куоракка доргуччу иһитиннэрбиттэрэ. Дьэ ол дьоро күнү бэлиэтээн, ыраахтааҕы Аманныын иккиэн арыгы испиттэрэ. Оттон Сузы куорат айманан-сайманан барбыта.

Эсфирь 8:15

Мардохей дыбарыастан ыраахтааҕы көҕөрүмтүйэн көстөр хараҥа кыһыл уонна маҥан өҥнөөх мааны таҥаһын-сабын таҥнан, төбөтүгэр улахан кыһыл көмүс мэнньиэһи кэтэн, күндү маҥан лүөн уонна кыһыл түү сабынан өрүллүбүт сонноох тахсыбыта. Онон Сузы куоракка үөрүү-көтүү, өрөгөй бөҕө өрө оргуйа түспүтэ.

Аман өһө 11:10

Үтүө киһи этэҥҥэ олордоҕуна куорат бүттүүнэ үөрэр, оттон куһаҕан дьон өллөҕүнэ дьоро кэм үүнэр.

Аман өһө 28:12

Үтүө дьон өрөгөйдөөтөҕүнэ, үөрүү кэмэ үүнэр, оттон куһаҕан киһи былааска таҕыстаҕына, норуот бүгэн биэрэр.

Аман өһө 28:15

Кыраны-хараны баттыыр бардам баһылык уордайбыт хахайтан, торҕоннообут эһэттэн атына суох.

Аман өһө 28:28

Нэгэй дьон былааска таҕыстаҕына, ким барыта бүгэн биэрэр; кэлин, кинилэр эһиннэхтэринэ, норуоту көнө киһи салайыаҕа.

Матфей 2:16

Илинтэн кэлбит дьоҥҥо албыннаппытын билэн, Ирод улаханнык уордайбыта. Ол иһин, чопчу ыйдарбыт кэминэн быһааран, Вифлеемҥэ уонна ол эргин сирдэргэ баар иккитигэр диэри саастаах уол оҕолору барыларын кыргарга соруйан дьону ыыппыта.

Матфей 2:3

Маны истээт, Ирод ыраахтааҕы уонна Иерусалим дьоно бары аймана түспүттэрэ.

Арыллыы 11:15

Онтон сэттис Аанньал турбатын үрбүтүгэр халлааҥҥа: «Аан дойду саарыстыбата аны Айыы Тойоммут уонна Кини Христоһун Саарыстыбата буолла. Айыы Тойон үйэттэн үйэлэр тухары ыраахтааҕылыаҕа!» – диир саҥа сатараабыта.