5 Сидьиҥ кэмэлдьилээхтэр сиэрдээх быһыыны өйдөөбөттөр, оттон Айыы ТойонУ көрдөөччүлэр барытын өйдүүллэр.
Муударай киһи олох суолун дабайар – өлүү айаҕыттан киэр куотар.
Дьэ онтон эн көнө, кырдьыктаах, сиэрдээх быһыыны, бары үтүө суолу өйдүүр кыахтаныаҕыҥ.
Акаарыга муударас аһара үрдүк, онон элбэх дьон ортотугар кини тугу да булан этиэ суоҕа.
Кини көҥүлүн тутуһуон баҕарар киһи бу үөрэх Таҥараттан кэлбитин дуу, эбэтэр Мин Бэйэбиттэн үөрэтэрбин дуу билиэҕэ.
Өскөтүн эһигиттэн хайаҕыт эмэ муудараһа тиийбэт буоллаҕына, ону кини Таҥараттан көрдөстүн, оччоҕо барыларыгар дьэллэмник, сэмэтэ-суҥхата суох биэрэр Таҥара киниэхэ муударай өйү биэриэҕэ.
Оттон эһиэхэ Сибэтиэй Таҥара Тыына баар буолан, эһиги тугу барытын билэҕит.
Оттон эһиги тускутунан этэр буоллахха, эһиэхэ Таҥара Тыына баар буолан, эһиги ким да үөрэтэригэр наадыйбаккыт – Тыын Бэйэтэ эһигини барыга-барытыгар үөрэтэр. Ол үөрэтэрэ барыта дьиҥ кырдьыктаах, ханнык да албына суох, онон, Кини тугу үөрэтэрий да, эһиги ону тутуһан олоруҥ.