Аман өһө 27:18 - Сибэтиэй Биибилийэ кинигэлэрэ

¹⁸ Астаах маһын көрөр-харайар киһи маһын аһыттан амсайыаҕа, тойонун харыстыыр киһи ытыктабылга сылдьыаҕа.

Аман өһө 27:18 ပူးပေါင်းရင်းမြစ်များ

Эсфирь 6:11

Аман ыраахтааҕы таҥаһын уонна аты ылан баран, Мардохейы таҥыннаран акка олордубута уонна: «Ыраахтааҕы чиэстиэн-бочуоттуон баҕарар киһитэ маннык мааныланар куолута!» – диэн доргуччу саҥара-саҥара куорат болуоссатын устун аты көнтөһүттэн сиэтэ сылдьыбыта.

Саалтыр 123:2

Айыы Тойон биһигинниин буолбатаҕа буоллар, өстөөхтөрбүт утары турбут кэмнэригэр,

Аман өһө 17:2

Өйдөөх кулут тойонун улдьаа уолун салайыаҕа, ини-биилэр үптэрин үллэстиэҕэ.

Аман өһө 22:29

Үлэтин-хамнаһын кыайа тутар мындыр киһини эн көрбүтүҥ дуо? Кини ыраахтааҕыга үлэлиэҕэ – көннөрү дьоҥҥо үлэлиэ суоҕа.

Аман өһө 27:17

Тимири тимир сытыылыыр, киһини киһи үөрэтэр.

Аман өһө 27:19

Ууга төҥкөйөн, киһи дьүһүнүн көрүнэр, оттон сүрэҕин болҕойон, ис дьиҥин билинэр.

Матфей 24:25

Бу туох буолуохтааҕын Мин эһиэхэ эрдэттэн эттим.

Матфей 24:46

Тойоно кэлэн көрбүтэ – кулута кини эппитин барытын толоро сылдьар буоллаҕына, ол кулут алгыстаах.

Марк 10:43

Оттон эһиэхэ оннук буолбатын: ким эһиги ортоҕутугар улахаҥҥыт буолуон баҕарбыт – эһиэхэ чаҕар буоллун;

Лука 12:37

Тойонноро кэлэригэр сэргэх олорбут кулуттар алгыстаахтар. Кырдьыгы эһиэхэ этэбин: тойонноро бэйэтэ курданан баран, кинилэри остуол тула олордон, ас тэрийэн аһатыа.

Лука 12:42

Айыы Тойон эппитэ: «Дьиэ хаһаайына чаҕардарын салайарга, кинилэри аһатарга анаан хаалларбыт эрэллээх, толкуйдаах дьиэ көрөөччүтүн курдук буолуҥ.

Лука 19:17

Тойоно киниэхэ эппит: „Бэрт сөпкө гыммыккын, үтүө үлэһитим! Кыраҕа да итэҕэллээҕиҥ иһин, уон куораты эйиэхэ салайтара биэрэбин“.

Иоанн 12:26

Ким Миэхэ сулууспалыыр, ол Миигин батыстын; Мин ханна баарбын да, кини эмиэ онно буолуоҕа; Миэхэ сулууспалыыр киһини Мин Аҕам үрдүктүк тутуоҕа».

Апостоллар 10:7

Кэпсэппит Аанньала барбытын кэннэ, Корнилий икки чаҕарын уонна Таҥараны итэҕэйэр буойунун ыҥыран ылбыта;

1 Коринф христианнарыгар 3:8

Олордооччу да, уу кутааччы да биир үлэни толороллор эрээри, хайалара даҕаны төлөбүрү төһөнү үлэлээбитинэн ылыаҕа.

1 Коринф христианнарыгар 9:13

Таҥара Дьиэтин үлэһиттэрэ Таҥара Дьиэтиттэн аһыылларын, сиэртибэ биэриигэ сулууспалааччылар эмиэ сиэртибэнньиктэн өлүүлэрин ылалларын эһиги билбэккит дуо?

1 Коринф христианнарыгар 9:7

Ханнык буойун бэйэтин суотугар сэриилэһэрий? Ким виноград олордон баран, отонуттан сиэбэтий? Ким үөр сүөһүнү маныыр эрээри, үүтүттэн испэтий?

Колосс христианнарыгар 3:22

Кулуттар, сирдээҕи тойотторгутугар туохха барытыгар бас бэриниҥ, киһиэхэ бэрт буола сатааччылар курдук көрөллөрүгэр эрэ буолбакка, ис сүрэхтэн, Таҥараттан толлон туран, тылларын истиҥ.

2 Тимофейга 2:6

хара көлөһүнүн тоҕон туран үлэлиир бааһынай бурдугун үүнүүтүттэн ким-хайа иннинэ амсайыахтаах.

1 Петр 2:18

Эһиги, үлэһиттэр, үтүө, сымнаҕас тойотторгутун эрэ буолбатах, хаҕыстары эмиэ ытыктаан, кинилэргэ бас бэриниҥ.

1 Петр 2:21

Таҥара эһигини тулуурдаах буоларга ыҥырбыта, тоҕо диэтэххэ, Христос эмиэ, Кини суолунан барарбыт туһугар биһиэхэ холобур көрдөрөн, биһиги туспутугар эрэйдэммитэ.