Аман өһө 24:12 - Сибэтиэй Биибилийэ кинигэлэрэ

¹² Ама: «Суох, ону билбэккэ хаалбыппыт», – диэн куотунуоҥ дуо? Оттон киһи сүрэҕин-быарын Тургутааччы билбэт үһү дуо? Кутуҥ-сүрүҥ Харабыла барытын көрөр-билэр – Кини хас биирдии киһиэхэ тугу оҥорбутунан төлүөҕэ.

Аман өһө 24:12 ပူးပေါင်းရင်းမြစ်များ

Саалтыр 121:3

Иерусалим – биир ньыгыл сомоҕо буолардыы тутуллан тахсыбыт куорат.

Саалтыр 121:8

Аймах-билэ дьонум, доҕотторум тустарыгар этэбин: «Эйиэхэ эйэ чэчирээтин!»

Саалтыр 17:3

Айыы Тойон – мин туруук таас хайам, мин кириэппэһим, Өрүһүйээччим. Айыы Таҥарам – хорҕойор очуоһум, мин куйаҕым, Быыһааччым, суон дурдам.

Саалтыр 62:12

Ыраахтааҕы Таҥараттан үөрүөҕэ-көтүөҕэ; албын тыллаахтар хам бараннар, Таҥаранан андаҕайааччы барыта өрөгөйдүөҕэ.

Саалтыр 7:9

Айыы Тойон норуоттары дьүүллүүр. Дьүүллээ миигин, Айыы Тойон, кырдьыкпынан, сүрэҕим ырааһынан көрөҥҥүн.

Саалтыр 94:9

Онно өбүгэлэргит Миигин үтэн-анньан көрөллөрө, бары дьайыыбын көрө сылдьан, Миигин тургуталлара.

Аман өһө 12:14

Үтүө тылыҥ үгүс үтүөнү түстүөҕэ, үлэҥ-хамнаһыҥ төлөбүр буолан төннүөҕэ.

Аман өһө 16:2

Төһө да суолуҥ-ииһиҥ эҥкилэ суох курдугун иһин, куккун-сүргүн Айыы Тойон тургутан көрөр.

Аман өһө 21:2

Санааҕар, көнө суолунан иһэҕин эрээри, сүрэххин Айыы Тойон тургутан көрөр.

Аман өһө 5:21

Айыы Тойон киһи суолун-ииһин көрөн турар, кини ыллыгын барытын ааҕа анаарар.

Аман өһө 5:22

Ким куһаҕаны оҥорор, ол бэйэтин угаайытыгар түбэһиэҕэ, аньыытын-харатын туһаҕар иҥниэҕэ.

Матфей 16:27

Киһи Уола Аҕатын килбиэнинэн сырдаан Аанньалларын кытта кэллэҕинэ, хас биирдии киһиэхэ тугу оҥорбутунан көрөн төлүөҕэ.

Апостоллар 17:28

Кининэн биһиги олоробут, Кининэн хамсыыбыт, Кининэн тыыннаах сылдьабыт. Эһиги сорох хоһоонньуттаргыт эмиэ: „Биһиги бары Кини ууһунабыт“, – диэн этэн тураллар.

Рим христианнарыгар 2:16

Мин иһитиннэрэр Евангелиебар этиллэринэн, дьон кистэлэҥ дьайыытын Таҥара Иисус Христоһунан дьүүллүүр Күнүгэр эмиэ ситинник буолуоҕа.

Рим христианнарыгар 2:6

Таҥара «хас биирдии киһиэхэ кини тугу оҥорбутунан көрөн төлүөҕэ»:

1 Коринф христианнарыгар 4:5

Онон кэмин иннинэ, Айыы Тойон кэлиэр диэри, кими даҕаны дьүүллээбэт-ырыппат буолуҥ. Кини кэлэн, хараҥаҕа кистэммити сырдаттаҕына, сүрэх кистэлэҥин арыйдаҕына, дьэ оччоҕо хас биирдии киһи Таҥараттан хайҕал ылыаҕа.

2 Коринф христианнарыгар 5:10

тоҕо диэтэххэ, биһиги бу эттээх-сииннээх сылдьан тугу гыммыппытынан – үтүөнү эбэтэр мөкүнү оҥорбуппутунан көрөн хас биирдиибит төлөбүрүн ыларбыт туһугар, бука бары Христос Дьүүлүгэр туруохтаахпыт.

Арыллыы 1:18

үйэттэн үйэлэр тухары баарбын. Өлбүтүм гынан баран, көр бу, аны үйэлэр тухары тыыннаахпын, аминь; аад уонна өлөр өлүү саарыстыбатын күлүүһүн тыла Миэхэ баар.

Арыллыы 2:18

Фиатира сиэркэбин Аанньалыгар суруй: «Умайар уот төлөнүн курдук харахтаах, күлүмүрдэс боруонса курдук атахтаах Таҥара Уола маннык этэр:

Арыллыы 2:23

Оҕолорун эмиэ имири эһитэлиэм; оччоҕо сиэркэп эрэ барыта Мин киһи сүрэҕин-быарын Курдат Көрөөччү буоларбын билиэҕэ. Хас биирдиигитигэр тугу оҥорбуккутунан көрөн төлүөм.

Арыллыы 22:12

«Көр бу, Мин сотору кэлиэм! Хас биирдиигэ тугу оҥорбутунан көрөн биэрэрдии, төлөбүрбүн илдьэ кэлиэм.