Аман өһө 22:18 - Сибэтиэй Биибилийэ кинигэлэрэ

¹⁸ Бу тыллары сүрэххэр сөҥөрөн сылдьарыҥ бэйэҕэр үөрүүлээх буолуоҕа, онон, кимниин да буоллун, үллэстэргэ өрүү бэлэм сырыт.

Аман өһө 22:18 ပူးပေါင်းရင်းမြစ်များ

Аман өһө 2:10

Ол курдук муударас эн сүрэххэр дириҥник иҥиэҕэ, билии-көрүү дууһаҕын дуоһутуоҕа.

Аман өһө 15:7

Муударай киһи билиитин үллэстэр, оттон акаары оннук кыаҕа суох.

Аман өһө 10:21

Үтүө киһи тыла үгүстэри өрүһүйүөҕэ, оттон акаары өйө тиийбэккэ өлүөҕэ.

Аман өһө 8:6

Истиҥ мин дьоһуннаах суоллары этэрбин: мин эһиэхэ кырдьыгы эрэ биллэрэбин,

Еврейдэргэ 13:15

Таҥараҕа, Кини аатын айхаллыыр хайҕал тыл сиэртибэтин – этэр тылбытынан биэрэр бэлэхпитин Иисус көмөтүнэн тиһигин быспакка биэрэ туруоҕуҥ.

Иоанн 7:38

Миигин итэҕэйэр киһи сүрэҕиттэн, Суруйууларга этиллэринии, өлбөт мэҥэ уутун өрүстэрэ сүүрүгүрдүөхтэрэ».

Аман өһө 25:11

Кэмигэр этиллибит сиэрдээх тыл үрүҥ көмүс иигэ кэтэрдиллибит кыһыл көмүс оҥоһук кэриэтэ.

Аман өһө 16:21

Ким муударай сүрэхтээх, ол үтүө өйдөөх дэтиэҕэ, ким эйэҕэс тыллаах, ол итэҕэтиэҕэ.

Аман өһө 10:13

Өйдөөх киһи тыла-өһө оттомноох, оттон акаары таһылларын оҥостор.

Аман өһө 3:17

Кини тутуһар суола-ииһэ үөрүүлээх, кэлэр-барар ыллыга барыта эйэлээх.

Саалтыр 19:10

Айыы Тойон, ыраахтааҕыны быыһаа уонна, Эйигин ыҥырдахпытына, биһигини иһит.

Аман өһө 22:19

Айыы Тойоҥҥо бигэ эрэллээх буоларыҥ туһугар, бу бүгүн эйигин үөрэтэн эрэбин.

Аман өһө 4:20

Уолум, мин тылбын болҕойон иһит, өйдөтөн этэрбин долоҕойгор хатаан кэбис.

Аман өһө 4:21

Бу үөрэхтэн хараххын хаһан да араарыма: сүрэххэр-быаргар сөҥөрөн өйдүү-саныы сырыт.