Аман өһө 21:21 - Сибэтиэй Биибилийэ кинигэлэрэ

²¹ Көнө сүрэхтээх, үтүө санаалаах киһи уһун олоҕу олоруоҕа, көрдөөбүт кырдьыгын булуоҕа; кини үрдүк аата уһуоҕа.

Аман өһө 21:21 ပူးပေါင်းရင်းမြစ်များ

Саалтыр 112:4

Айыы Тойон бары норуоттар үрдүлэринэн турар; Кини албан аата халлааннары аһара барар.

Аман өһө 10:16

Үтүө киһи үлэтэ-хамнаһа – олох туһугар, куһаҕан киһи барыһа – аньыы туһугар.

Аман өһө 11:19

Үтүөнү оҥорооччу олоҕун оҥкулланар, оттон кири-дьайы сырсааччы өлөргө дьулуһар.

Аман өһө 15:9

Куһаҕан дьон суолун Айыы Тойон абааһы көрөр, Кини кырдьыгы көрдөөччүлэри таптыыр.

Аман өһө 22:4

Айыы ТойонУ ытыктыыр көрсүө-сэмэй дьоҥҥо баай-дуол, үтүө аат-суол уонна уһун олох тосхойуо.

Аман өһө 3:22

Кинилэринэн эн дууһаҥ тыыннаах сылдьыаҕа, кинилэр эн киһилии сэбэрэҕин кэрэтитиэхтэрэ.

Матфей 5:6

Кырдьыкка утаппыттыы, аччыктаабыттыы баҕарааччылар алгыстаахтар: кинилэр дуоһуйуохтара.

Рим христианнарыгар 14:19

Онон эйэ дэмнээх буолуоҕуҥ, итэҕэлбитин бөҕөргөтүһэргэ дьулуһуоҕуҥ.

1 Коринф христианнарыгар 15:58

Онон, таптыыр бырааттарым, тулхадыйбат тууралаах чиҥ буолуҥ, уҥа-хаҥас халбаҥнаамаҥ; Айыы Тойоҥҥо кураанахха сулууспалаабаккытын билэн туран, Айыы Тойон дьыалатыгар мэлдьи хотуулаах буолуҥ.

Филиппы христианнарыгар 3:12

Ситиһиэхтээхпин хайыы-үйэ ситистим, эҥкилэ суох буола ситтим-хоттум диэн эппэппин; Христос Иисус миигин ситэн ылбытын курдук, мин эмиэ ситэн ылларбын диэн инним диэки дьулуһабын.

1 Фессалоника христианнарыгар 5:21

Тугу барытын тургутан көрүҥ, үтүөнү тутуһуҥ.

1 Тимофейга 6:11

Оттон эн, Таҥара киһитэ, итинтэн барытыттан куотаҥҥын, кырдьыктаах, бэриниилээх буоларга, итэҕэйэргэ, таптыырга, тулуйарга, көрсүө майгыланарга дьулус,

2 Тимофейга 2:22

Эдэр саас имэҥиттэн куот; ыраас сүрэхтэн Таҥараны ыҥырааччылары барыларын кытта бииргэ кырдьыгы, итэҕэли, тапталы, эйэни-или тутуһарга дьулус.

Еврейдэргэ 12:14

Дьону барытын кытта эйэ-дэмнээх буоларга, сибэтиэй олохтонорго кыһаллыҥ; сибэтиэй олохтоммокко сылдьан, ким да Айыы Тойону көрүө суоҕа.

1 Петр 1:7

Уотунан ыраастаннар даҕаны, син биир кэбириир-алдьанар хайа да кыһыл көмүстээҕэр эһиги тургутууну ааспыт итэҕэлгит ордук күндү буолан тахсыахтаах. Оччоҕо эһиги Иисус Христос кэлэр Күнүгэр Кини хайҕалын ылыаххыт, үрдүк чиэскэ, албан аакка тиксиэххит.