Аман өһө 20:15 - Сибэтиэй Биибилийэ кинигэлэрэ

¹⁵ Күн сиригэр көмүс да, күндү таас да элбэх, ол эрээри көрсүө тыл туохтааҕар да ордук.

Аман өһө 20:15 ပူးပေါင်းရင်းမြစ်များ

Аман өһө 15:23

Бэргэн хардаҥ бэйэҕин үөрдэр; үчүгэй да буоллаҕа кэмигэр этиллибит үтүөкэн тыл!

Аман өһө 15:7

Муударай киһи билиитин үллэстэр, оттон акаары оннук кыаҕа суох.

Аман өһө 16:16

Кыһыл көмүһү мунньуохтааҕар билиини муспут ордук; үрүҥ көмүһү көрдүөхтээҕэр өйдөөх буоларга дьулуспут ордук.

Аман өһө 16:21

Ким муударай сүрэхтээх, ол үтүө өйдөөх дэтиэҕэ, ким эйэҕэс тыллаах, ол итэҕэтиэҕэ.

Аман өһө 16:24

Үтүө тыл мүөт кэриэтэ: дууһаҕын үөрдэр, эккин-хааҥҥын үтүөрдэр.

Аман өһө 20:14

Атыылаһааччы түһэрсэ туран: «Куһаҕан, куһаҕан», – диир эрээри, тэйэ түстэ да, киһиргэммитинэн барар.

Аман өһө 20:16

Атын киһи туһугар илии охсустаххына, соҥҥун устуохтара, туора киһи иэһин төлүөх буоллаххына, солуок тутуохтара.

Аман өһө 25:12

Болҕомтолоох киһи истэригэр муударай сэмэ кыһыл көмүс биһилэххэ, биитэр ыраас үрүҥ көмүстэн кутуллубут симэххэ холоонноох.

Аман өһө 3:15

ханнык да бэйэлээх эриэккэс таастааҕар күндү; эн бу күн сиригэр баҕара саныыргыттан киниэхэ тэҥнэһэр кыахтаах туох да суох.

Аман өһө 5:2

оччоҕо ырааҕы анаарар тыйыс-чэгиэн өйдөнүөҥ, үүттээх-ааннаах тылгынан чиҥ билиигин көрдөрүөҥ.

Аман өһө 8:10

Эһиги мин үөрэтэр үөрэхпин үрүҥ көмүстээҕэр өрө тутуҥ, мин биэрэр билиибин ыраас кыһыл көмүстээҕэр ордоруҥ.

Аман өһө 8:11

Муударас – ханнык да бэйэлээх эриэккэс таастааҕар күндү; бу дойдуга эһиги баҕара саныыргытыттан киниэхэ тэҥнэһэр кыахтаах суох.

Эфес христианнарыгар 4:29

Ханнык да сүөргү тылы саҥарбат буолуҥ, истээччилэргитигэр илгэлээх үтүөнү иҥэрэр туһугар, кинилэр итэҕэллэрин бөҕөргөтөр үтүө тыллаах-өстөөх буолуҥ.