Аман өһө 19:12 - Сибэтиэй Биибилийэ кинигэлэрэ

¹² Ыраахтааҕы уордайара хахай хаһыырарыгар тэҥнээх, оттон кини үтүө сыһыана окко түспүт сиик кэриэтэ.

Аман өһө 19:12 ပူးပေါင်းရင်းမြစ်များ

Эсфирь 1:12

Ол эрээри Астинь сарыысса, аттакылар ыраахтааҕы дьаһалын тиэрдибиттэригэр, онно барартан кыккыраччы аккаастанан кэбиспитэ. Ыраахтааҕы онтон улаханнык кыыһыран, уора-кылына оргуйан,

Эсфирь 7:8

Ыраахтааҕы дыбарыас саадыттан малааһын саалатыгар төннөн киирэн көрбүтэ, арай Аман Эсфирь олбоҕор сыста түһэн сөһүргэстээн турара. Ону көрөн ыраахтааҕы: «Көр эрэ, өссө мин баарбар кытта бэйэлээх бэйэм дьиэм иһигэр сарыыссаны атаҕастаары гыммыт буола-буола!» – диэн баргыйбыта. Ыраахтааҕы итини этиэ кэрэх – Аман сирэйин таҥаһынан саба бүрүйбүттэрэ.

Саалтыр 133:3

Сири-халлааны айбыт Айыы Таҥара Сионтан эһигини алгыахтын.

Саалтыр 72:6

Ол иһин улахамсык санаа оҕуруоламмыттар, баламат быһыы таҥастаммыттар.

Аман өһө 20:2

Кыыһырбыт ыраахтааҕы уордайбыт хахайга холоонноох: кинини кыйахыыр киһи өлөрүн оҥостор.

Аман өһө 28:15

Кыраны-хараны баттыыр бардам баһылык уордайбыт хахайтан, торҕоннообут эһэттэн атына суох.