11 Үтүө өйдөөх киһи киэҥ көҕүстээх; атаҕастабылы бырастыы гыныы – дьоһуннаах быһыы.
Хобу-сиби таһааччы дьон кистэлэҥин ускайдыыр, оттон эрэллээх киһи ону харыстыыр.
Акаары өһүргэммитэ тута биллэр, оттон өйдөөх, үөҕүллэн да баран, истибэтэх курдук туттар.
Ким киэҥ көҕүстээх, ол дириҥ өйдөөх, оттон ыгым акаарытын көрдөрөр.
Киҥнээх киһи иирээни тардар, оттон тулуурдаах өһү-сааһы ууратар.
Тулуурдаах киһи бухатыырдааҕар ордук, ким бэйэтин кыатанар, ол куораты ылар сэрииһиттээҕэр күүстээх.
Иирээн быһыт тоҕо барарын кэриэтэ, онон кыыһырсыыны саҥатына саба баттаа.
«Атаҕастаабыттарын иэстэһиллиэ!» – диэмэ; Айыы Тойоҥҥо эрэн, Кини эйигин көмүскүөҕэ.
Иирээнтэн тэйэн биэрии – дьоһуннаах быһыы; акаары эрэ барыта ыгым.
Өстөөҕүҥ аччык буоллаҕына аһат, утаппыт буоллаҕына утаҕын ханнар;
Акаары кыыһыран быыппастар, оттон муударай кыатанар.
Хардарыта үтүө сыһыаннаах, аһыныгас буолуҥ, Таҥара эһигини Христоһунан бырастыы гыммытын курдук, эһиги эмиэ бэйэ-бэйэҕитин бырастыы гыныҥ.
Онон, таптыыр бырааттарым, хайаҕыт да истэргэ чуор, саҥарарга бытаан, уордайарга нэс буолуохтаах.