Аман өһө 16:2 - Сибэтиэй Биибилийэ кинигэлэрэ

² Төһө да суолуҥ-ииһиҥ эҥкилэ суох курдугун иһин, куккун-сүргүн Айыы Тойон тургутан көрөр.

Аман өһө 16:2 ပူးပေါင်းရင်းမြစ်များ

Саалтыр 36:2

Кинилэр сотору от курдук кууруохтара, күөх үүнээйи курдук ииниэхтэрэ.

Аман өһө 12:15

Акаары киһи көнө суолллаах-иистээх курдук сананар, оттон муударай – сүбэни-аманы ылынар.

Аман өһө 16:25

Сорох суол, көрдөххө, көнө курдук эрээри, тиһэҕэр өлүүгэ тиэрдэр.

Аман өһө 17:3

Үрүҥ көмүһү – тиигэл, кыһыл көмүһү – кыһа, оттон киһи сүрэҕин Айыы Тойон тургутар.

Аман өһө 21:2

Санааҕар, көнө суолунан иһэҕин эрээри, сүрэххин Айыы Тойон тургутан көрөр.

Аман өһө 24:12

Ама: «Суох, ону билбэккэ хаалбыппыт», – диэн куотунуоҥ дуо? Оттон киһи сүрэҕин-быарын Тургутааччы билбэт үһү дуо? Кутуҥ-сүрүҥ Харабыла барытын көрөр-билэр – Кини хас биирдии киһиэхэ тугу оҥорбутунан төлүөҕэ.

Аман өһө 30:12

Кирдэрин-хохторун да сууммакка сылдьан, килбэгир ырааспыт дэнээччилэр эмиэ бааллар.

Аман өһө 5:21

Айыы Тойон киһи суолун-ииһин көрөн турар, кини ыллыгын барытын ааҕа анаарар.

Лука 16:15

Иисус эппитэ: «Дьоҥҥо-сэргэҕэ кырдьыксыт дьон курдук көстүөххүтүн баҕараҕыт эрээри, Таҥара эһиги сүрэххитин билэр. Дьон тугу үрдүк диирин Таҥара мөкү диир.

Арыллыы 2:18

Фиатира сиэркэбин Аанньалыгар суруй: «Умайар уот төлөнүн курдук харахтаах, күлүмүрдэс боруонса курдук атахтаах Таҥара Уола маннык этэр:

Арыллыы 2:23

Оҕолорун эмиэ имири эһитэлиэм; оччоҕо сиэркэп эрэ барыта Мин киһи сүрэҕин-быарын Курдат Көрөөччү буоларбын билиэҕэ. Хас биирдиигитигэр тугу оҥорбуккутунан көрөн төлүөм.