Аман өһө 15:28 - Сибэтиэй Биибилийэ кинигэлэрэ

²⁸ Үтүө киһи ыараҥнатан баран саҥарар, оттон сидьиҥ сидьиҥи суккуйар.

Аман өһө 15:28 ပူးပေါင်းရင်းမြစ်များ

Саалтыр 59:7

Эн таптыыр дьонуҥ быыһаналларын туһугар, уҥа илиигинэн кинилэргэ кыайыыны бэлэхтээ уонна биһиэхэ хардар.

Аман өһө 10:19

Элбэх тыл аньыыта суох буолбат, өйдөөх киһи тылын кыатана туттар.

Аман өһө 10:32

Үтүө киһи күттүөннээҕи булан этэр, оттон куһаҕан куһаҕаны эрэ билэр.

Аман өһө 13:16

Оттомноох тугу барытын толкуйдаан баран оҥорор, оттон акаары ньүдьү-балайын көрдөрөр.

Аман өһө 15:2

Муударай дьон тыла-өһө билиигэ угуйар, оттон акаары хой баһын туойар.

Аман өһө 16:23

Оттомноох киһи тыла-өһө ыйааһыннаах, онон кини этэрэ итэҕэтиилээх.

Аман өһө 29:11

Акаары кыыһыран быыппастар, оттон муударай кыатанар.

Аман өһө 29:20

Толкуйдаабакка эрэ чап гыннарар киһини көрбүтүҥ дуо? Киниэхэ эрэниэхтээҕэр акаарыга эрэммит ордук.

Матфей 12:34

Эриэн үөн ыамалара! Эһиги куһаҕан санаалаах эрээри, хайаан үтүөнү саҥарыаххытый? Сүрэҕиҥ тугунан туолбута уоскунан тахсар эбээт.

1 Петр 3:15

Айыы Тойон Таҥараны ис сүрэххитинэн ытыктааҥ; эһиги эрэлгитин туоһулаһааччыларга көрсүөтүк, ытыктабыллаахтык хоруйдуурга өрүүтүн бэлэм буолуҥ.

2 Петр 2:18

Бу дарбааннаах, хойгур тыллаах-өстөөх дьон муна-тэнэ сылдьааччылартан сабыс-саҥа тэйэн эрээччилэри эт-хаан имэҥэр, содур олоххо төттөрү уккуйаллар.