Аман өһө 12:26 - Сибэтиэй Биибилийэ кинигэлэрэ

²⁶ Үтүө киһи доҕотторугар суол ыйыаҕа, оттон куһаҕан киһи муннарыаҕа.

Аман өһө 12:26 ပူးပေါင်းရင်းမြစ်များ

Саалтыр 16:3

Сүрэхпин тургутан көрөөрү, Эн миэхэ түүн кэлэн барбытыҥ, миигин холоон көрөҥҥүн, тугу да булан ылбатаҕыҥ: тылым-өһүм миэнэ санаабыттан атына суох.

Аман өһө 12:13

Сидьиҥ киһи сымыйа тылыгар иҥниэҕэ, оттон кырдьыксыт алдьархайтан быыһаныаҕа.

Аман өһө 12:25

Дьиксинии сүрэҕи элэтэр, оттон үтүө тыл үөрдэр.

Аман өһө 12:27

Сүрэҕэ суох мас көтөрүн да өлөрүө суоҕа, оттон хоһуун үлэһит үбэ-аһа дэлэй буолуоҕа.

Аман өһө 14:22

Куһаҕаны торумнааччы мунан-тэнэн барыаҕа, оттон үтүөнү оҥорооччу итэҕэли, ытыктабылы ылыаҕа.

Аман өһө 16:29

Хара санаалаахтар дьону сатарыталлар, хараҥа-халтараан суолга анньаллар.

Аман өһө 17:27

Билиилээх киһи тылыгар-өһүгэр сэрэхтээх; ким өйдөөх, ол киэҥ көҕүстээх.

1 Иоанн 2:26

Маны эһигини дэҥ үктэтээччилэр тустарынан суруйдум.

Арыллыы 12:9

Онон сири-халлааны бүтүннүү албынныы сылдьыбыт улуу моҕой, атыннык адьарай уонна сатана диэн ааттаах былыргы эриэн кыыл, сиргэ таҥнары сатыылаабыта, аанньаллара эмиэ кинини кытта бииргэ аллара кыйдаммыттара.

Арыллыы 13:14

Бастакы кыылы кытта бииргэ сылдьан оҥороро көҥүллэммит дьиктилэринэн кини сир олохтоохторун албынныыра уонна батастан бааһыран баран тыыннаах ордубут кыыл мөссүөнүн үтүгүннэрэн ылыҥ диэн дьону күһэйэрэ;