2 Петр 3:9 - Сибэтиэй Биибилийэ кинигэлэрэ

⁹ Сорохтор бытаарар дииллэр эрээри, Айыы Тойон эрэннэрбитин толороругар бытаарбат. Кини ким да өлүөн баҕарбат буолан, киһи барыта аньыытын билинэн Таҥараҕа эргиллэрин туһугар, биһиэхэ тулуурдаахтык сыһыаннаһар.

2 Петр 3:9 ပူးပေါင်းရင်းမြစ်များ

Саалтыр 77:8

оччоҕо өсөһөн өрө турар адьынаттаах, бигэтэ суох сүрэхтээх өбүгэлэрин – Таҥараҕа бэриниитэ суох көлүөнэ курдук аны хаһан да буолуо суохтаахтара.

Рим христианнарыгар 13:11

Кэм-кэрдии кэмчитин билэр дьон сиэринэн олоруҥ: утуйбут уубутуттан уһуктар чааспыт хайыы-үйэ кэллэ, быыһанарбыт бастаан итэҕэйбит кэммитинээҕэр билигин ордук чугаһаата.

Рим христианнарыгар 13:12

Түүн ааһан, күн сырдаан эрэр. Онон хараҥа дьайыыларын киэр илгэммит, сырдыгынан сэбилэниэҕиҥ.

Рим христианнарыгар 2:4

Эбэтэр, Таҥара үтүө санаата эйигин аньыыгын-хараҕын билинэргэр сирдиирин билбэт буолаҥҥын, Кини муҥура суох үтүө, уйугас сыһыанын, кэмэ суох тулуурун аанньа ахтыбаккын дуу?

Рим христианнарыгар 9:22

Арай оттон Таҥара Бэйэтин кырдьыктаах уорун-кылынын, сүдү күүһүн көрдөрөөрү, уордайбыт дьонун – имири эстиэхтээхтэри – өр тулуйбут буоллун, оччоҕо тугуй?

1 Тимофейга 1:16

Онон Иисус Христос, дьон Кинини итэҕэйэн бараммат олохтоноллорун туһугар, миэхэ, буор уйбат аньыылааҕар, Бэйэтин муҥура суох тулуурун көрдөрөн, миигин кинилэргэ холобур гыныахтааҕа. Ол туһугар Таҥара миигин аһыммыта-харыһыйбыта.

1 Тимофейга 2:4

Кини дьон барыта быыһаныан, кырдьыгы билэр кыахтаныан баҕарар.

Еврейдэргэ 10:37

«Кэлиэхтээх кэлэрэ кыра кэм хаалла – Кини бытааран хойутуо суоҕа.

1 Петр 3:20

Ол хаһан эрэ Таҥараҕа бас бэриммэтэх дьон этилэр, Таҥара кинилэри Ной аала тутуллан бүтүөр диэри тулуурдаахтык көһүппүтэ да, аал иһигэр киирбит аҕыйах киһи, аҕыс эрэ дууһа, тыыннаах орпута.

2 Петр 1:4

Эһиги Таҥара айылҕатын кытыктаахтара буолаҥҥыт, аан дойдуну сатарыппыт араас имэҥ сутулуттан быыһанаргыт туһугар, Кини улууттан улууну, күндүттэн күндүнү биэриэх буолан эрэннэрэр тылын эппитэ.

2 Петр 3:15

Уонна Айыы Тойоммут өр тулуйарын биһиэхэ быыһанар кыаҕы биэрэр дии саныыр буолуҥ; бу туһунан таптыыр бырааппыт Павел, Таҥара киниэхэ биэрбит муудараһын туһанан, эһиэхэ суруйбут суруктарыгар барытыгар этэр.

Арыллыы 2:21

Содур быһыытын билинэригэр бириэмэ биэрбитим үрдүнэн, билиммэтэ.