2 Петр 3:16 - Сибэтиэй Биибилийэ кинигэлэрэ

¹⁶ Маны кини хас суругун аайы этэр эрээри, өйдүүргэ ыарахан суоллары суруйар буолан, сорох-сорох итэҕэлгэ тирэҕирбэтэх ньүдьү-балай дьон өлөллөрүн оҥостон, ону эмиэ атын Суруйуулары курдук түктэри тойоннууллар.

2 Петр 3:16 ပူးပေါင်းရင်းမြစ်များ

Саалтыр 56:5

Мин хахайдар ортолоругар, киһини мэҥиэстээччилэр быыстарыгар баарбын; кинилэр тиистэрэ – үҥүү да ырба, тыллара – кыырыктаах кылыс.

Матфей 15:3

«Оттон эһиги бэйэҕит үгэскит туһуттан Таҥара кэриэһин тоҕо кэһэҕитий? – диэбитэ Иисус. –

Матфей 15:6

аҕатын биитэр ийэтин ытыктаамыан да сөп дэһэҕит, онон бэйэҕит үгэскитин тутуһаары, эһиги Таҥара кэриэһин кэһэҕит.

Матфей 22:29

Иисус эппитэ: «Эһиги Суруйуулары да, Таҥара күүһүн да билбэт буолаҥҥыт, мунаҕыт.

Филиппы христианнарыгар 3:19

Кинилэр бүтэр уһуктара – өлүү, сүгүрүйэр таҥаралара – куртах, албан ааттара – саат-суут эрэ: өйдөрө-санаалара сиртэн өппөт.

Еврейдэргэ 5:11

Бу туһунан бэрт элбэҕи кэпсэтиэхпитин сөп этэ гынан баран, эһиги истэр дьоҕургутун сүтэрэҥҥит, өйдүүргүт күчүмэҕэй буолбут.

Иаков 1:8

Бигэ санаата суох киһи бары суолугар барытыгар мунаах буолар.

1 Петр 1:1

Атын дойдуларга кый бырах тарҕанан, Понт, Галатия, Каппадокия, Асия уонна Вифиния сирдэригэр олорооччуларга, Аҕа Таҥара эрдэттэн анаабытынан, Тыын сибэтии гыныытынан, Иисус Христоһу истэргэ уонна Кини Хаанынан ыраастанарга талыллыбыттарга бука барыларыгар – Иисус Христос Апостола Петртан. Эһиэхэ бары илгэлээх үтүөнү кытта эйэ-ил үүнэ-үксүү туруохтун!

1 Петр 2:8

Онон Таҥара тылын истэр эрээри, бас бэриммэт дьон бүдүрүйэллэр – кинилэр анабыллара оннук.

2 Петр 2:1

Израиль норуотугар сымыйа пророктар баар буола сылдьыбыттарын курдук, эһиэхэ эмиэ сымыйаны үөрэтээччилэр баар буолан, дьон итэҕэлин үрэйэр эмсэҕэлээх үөрэхтэри киллэриэхтэрэ, кинилэри толуйан ылбыт Айыы Тойонтон аккаастанан, сотору өлөллөрүн оҥостуохтара.

2 Петр 2:14

Харахтара биир кэм имэҥ уотунан умайар, аньыыга баҕарыылара хаһан да хаммат. Бу ситэ-хото илик дууһалаахтары дэҥ үктэтэр, сии-аһыы үөрэммит торҕон дьон кырыыска тураллар.

2 Петр 3:14

Дьэ ол иһин, таптыыр бырааттарым, ону күүтэргитигэр, Кини иннигэр ыраас, эҥкилэ суох, эйэ-дэмнээх буолан турар туһугар, бары күүскүтүн ууруҥ.

Иуда 1:4

Былыр-былыргыттан бу Дьүүлгэ анаммыт, Таҥараны билиммэт дьон биһиги кэккэбитигэр биллибэтинэн-көстүбэтинэн өтөн киирдилэр. Кинилэр содур олохторун көмүскэнэн, Таҥарабыт илгэлээх үтүө тапталын токурутан кэпсииллэр, соҕотох Улуу Баһылык Таҥараны, Айыы Тойоммутун Иисус Христоһу, билиммэттэр.