2 Петр 2:21 - Сибэтиэй Биибилийэ кинигэлэрэ

²¹ Кырдьык суолун билэн баран, кинилэргэ бэриллибит сибэтиэй кэриэстэн киэр хайыһан таҥнарыахтарын кэриэтэ, бу суолу олох да билбэтэхтэрэ буоллар ордук буолуох этэ.

2 Петр 2:21 ပူးပေါင်းရင်းမြစ်များ

Саалтыр 125:5

Харах уулаах сылдьан сиэмэтин ыспыттар, үөрэ-көтө бурдуктарын быһыахтара.

Саалтыр 85:8

Ким да суох Эн курдук, Айыы Тойон, таҥаралар ортолоругар, ким да оҥорор кыаҕа суох Эн оҥороргун.

Аман өһө 12:28

Кырдьык суола олоххо киллэрэр, оттон токур суол өлүүгэ тиэрдэр.

Аман өһө 16:31

Маҥан баттах – килбиэннээх мэнньиэс, дьоһуннаах олох түмүгэ.

Матфей 21:32

Иоанн эһиэхэ кырдьык суолун ыйаары кэлбитэ, ону эһиги итэҕэйбэтэххит, оттон түһээн хомуйааччылар уонна содур дьахталлар итэҕэйбиттэрэ. Эһиги ону көрөн да бараҥҥыт, кэмсинэн, кинини итэҕэйбэтэххит.

Лука 12:47

Тойонун көҥүлүн билэ-билэ бэлэмэ суох олорбут, эбэтэр кини этэрин толорботох үлэһит илдьи таһыллыаҕа,

Иоанн 15:22

Мин бу дойдуга кэлэн кинилэргэ эппэтэҕим буоллар, кинилэр аньыыга буруйданыахтара суоҕа этэ, оттон билигин аньыыларын ааһынар кыахтара суох.

Иоанн 9:41

«Хараҕа суоххут эбитэ буоллар, аньыыга киириэ суох этигит, – диэбитэ Иисус. – Ол гынан баран эһиги билигин көрөбүт диигит, онон аньыыгыт бэйэҕитигэр хаалар».

Рим христианнарыгар 7:12

Онон Сокуон сибэтиэй, кини ыйыыта-кэрдиитэ эмиэ барыта үтүө, сибэтиэй уонна кырдьыктаах.

Галатия христианнарыгар 6:2

Бэйэ-бэйэҕит сүгэһэрдэргитин сүксүһэн Христос сокуонун тутуһуҥ.

1 Фессалоника христианнарыгар 4:2

Биһиги Айыы Тойон Иисустан ылан ханнык кэриэстэри эһиэхэ тиэрдибиппитин билэҕит.

1 Тимофейга 6:14

бу кэриэс тылы Айыы Тойоммут Иисус Христос кэлэр күнүгэр диэри эҥкилэ суох, сэмэҕэ-суҥхаҕа дьиэк биэрбэккэ, тутуһар буол.

Еврейдэргэ 10:26

Дьиҥ кырдьыгы билэн баран, дьаалыбытынан аньыыны оҥосто сылдьар буоллахпытына, биһиэхэ аны аньыы иһин ханнык да сиэртибэ хаалбат,

Иаков 4:17

Онон үтүөнү хайдах оҥорору билэ-билэ, ону оҥорбот киһи аньыыны оҥорор.

Иуда 1:3

Таптыыр бырааттарым! Эһиэхэ барыбыт быыһаныыбыт туһунан суруйардыы ис сүрэхпиттэн соруна сылдьан, сибэтиэйдэргэ биирдэ букатыннаахтык бэриллибит итэҕэл иһин туруулаһаргытыгар ыҥыран суруйары уталыппат сөп дии санаатым.