2 Петр 1:5 - Сибэтиэй Биибилийэ кинигэлэрэ

⁵ Онон эһиги туох баар кыһамньыгытын ууран, итэҕэлгитинэн үтүө быһыыгытын-майгыгытын, үтүө быһыыгытынан билиигитин көрдөрөргө дьулуһуҥ;

2 Петр 1:5 ပူးပေါင်းရင်းမြစ်များ

Саалтыр 119:4

Күүстээх сэрииһит сытыы оҕунан, кыһыл чохтоох оноҕоһунан.

Аман өһө 4:23

Ханнык да күндү кылааттааҕар сүрэххин харыстаа, олоҕуҥ дьүүктэтэ сүрэххиттэн сүүрдэр эбээт.

Лука 16:26

Итиэннэ биһиги икки ардыбытыгар үтүгэн түгэҕэ баар, онон мантан эһиэхэ тиийиэхтэрин баҕарааччылар кыайан барбаттар, анарааттан биһиэхэ эмиэ кыайан кэлбэттэр“.

Лука 24:21

Биһиги буоллаҕына Кинини, Израилы босхолуохтаах диэн, эрэнэ саныырбыт. Ол эрээри өссө маннык баар: бу түбэлтэ буолбута үһүс күнүгэр барда,

Иоанн 6:27

Эһиги курсуйар аска буолбакка, бараммат олоххо тиксэрэр аска кыһаллар буолуҥ. Оннук аһы эһиэхэ Киһи Уола биэриэҕэ: Аҕата Таҥара Кинини Бэйэтин бэчээтинэн бэлиэтээбитэ».

1 Коринф христианнарыгар 14:20

Бырааттарым! Өйгүтүнэн-санааҕытынан кыра оҕо буолумаҥ; куһаҕаҥҥа – кыһыл оҕонон хаалыҥ, үчүгэйгэ – сиппит-хоппут өйдөнүҥ.

Эфес христианнарыгар 5:17

Онон оттомо суох буолумаҥ, Таҥара көҥүлэ тугун – ону билэргэ дьулуһуҥ.

Филиппы христианнарыгар 1:9

Мин эһиги тускутугар – тапталгыт улам дириҥээн, билиигит чиҥээн, мындыр санааҕыт күүһүрэн, эһиэхэ туох ордугун арааран билэргит, Христос Күнүгэр килбэгир ыраас, туох да омсото суох буоларгыт,

Филиппы христианнарыгар 2:12

Таптыыр бырааттарым, эһиги өрүү да истигэн этигит. Онон баарбар эрэ буолбакка, бу суох кэммэр өссө ордук Таҥараттан толлон, иэйэн-долгуйан туран, быыһанар суолгутун тутуһан иһиҥ:

Филиппы христианнарыгар 4:8

Онон, бырааттарыам, тугу дьиҥнээх, чиэһинэй, үтүө, ыраас, кэрэ, биһирэбиллээх диэбиккитин эрэ саныыр буолуҥ.

Колосс христианнарыгар 1:9

Дьэ ол иһин, итини истибит күммүтүттэн ыла, эһиги тускутугар Таҥараҕа үҥэрбитин быспакка, Кини эһиэхэ бары муудараһы, духуобунай өйү-санааны кытта Бэйэтин көҥүлүн толору билэр кыаҕы биэрэригэр көрдөһөбүт.

Колосс христианнарыгар 2:3

Киниэхэ, Христоска, түмүллэн сылдьар эбээт бары муударас, бары билии күндү кылаата!

Еврейдэргэ 11:6

Итэҕэйбэт киһи Таҥараҕа хайдах да сөпсөтөр кыаҕа суох. Таҥараҕа кэлэр киһи Кини баарын, Кинини көрдөөччүлэргэ үтүөнэн төлүүрүн итэҕэйиэхтээх.

Еврейдэргэ 12:15

Ким да Таҥара илгэлээх үтүөтүттэн маппатын курдук, хайаҕыт да «абалаах силистэн үүнэн содулу таһаарар, үгүс киһини буомурдар сүлүһүннээх үнүгэс кэриэтэ буолбатын» туһугар, бэйэҕитин болҕойуҥ;

Еврейдэргэ 6:11

Эһиги хас биирдиигит тиһэҕэр тиийэ, эрэнэр эрэлгит толору туолуор диэри, дьулуһаргытын мөлтөппөккүтүгэр, сүрэҕэлдьиири билбэккитигэр, Таҥара эрэннэрбит нэһилиэстибэтигэр итэҕэллэринэн, кытаанах тулуурдарынан тиксэр дьон холобурун батыһан иһэргитигэр баҕарабыт.

1 Петр 3:7

Ол курдук, эһиги эр дьон эмиэ, кэргэттэргит уйаннарын өйдөөн туран, кинилэргэ үтүөтүк сыһыаннаһыҥ; кэргэттэргит эмиэ эһиги курдук илгэлээх олоххо киирэллэрин быһыытынан, үҥэр үҥүүгүт мэһэйэ суох буоларын туһугар, кинилэри ытыктааҥ.

2 Петр 1:10

Онон, бырааттарым, Таҥара эһигини ыҥырбыта, талан ылбыта өссө ордук итэҕэтиилээх буолан иһэр гына олорорго кыһаллыҥ; оннук олордоххутуна, эһиги хаһан да иҥниэххит суоҕа.

2 Петр 1:11

Быыһааччы Айыы Тойоммут Иисус Христос бараммат үйэлээх Саарыстыбатыгар көҥүллүк киирэр аан биһиги иннибитигэр ити курдук тэлэччи аһыллыаҕа.

2 Петр 3:14

Дьэ ол иһин, таптыыр бырааттарым, ону күүтэргитигэр, Кини иннигэр ыраас, эҥкилэ суох, эйэ-дэмнээх буолан турар туһугар, бары күүскүтүн ууруҥ.

2 Петр 3:18

Айыы Тойоммутун уонна Быыһааччыбытын Иисус Христоһу билэн, Кини илгэлээх үтүөтүн иҥэринэн, үүнэн-үрдээн иһиҥ. Киниэхэ билигин да, үйэттэн үйэҕэ да албан аат! Аминь.