2 Петр 1:4 - Сибэтиэй Биибилийэ кинигэлэрэ

⁴ Эһиги Таҥара айылҕатын кытыктаахтара буолаҥҥыт, аан дойдуну сатарыппыт араас имэҥ сутулуттан быыһанаргыт туһугар, Кини улууттан улууну, күндүттэн күндүнү биэриэх буолан эрэннэрэр тылын эппитэ.

2 Петр 1:4 ပူးပေါင်းရင်းမြစ်များ

Рим христианнарыгар 9:4

Кинилэри, Израиль дьонун, Таҥара Бэйэтин уолаттарынан ааттаабыта, кинилэргэ кэрэмэн килбиэнин көрдөрбүтэ, кинилэри кытта сөбүлэһии оҥорсубута, кинилэргэ Сокуону биэрбитэ, Таҥараҕа дьиҥнээхтик сүгүрүйэр суолу арыйбыта, уонна эрэннэрэр тылларын кинилэргэ эппитэ;

2 Коринф христианнарыгар 1:20

Таҥара тугу эрэннэрбитин барытын толорор «сөп» диэн харда – Христос Бэйэтэ буолар! Ол иһин, Таҥараны албан аатырдар туһугар, биһиги Кинини кытта биир буоламмыт, «Дьиҥ чахчы оннук, аминь!» диэн саҥа аллайабыт.

2 Коринф христианнарыгар 3:18

Биһиги бука бары сирэйбитин саптыбакка эрэ, Айыы Тойон кэрэмэн килбиэнин сиэркилэҕэ көрөр курдук көрөн, килбиэнтэн килбиэҥҥэ ыттан, улам Киниэхэ маарыннаан иһэбит. Бу барыта Айыы Тойон Тыынын дьайыыта буолар.

2 Коринф христианнарыгар 6:17

Ол иһин «„Кинилэртэн тахсан туспа барыҥ, – диир Айыы Тойон. – Уонна аны кирдээҕи таарыйымаҥ, оччоҕуна Мин эһигини ылыныам,

Галатия христианнарыгар 3:16

Оттон Авраамҥа уонна кини удьуоругар Таҥара Бэйэтинэн эрэннэрэр тылын эппитэ. Кини ол этэригэр «кэнэҕэски ыччаттаргар» диэбэккэ, Удьуоргар диэбит буолан, үгүс киһи туһунан буолбакка, биир эрэ удьуор туһунан эппит, оттон бу Удьуор – Христос.

Галатия христианнарыгар 6:8

Сиэмэтин аньыылаах айылгытын буолагар ыспыт киһи өлөр өлүүгэ барыаҕа, оттон Тыын буолагар ыспыт киһи бараммат олоххо тиксиэҕэ.

Колосс христианнарыгар 3:10

Айбытын уобараһыгар улам маарыннаан, күнтэн күн саҥардыллан, Таҥараны улам билэн иһэр саҥа киһи буолуҥ.

Еврейдэргэ 12:10

Сирдээҕи аҕаларбыт хайдах сөп диэбиттэринэн быстах кэмҥэ уодьугаммытын тардаллара, оттон бу Аҕабыт биһигини Бэйэтин курдук сибэтиэй гынаары, биһиэхэ туһалаах буоллун диэн үөрэтэр.

Еврейдэргэ 9:15

Онон Таҥара киһи аймаҕы кытта оҥорсубут саҥа сөбүлэһиитин тиксиһиннэрээччитэ Христос буолар. Кини бастакы сөбүлэһии дьайар кэмигэр оҥоһуллубут бары аньыыттан-хараттан босхолоору өлөн, үйэлэргэ кэхтибэт нэһилиэстибэни ыларга ыҥырыллыбыт дьон ол эрэннэриллибити ылалларын туһугар, толук буолбута.

Иаков 1:27

Кыһалҕа кыһарҕана хаарыйар тулаайахтарыгар, огдооболоругар көмөлөһүү, бэйэни аньыылаах дойду кириттэн харыстаныы – бу баар Аҕа Таҥара иннигэр ыраас, омсото суох дьиҥ бэриниилээх буолуу.

2 Петр 1:1

Таҥарабыт уонна Быыһааччыбыт, кырдьыгы тутуһар Иисус Христос, эмиэ биһиэхэ биэрбитин курдук, күндүттэн күндү итэҕэли биэрбит дьонугар – Иисус Христос кулута уонна Апостола Симон Петртан.

2 Петр 3:13

Ол эрээри, Кини эрэннэрбитин хоту, биһиги кырдьыктаах быһыы олохсуйбут саҥа халлаанын, саҥа сирин көһүтэбит.

2 Петр 3:9

Сорохтор бытаарар дииллэр эрээри, Айыы Тойон эрэннэрбитин толороругар бытаарбат. Кини ким да өлүөн баҕарбат буолан, киһи барыта аньыытын билинэн Таҥараҕа эргиллэрин туһугар, биһиэхэ тулуурдаахтык сыһыаннаһар.

1 Иоанн 2:25

Бараммат олох – бу баар Кини биһиэхэ биэриэх буолан эрэннэрбитэ!

1 Иоанн 3:2

Таптыыр бырааттарыам! Биһиги билигин Таҥара оҕолорунабыт, оттон кэлин өссө хайдах уларыйарбыт биһиэхэ ситэ арыллан биллэ илик. Арай биири чуолкай билэбит: ол арылыннаҕына, биһиги Кинини дьиҥ Бэйэтин көрөммүт, Кини курдук буолуохпут.