2 Петр 1:12 - Сибэтиэй Биибилийэ кинигэлэрэ

¹² Төһө да итини билэн, дьиҥ кырдьыкка тирэҕирбиккит иһин, мин эһиэхэ өрүү саната туруом.

2 Петр 1:12 ပူးပေါင်းရင်းမြစ်များ

Апостоллар 16:5

Сиэркэптэр, итэҕэллэрэ бөҕөргөөн, күннэтэ ахсааннара элбээн испитэ.

Филиппы христианнарыгар 3:1

Онон, бырааттарым, Айыы Тойонтон үөрэр буолуҥ. Бу урут суруйбуппун хатылыырбыттан ыарырҕаабаппын, эһиэхэ туһалаах буоллар эрэ дии саныыбын.

Колосс христианнарыгар 1:5

Урут эһиги Евангелие кырдьыктаах тыла биэрэр эрэлин билэҥҥит, итэҕэлгит, тапталгыт барыта ол Халлааҥҥа эһигини көһүтэр эрэлгэ олоҕурбута.

1 Тимофейга 4:6

Бырааттаргын итинник өйдөтөр буоллаххына, эн итэҕэл тылынан уонна батыспыт үтүө үөрэҕиҥ сүмэтинэн иитиллэн, Иисус Христос үтүө үлэһитэ буола үүнэн тахсыаҥ.

2 Тимофейга 1:6

Ол иһин санатыахпын баҕарабын: эйиэхэ илиибин ууран үҥпүппэр ылбыт дьоҕургун сөҕүрүтүмэ.

Еврейдэргэ 10:32

Доҕотторуом, олоххут ааспыт кэмин өйдөөн-санаан көрүҥ: оччотооҕуга, килбиэннээх сырдык эһиэхэ сыдьаайбытыгар, эһиги төһөлөөх элбэх эрэйи-муҥу, туруулаһан туран, тулуйдугут этэй!

Еврейдэргэ 13:9

Эҥин араас туора үөрэҕинэн үлүһүйүмэҥ; онон дьарыгырааччыларга туох да туһаны аҕалбатах аһы аһыахтааҕар, Таҥара илгэтинэн күүс-сэниэ киллэриммит ордук.

1 Петр 5:10

Биһигини, Христос Иисуһу итэҕэйбиттэри, үйэлэргэ өлбөөдүйбэт килбиэннээх сырдыгар ыҥырбыт Таҥара – бары илгэлээх үтүөнү Биэрээччи – эһигини, быстах кэмҥэ эрэйдэммиккит кэннэ, Бэйэтинэн эҥкилэ суох гынан бөҕөргөтүөхтүн, күүс-сэниэ киллэрэн халбаҥнаабат оҥоруохтун.

1 Петр 5:12

Бу кылгас сурукпун эһигини бөҕөргөтөөрү, манна эппитим барыта Таҥара дьиҥ илгэлээх үтүөтэ буоларын бигэргэтээри, бэриниилээх диэн эрэнэр киһим, бырааккыт Силуан, көмөтүнэн суруйдум. Онон маны бигэтик тутуһуҥ.

2 Петр 1:13

Айыы Тойоммут Иисус Христос миэхэ арыйбытын курдук, сотору бу дойдуттан аттаныахтаахпын билэбин, онон тыыннааҕым тухары, итини барытын өйдөтө-саната сылдьарым сөп дии саныыбын.

2 Петр 1:15

Барбытым да кэннэ, бу эппиппин өрүүтүн өйдүү сылдьаргыт туһугар, мин бары күүспүн ууруом.

2 Петр 3:1

Таптыыр бырааттарыам! Бу хайыы-үйэ иккис сурукпун эһиэхэ суруйабын. Суруктарбар хайатыгар да эһиги өйгүтүгэр ыраас санааны уһугуннаран, сибэтиэй пророктар урут өтө көрөн эппиттэрин итиэннэ эһиэхэ бэйэҕит Апостолларгыт тиэрдибиттэрин – Быыһааччы Айыы Тойон кэриэһин – өйдүү сылдьаргыт туһугар, санаттым.

2 Петр 3:17

Онон, эһиги, таптыыр бырааттарым, бу туһунан хайыы-үйэ билэргит быһыытынан, суута-сокуона суох дьон муммут суолугар туораабат, бигэ тирэххитин сүтэрбэт туһугар, сэрэхтээх буолуҥ,

1 Иоанн 2:21

Мин эһиэхэ кырдьыгы билбэккит диэн суруйар буолбатахпын, кырдьыгы билэргит, ханнык да сымыйа кырдьыктан тахсыбатын өйдүүргүт иһин суруйдум.

Иуда 1:17

Оттон эһиги, таптыыр бырааттарыам, Айыы Тойоммут Иисус Христос Апостоллара тугу өтө көрөн эппиттэрин өйдүү сылдьыҥ.

Иуда 1:3

Таптыыр бырааттарым! Эһиэхэ барыбыт быыһаныыбыт туһунан суруйардыы ис сүрэхпиттэн соруна сылдьан, сибэтиэйдэргэ биирдэ букатыннаахтык бэриллибит итэҕэл иһин туруулаһаргытыгар ыҥыран суруйары уталыппат сөп дии санаатым.

Иуда 1:5

Төһө да итини хайыы-үйэ билбиккит иһин, мин эһиэхэ биир суолу санатыахпын баҕарабын: Айыы Тойон Бэйэтин норуотун Египет сириттэн быыһаан таһааран баран, итэҕэйбэтэхтэри кэлин имири эспитэ;