2 Фессалоника христианнарыгар 3:14 - Сибэтиэй Биибилийэ кинигэлэрэ

¹⁴ Бу суруйбуппутун истибэт киһини болҕомтоҕо ылыҥ уонна, кыбыстарын туһугар, кинини кытта алтыһымаҥ;

2 Фессалоника христианнарыгар 3:14 ပူးပေါင်းရင်းမြစ်များ

Аман өһө 5:13

Үөрэтээччилэрим этэллэрин истэ да барбат этим, сүбэлиир-амалыыр дьоммун сэҥээрбэт этим.

Матфей 18:17

онно истибэтэҕинэ, сиэркэпкэ кэпсээ; оттон сиэркэби истибэтэҕинэ, кини эйиэхэ Таҥараны билиммэт дьон эбэтэр түһээн хомуйааччылар кэриэтэ буоллун.

Рим христианнарыгар 16:17

Бырааттарыам, эһигиттэн көрдөһөбүн: үөрэммит үөрэххитин утары баран эһиэхэ хайдыһыыны таһаарар, моһолу үөскэтэр дьонтон сэрэниҥ; кинилэртэн тэйэ туттуҥ.

1 Коринф христианнарыгар 4:14

Маны эһигини кыбыһыннараары буолбатах, таптыыр оҕолорбор курдук өйдөтөөрү, суруйабын.

1 Коринф христианнарыгар 5:11

ол оннугар, биир итэҕэллээх бырааппыт дэтэ сылдьан содур, эбэтэр иҥсэ-обот, эмэгэккэ сүгүрүйэр, эбэтэр быдьар тыллаах-өстөөх, итирэр-кутурар, уорар дьону кытта бодоруһумаҥ диэн суруйбутум; оннуктары кытта бииргэ аһаабат да буолуҥ.

1 Коринф христианнарыгар 5:9

Эһиэхэ ыыппыт сурукпар содур дьону кытта бодоруһумаҥ диэн суруйан турабын.

2 Коринф христианнарыгар 10:6

итиэннэ, эһиги Христоска эҥкилэ суох истигэн буолбуккут кэннэ, хайа баҕарар истигэнэ суох быһыыны накаастыырга бэлэммит.

2 Коринф христианнарыгар 2:9

Мин эһигини тургутан көрөөрү, туохха да буолбутун иһин, төһө истигэҥҥитин билээри суруйбутум.

2 Коринф христианнарыгар 7:15

Эһиги бука бары хайдах курдук истигэҥҥитин, хайдах кинини ис-искититтэн долгуйа-үөрэ көрсүбүккүтүн санаан кэллэҕинэ, кини сүрэҕэ эһиэхэ өссө күүскэ иэйэр.

Филиппы христианнарыгар 2:12

Таптыыр бырааттарым, эһиги өрүү да истигэн этигит. Онон баарбар эрэ буолбакка, бу суох кэммэр өссө ордук Таҥараттан толлон, иэйэн-долгуйан туран, быыһанар суолгутун тутуһан иһиҥ:

Колосс христианнарыгар 4:16

Бу суругу аахтаххытына, Лаодикия сиэркэбигэр эмиэ аахтараарыҥ, оттон Лаодикияттан кэлбити эһиги эмиэ ааҕаарыҥ.

1 Фессалоника христианнарыгар 4:8

Онон ким бас бэриммэт, ол киһиэхэ буолбакка, биһиэхэ Сибэтиэй Тыынын биэрбит Таҥараҕа бас бэриммэт.

2 Фессалоника христианнарыгар 3:6

Бырааттарым, эһигини Айыы Тойон Иисус Христос аатыттан модьуйабыт: най баран иллэҥ сылдьар, биһигиттэн ылыммыт үөрэхтэрин тутуспат бырааттартан тэйэ туттуҥ.

Титкэ 2:8

этэр тылыҥ ыйааһыннаах, лоп бааччы үтүө тыл буоллун, оччоҕо утарсааччылар биһиги туспутунан туох да дьиэктээҕи кэпсиир кыахтара суох буолан, бэйэлэрэ саатыахтара.

Титкэ 3:10

Оттон хайдыһыыны таһаарар киһини иккитэ-хаста өйдөтөн көрөн баран, сыһыаҥҥын быс;

Филимоҥҥа 1:21

Тылбын истэргэр бүк эрэнэн суруйабын; көрдөспүппүн куоһара толороргун билэбин.

Еврейдэргэ 13:17

Салайааччыларгытыгар бас бэриниҥ, тугу этэллэрин истиҥ. Таҥара иннигэр отчуоттуохтаах дьон быһыытынан кинилэр эһиги тускутугар утуйар ууларын умнан да туран кыһаллаллар. Эһиги истигэн буоллаххытына эрэ, кинилэр үөрэ-көтө сулууспалыахтара, оттон ыарырҕатан өрө тыына сылдьар буоллахтарына, ол эһиэхэ туох да туһаны аҕалыа суоҕа.

2 Иоанн 1:10

Эһиэхэ кэлэр эрээри, бу үөрэҕи илдьэ кэлбэт киһини дьиэҕитигэр киллэримэҥ, эҕэрдэлээн көрсүмэҥ.