2 Фессалоника христианнарыгар 2:13 - Сибэтиэй Биибилийэ кинигэлэрэ

¹³ Оттон эһиги тускутугар, бырааттарбыт, Айыы Тойон таптыыр дьоно, биһиги өрүү Таҥараҕа махтана сылдьыах тустаахпыт. Таҥара эһигини, сибэтии гынар Тыынын дьайыытынан, дьиҥ кырдьыкка итэҕэлинэн быыһанаргытыгар анаан, хара маҥнайгыттан талан ылбыта.

2 Фессалоника христианнарыгар 2:13 ပူးပေါင်းရင်းမြစ်များ

Аман өһө 8:23

Мин үллэр үйэлэр иннилэринэ, былыр-былыр, аан дойду айыллыан инниттэн баар буолбутум,

Иоанн 1:1

Аан бастаан Тыл баара, Тыл Таҥараҕа баара, Тыл Таҥара этэ.

Иоанн 14:6

Иисус хоруйдаабыта: «Мин Суол, Кырдьык уонна Олох буолабын; Аҕабар Миигинэн эрэ кэлиэххэ сөп, атын суол суох.

Апостоллар 13:48

Омук дьоно, маны истэн үөрэн-көтөн, Айыы Тойон тылын айхаллаан, бараммат олоххо анаммыт өттүлэрэ бары итэҕэйбиттэрэ.

Апостоллар 15:9

Сүрэхтэрин итэҕэлинэн ыраастаабыт буолан, кинилэри да, биһигини да туох да диэн араарбатаҕа.

Рим христианнарыгар 6:17

Хаһан эрэ эһиги аньыы кулуттара этигит, оттон билигин, Таҥараҕа махтал, ылыммыт үөрэххитигэр ис сүрэххитинэн бас бэриннигит,

Рим христианнарыгар 8:33

Таҥара талбыт дьонун ким буруйдуоҕай? Буруйтан быыһыыр Таҥара дуо?

Рим христианнарыгар 9:11

Игирэлэр өссө төрүөхтэрин инниттэн (ол аата үтүөнү да, мөкүнү да оҥоруохтарын иннинэ, Таҥара талара туохтан да тутулуга суох көҥүлүн –

1 Коринф христианнарыгар 1:21

Бу аан дойду бэйэтин муударай өйүн күүһүнэн Таҥараны, Кини муудараһын көрөн билбэтэҕин иһин, Таҥара Кинини итэҕэйээччилэри биһиги үөрэтэр үөрэхпит «өйө суох» тылынан быыһыырга быһаарыммыта.

Галатия христианнарыгар 3:1

Оо, толкуйа суох галаттар! Эһиги Евангелиены истэргитигэр Иисус Христос, көрөн турдаххытына, тиириллибит курдук ойууламмыта буолбаат! Оччотугар ким эһигини итинник абылаата?

Эфес христианнарыгар 2:8

Эһиги итэҕэйэҥҥит, Таҥара илгэлээх үтүөтүнэн быыһаммыккыт, бу – эһиги үтүөҕүт-өҥөҕүт буолбатах, Таҥара бэлэҕэ;

Колосс христианнарыгар 1:5

Урут эһиги Евангелие кырдьыктаах тыла биэрэр эрэлин билэҥҥит, итэҕэлгит, тапталгыт барыта ол Халлааҥҥа эһигини көһүтэр эрэлгэ олоҕурбута.

Колосс христианнарыгар 3:12

Онон эһиги, Таҥара талбыт сибэтиэй, тапталлаах дьоно, амарах майгыланыҥ, үтүө санааланыҥ, сэмэй, көрсүө, тулуурдаах буолуҥ.

1 Фессалоника христианнарыгар 1:4

Бырааттарбыт, биһиги бу биллэрэр Евангелиебытын эһиэхэ аҥаардас тылбытынан эрэ буолбакка, күүстээх дьайыыбытынан, Сибэтиэй Тыынынан эрэмньилээхтик тиэрдэммит, Таҥара эһигини таптыырын, талан ылбытын бигэтик билэбит. Өссө эһигини кытта бииргэ эрдэхпитинэ, эһиэхэ туһалаатарбыт диэн хайдах быһыылаахтык олорбуппутун бэйэҕит өйдүүгүт.

1 Фессалоника христианнарыгар 4:7

Таҥара биһигини кирдээх буоларга ыҥырбатаҕа, сибэтиэй буоларга ыҥырбыта.

1 Фессалоника христианнарыгар 5:9

Таҥара биһигини уордаах дьүүлгэ турарга анаабатаҕа, Иисус Христос Айыы Тойоммутунан быыһанарга анаабыта.

2 Фессалоника христианнарыгар 1:3

Бырааттарбыт, эһиги итэҕэлгит үүнэн, хас биирдиигит бэйэ-бэйэҕитигэр таптала күүһүрэн иһэрин иһин, биһиги кырдьыгы көрөр дьон сиэринэн өрүү Таҥараҕа махтана сылдьыахтаахпыт.

2 Фессалоника христианнарыгар 2:10

өлөн эрэр дьону эҥин-араас ааһар албастарынан үктэтиэҕэ, ити барыта – кинилэр быыһаныахтарын баҕарбакка, кырдьыкка тапталы ылымматахтарыттан буолуо.

2 Фессалоника христианнарыгар 2:12

Бу барыта – кырдьыгы итэҕэйэр оннугар аньыыны-хараны оҥороллорун ордорооччулар дьүүллэнэллэрин туһугар буолуоҕа.

2 Фессалоника христианнарыгар 2:16

Айыы Тойоммут Иисус Христос уонна биһигини таптаан, илгэлээх үтүөтүнэн хаһан да ааспат уоскулаҥы, үтүө эрэли биэрбит Таҥара, биһиги Аҕабыт,

2 Тимофейга 1:9

Таҥара биһигини туох эрэ үтүөнү-өҥөнү оҥорбуппут иһин буолбакка, Бэйэтэ эрдэттэн быһаарбыт, ханнык да үйэ үөскүөн инниттэн биһиэхэ Христос Иисуһунан бары илгэлээх үтүөтүн биэрбит буолан быыһаан ылбыта, сибэтиэй олоххо ыҥырбыта.

2 Тимофейга 2:15

Бары күүскүн ууран, бэйэҕин эрэллээх киһинэн, дьиҥ кырдьык тылыгар сөпкө үөрэтэн, кыбыстыыга киирбэт үлэһит быһыытынан Таҥараҕа көрдөрөргө кыһалын.

2 Тимофейга 3:15

Христос Иисуска итэҕэлгинэн быыһанаргар эйиэхэ муудараһы иҥэрэн эркээйи буолар кыахтаах Сибэтиэй Суруйуулары эн өссө оҕо эрдэххиттэн билэҕин.

Еврейдэргэ 1:10

Итиэннэ өссө этэр: «Айыы Тойон, маҥнай Эн сири олохтообутуҥ, халлааны эмиэ Эн оҥорбутуҥ;

Иаков 1:18

Таҥара биһигини, Кини саҥа айымньыларыттан бастакылара буоларбыт туһугар, кырдьыктаах тыл көмөтүнэн төрөппүтэ.

1 Иоанн 4:10

Биһиги Таҥараны таптаабыппыт иһин буолбатах, Таҥара Бэйэтэ биһигини таптаан, аньыыттан-хараттан толуйан ылаары, биһиги туспутугар Уолун ыыппыта. Дьиҥнээх таптал диэн бу баар.

1 Иоанн 4:19

Онон, доҕотторуом, Таҥара биһигини бастакынан таптаабытын быһыытынан, биһиги эмиэ Кинини таптыаҕыҥ.