2 Фессалоника христианнарыгар 1:9 - Сибэтиэй Биибилийэ кинигэлэрэ

⁹ Оччоҕо кинилэр бүтэһиктээх өлүүнэн накаастананнар, Айыы Тойонтон, Кини килбиэннээх күүһүттэн букатыннаахтыы тэйитиллиэхтэрэ.

2 Фессалоника христианнарыгар 1:9 ပူးပေါင်းရင်းမြစ်များ

Саалтыр 16:11

Ханна да барыыбыт, тулабытыгар сылдьаллар, хара буорга тэпсээри, хас хардыыбытын манаһаллар.

Саалтыр 51:11

Бары дьайыыҥ иһин махтанан, үйэм тухары мин Эйигин айхаллыам; итиэннэ, Эн сибэтиэйдэргин кытта бииргэ сылдьан, Эн үтүөкэннээх ааккар эрэниэм.

Матфей 16:27

Киһи Уола Аҕатын килбиэнинэн сырдаан Аанньалларын кытта кэллэҕинэ, хас биирдии киһиэхэ тугу оҥорбутунан көрөн төлүөҕэ.

Матфей 22:13

Ыраахтааҕы чаҕардарыгар эппит: „Ылыҥ, ити киһини, илиитин-атаҕын кэлгийэн баран, ытабыл-соҥобул, тиис хабырыныыта иһиллэр им балай хараҥатыгар быраҕыҥ“.

Матфей 24:30

Дьэ оччоҕо халлааҥҥа Киһи Уолун бэлиэтэ көстүөҕэ; Киһи Уола сүдү күүстэнэн, албан аатыран былыттарга уйдаран иһэрин көрөн, сир норуоттара бары, муҥур уһукка киирэн, ытаһыахтара.

Матфей 25:41

Онтон хаҥас диэки турааччыларга Кини этиэҕэ: „Кыраммыттар, киэр буолуҥ Миигиттэн! Эһиги адьарайга уонна кини аанньалларыгар анаммыт умуллубат уокка киириҥ!

Матфей 25:46

Оччоҕо кинилэр бараммат муҥҥа барыахтара, оттон үтүө дьон бараммат олоххо киириэхтэрэ».

Матфей 26:24

Киһи Уола, Кини туһунан суруллубутун курдук, баран иһэр, ол эрээри сор-муҥ күүтэр Киһи Уолун таҥнарааччыны! Ол киһи олох да төрөөбөтөҕө буоллар ордук буолуо этэ».

Матфей 7:23

Онуоха Мин кинилэргэ этиэҕим: „Мин эһигини олох билбэппин, суута-сокуона суох быһыыланааччылар, киэр буолуҥ Миигиттэн!“

Лука 13:27

Оччоҕо Кини хоруйдуо: „Эһиэхэ этэбин: эһиги кимнээххитин, хантан кэлбиккитин Мин билбэппин. Хара дьайдаахтык быһыыланааччылар, бука бары Миигиттэн киэр буолуҥ!“

Иоанн 5:14

Кэлин кинини, Таҥара Дьиэтигэр сылдьарын көрсөн Иисус: «Дьэ бу үтүөрэн чэгиэн буолан сылдьаҕын, – диэбитэ. – Аны аньыыны оҥорума – оҥордоххуна эйиэхэ итиннээҕэр куһаҕан буолуо».

Филиппы христианнарыгар 3:19

Кинилэр бүтэр уһуктара – өлүү, сүгүрүйэр таҥаралара – куртах, албан ааттара – саат-суут эрэ: өйдөрө-санаалара сиртэн өппөт.

1 Фессалоника христианнарыгар 5:3

«Эйэ уонна куттал суох буолуута!» – дэһэр кэмнэригэр эмискэ, хат дьахтар талыыта киирэринии, өлөр өлүү кинилэри ситэн ылыаҕа, онтон хайдах да өрүһүнүөхтэрэ суоҕа.

2 Фессалоника христианнарыгар 2:8

Хара дьайдаах киһи кимэ-туга дьэ оччоҕо биллиэҕэ. Айыы Тойон Иисус кэлэн, кинини уоһун илгиэринэн самнарыа, килбиэннээх сыдьаайынан суох оҥоруо.

Титкэ 2:13

эрэлбит туолар абыраллаах Күнүн – улуу Таҥарабыт, Быыһааччыбыт Иисус Христос килбиэннээх кэлиитин – кэтэһэргэ үөрэтэр.

Еврейдэргэ 10:29

Оччоҕо эһиги санаан көрүҥ: Таҥара Уолун тэпсэр уонна Таҥараны кытта сөбүлэһии кэс тылын бигэргэппит, бэйэлээх бэйэтин сибэтии гыммыт Хааны ытыктаабат, Таҥара илгэлээх үтүө тапталын Тыынын атаҕастыыр киһи хайдахтаах ыар буруйга тиксиэҕэй!

2 Петр 2:17

Бу – куура хаппыт сүлбэлэр, буурҕа кыйдыыр былыттара; кинилэри хаһан да дьайҕарбат им балай кэтэһэр.

2 Петр 3:7

оттон бу эмиэ Таҥара тыла араҥаччылыыр билиҥҥи сирэ-халлаана Дьүүл Күнүгэр, Таҥараны билиммэт дьон өлөрүгэр, уокка умайарга ананан турар.

Иуда 1:13

сааттаах быһыыларынан күүгэн аллар байҕал суостаах долгуннара, үйэлэргэ халбарыйбат халыҥ хараҥа кэтэһэр муна-тэнэ сылдьар сулустара.

Арыллыы 20:11

Онтон мин сүдү бэйэлээх үрүҥ бүрүстүөлү уонна ол бүрүстүөлгэ Олорооччуну көрбүтүм; сир-халлаан Кини ньууруттан куотан, аны хаһан да эргийбэттии симэлийэ сүппүтэ.

Арыллыы 20:14

өлүү уонна үөдэн түгэҕэ иккиэн уот байҕалга быраҕыллыбыттара. Бу уот байҕал – иккис өлүү.

Арыллыы 21:8

Оттон куттамсахтар, итэҕэлэ суохтар, сидьиҥнэр, өлөрүөхсүттэр, содурдар, абынан-хомуһунунан дьарыгырааччылар, эмэгэккэ сүгүрүйээччилэр уонна бары сымыйаччылар аналлара – сиэрэлээх уот байҕалга түһүү. Ити иккиһин, бүтэһиктээхтик, өлүү буолар».

Арыллыы 22:15

Оттон ыттар, абынан-хомуһунунан дьарыгырааччылар, содурдар, өлөрүөхсүттэр, эмэгэккэ сүгүрүйээччилэр уонна сымыйаны таптааччылар, сымыйаны оҥорооччулар – олор бары куорат тас өттүгэр хаалыахтара.