2 Фессалоника христианнарыгар 1:3 - Сибэтиэй Биибилийэ кинигэлэрэ

³ Бырааттарбыт, эһиги итэҕэлгит үүнэн, хас биирдиигит бэйэ-бэйэҕитигэр таптала күүһүрэн иһэрин иһин, биһиги кырдьыгы көрөр дьон сиэринэн өрүү Таҥараҕа махтана сылдьыахтаахпыт.

2 Фессалоника христианнарыгар 1:3 ပူးပေါင်းရင်းမြစ်များ

Саалтыр 84:7

Ама, норуотуҥ Эйигиттэн үөрэрин туһугар, Эн биһигини хат тилиннэриэҥ суоҕа дуо?

Аман өһө 4:18

Оттон үтүө дьон суола-ииһэ сарсыардааҥҥы сарыал кэриэтэ, күн халлаан оройугар тэмтэйэ ойуор диэри улам сырдаан иһэр.

Лука 15:32

Хата бу маннык хомойуох кэриэтэ быраатыҥ өлөн баран тиллибитигэр, сүтэн баран көстүбүтүгэр үөрүөххэ-көтүөххэ баар этэ“».

Лука 17:5

Онтон биирдэ Апостоллар Айыы Тойонтон: «Итэҕэлбитин бөҕөргөт», – диэн көрдөспүттэрэ.

Иоанн 15:2

Мин ас биэрбэт хас биирдии лабаабын Кини быһан ылан быраҕар, оттон ас биэрэр хас биирдии лабаабын, өссө элбэх аһы биэрдин диэн, ыраастыыр.

Рим христианнарыгар 1:8

Бастатан туран, бүтүн аан дойдуга эһиги итэҕэлгит иһиллэ турарын иһин, барыгыт тускутугар Иисус Христоһунан Таҥарабар махтанабын.

1 Коринф христианнарыгар 1:4

Эһиги Христос Иисуһу итэҕэйэн Таҥара илгэлээх үтүөтүн бэлэх ылбыккыт иһин, мин Таҥарабар өрүүтүн махтанабын.

2 Коринф христианнарыгар 10:15

Биһиги чэрчибитин аһары түһэн, атын дьон үлэтинэн хайҕаммаппыт. Эһиги итэҕэлгит үрдээн-үүнэн истэҕин аайы, бэйэбит чэрчибитин эһиги көмөҕүтүнэн кэмэ суох кэҥэтэн иһиэхпит диэн эрэллээхпит:

Эфес христианнарыгар 5:20

Айыы Тойоммут Иисус Христос аатыгар, туох баарга барытыгар Аҕа Таҥараҕа махтана сылдьыҥ.

Филиппы христианнарыгар 1:7

Мантан атыннык саныыр да кыаҕым суох: эһиги миэхэ ол курдук өрүү күндүгүт. Бу билигин түрмэҕэ олорор да, урут Евангелиены көмүскүү, кини кырдьыгын бигэргэтэ да сылдьар кэммэр, эһиги бука бары миигинниин бииргэ Таҥара миэхэ эрэммит алгыстаах сулууспатын толорсубуккут.

Филиппы христианнарыгар 1:9

Мин эһиги тускутугар – тапталгыт улам дириҥээн, билиигит чиҥээн, мындыр санааҕыт күүһүрэн, эһиэхэ туох ордугун арааран билэргит, Христос Күнүгэр килбэгир ыраас, туох да омсото суох буоларгыт,

1 Фессалоника христианнарыгар 3:12

Айыы Тойон эһиги бэйэ-бэйэҕитигэр итиэннэ бар дьоҥҥо тапталгытын, эмиэ биһиги эһиэхэ тапталбытын курдук, муҥура суох күүһүрдүөхтүн, Айыы Тойоммут Иисус Христос бары сибэтиэйдэрин кытта кэлэригэр эһиги сүрэххит Аҕа Таҥарабыт иннигэр эҥкилэ суох ыраас буоларын туһугар, эһигини бөҕөргөтүөхтүн! Аминь.

1 Фессалоника христианнарыгар 3:6

Бу билигин кини эһиги итэҕэлгит, тапталгыт туһунан үтүө сонуннаах төннөн кэлэн, биһигини өрүү үчүгэйдик саныыргытын, эмиэ бэйэбит курдук, биһигинниин көрсүөххүтүн баҕараргытын кэпсээтэ.

1 Фессалоника христианнарыгар 3:9

Эһигини көрсөн итэҕэлгитин ситэрэн-толорон биэрэр туһугар түүннэри-күннэри кыһаллан үҥэрбитигэр, Таҥарабыт иннигэр эһигиттэн үөрбүппүт иһин, хайдах гынан Киниэхэ махтаныахпыт эбитэ буолла!

1 Фессалоника христианнарыгар 4:1

Итиэннэ түмүкпүтүгэр, бырааттарбыт, биһигиттэн хайдах олорорго, Таҥара санаатын табарга үөрэммиккит кэннэ, өссө ордук ситиһиилээх буоларгытыгар Христос Иисус аатынан эһигини ыҥырабыт.

2 Фессалоника христианнарыгар 2:1

Айыы Тойоммут Иисус Христос кэлэрин, биһиги Киниэхэ түмсэрбитин этэр буоллахха, бырааттарым, эһигиттэн көрдөһөбүт:

2 Фессалоника христианнарыгар 2:13

Оттон эһиги тускутугар, бырааттарбыт, Айыы Тойон таптыыр дьоно, биһиги өрүү Таҥараҕа махтана сылдьыах тустаахпыт. Таҥара эһигини, сибэтии гынар Тыынын дьайыытынан, дьиҥ кырдьыкка итэҕэлинэн быыһанаргытыгар анаан, хара маҥнайгыттан талан ылбыта.

1 Петр 1:22

Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.

2 Петр 1:13

Айыы Тойоммут Иисус Христос миэхэ арыйбытын курдук, сотору бу дойдуттан аттаныахтаахпын билэбин, онон тыыннааҕым тухары, итини барытын өйдөтө-саната сылдьарым сөп дии саныыбын.

2 Петр 3:18

Айыы Тойоммутун уонна Быыһааччыбытын Иисус Христоһу билэн, Кини илгэлээх үтүөтүн иҥэринэн, үүнэн-үрдээн иһиҥ. Киниэхэ билигин да, үйэттэн үйэҕэ да албан аат! Аминь.