2 Фессалоника христианнарыгар 1:11 - Сибэтиэй Биибилийэ кинигэлэрэ

¹¹ Ол иһин биһиги өрүү эһиги тускутугар үҥэбит, эһигини Бэйэтин ыҥырыытыгар толору эппиэттиир дьоһун олохтоох дьон оҥорорун, Бэйэтин сүдү күүһүнэн бары үтүө баҕаҕытын толорон, итэҕэлгит дьыалатын ситэрэрин туһугар, Таҥарабытыттан көрдөһөбүт.

2 Фессалоника христианнарыгар 1:11 ပူးပေါင်းရင်းမြစ်များ

Саалтыр 138:8

Халлааҥҥа тахсыам дуу – онно Эн бааргын; үтүгэн түгэҕэр түһүөм дуу – онно эмиэ Эн бааргын.

Саалтыр 48:14

Төһө да кэннилэриттэн иһээччилэр кинилэр этэллэрин биһирээбиттэрин иһин, ити суолунан барааччылар өйө суох быһыыланаллар. Села

Саалтыр 68:20

Эн билэҕин миигин хайдах үөҕэллэрин, мин сааппын-сууппун, кыбыстыыбын; өстөөхтөрбүн Эн барыларын көрөҕүн.

Аман өһө 4:18

Оттон үтүө дьон суола-ииһэ сарсыардааҥҥы сарыал кэриэтэ, күн халлаан оройугар тэмтэйэ ойуор диэри улам сырдаан иһэр.

Марк 4:28

Бурдугу сир бэйэтэ үүннэрэр: маҥнай күөх үнүгэс үүнэр, онтон куолас быган тахсан ас кутар;

Лука 12:32

Бараан кыра үөрэ, куттаныма! Аҕаҕыт эһиэхэ Саарыстыбатын биэриэн баҕарар.

Рим христианнарыгар 1:9

Кини Уолун Евангелиетын иһитиннэрэн, өйбүн-сүрэхпин түмэн сулууспалыыр Таҥарам миигин үтүө көҥүлүнэн кэмниэ-кэнэҕэс, билигин, эһиэхэ тиэрдэрэ буоллар диэн, өрүү эһигини өйдөөн-санаан туран үҥэрбин Бэйэтинэн туоһулуо.

Рим христианнарыгар 11:29

Таҥара биэрбит бэлэҕин туура тутан ылбат, ыҥырыытын уларыппат.

Рим христианнарыгар 15:14

Бырааттарыам, эһиэхэ бары үтүө, бары билии барыта толору баар, онон эһиги бэйэ-бэйэҕитин хайа баҕарар үөрэтиһэр-өйдөтүһэр кыахтааххыт диэн мин испэр бүк эрэнэ саныыбын.

Рим христианнарыгар 8:30

Онон Кини кими анаабытын ыҥырбыта, кими ыҥырбытын буруйтан быыһаабыта, оттон буруйтан быыһаабыт дьонун албан аатырдыбыта.

1 Коринф христианнарыгар 1:8

Айыы Тойоммут Иисус Христос Күнүн эһиги туох да буруйа-сэмэтэ суох көрсөргүт туһугар, Кини эһигини тиһэҕэр тиийэ халбаҥнаабат чиҥ гыныаҕа.

Эфес христианнарыгар 1:16

үҥэрбэр эһигини өйдөөн-санаан туран өрүү барыгыт тускутугар Таҥараҕа махтанабын.

Эфес христианнарыгар 1:5

үтүө көҥүлүнэн Бэйэтигэр Иисус Христоһунан оҕо гынарга эрдэттэн быһаарбыта.

Эфес христианнарыгар 1:9

хара маҥнайгыттан Христоска түмүллүбүт кистэлэҥ соругун Бэйэтин үтүө көҥүлүнэн биһиэхэ арыйбыта.

Филиппы христианнарыгар 1:6

Эһиги искитигэр маннык үтүөкэн дьыаланы саҕалаабыт Таҥара бу дьыалатын Иисус Христос кэлэр Күнүгэр кыайыылаахтык түмүктүөҕэ диэн мин бигэ эрэллээхпин.

Филиппы христианнарыгар 2:13

үтүөкэн көҥүлүнэн эһигини итинник салайан биэрэн, эһиги сүрэххитигэр Таҥара Бэйэтинэн үлэлиир.

Филиппы христианнарыгар 3:14

сыалбар – Таҥара биһигини Христос Иисуһунан ыҥыртарбыт Халлааннааҕы наҕараадатыгар – дьулуһабын.

1 Фессалоника христианнарыгар 1:3

Эһиги итэҕэлгитин олоххутунан, тапталгытын сыралаах үлэҕитинэн, Айыы Тойон Иисус Христоска эрэлгитин кытаанах тулуургутунан көрдөрбүккүтүн биһиги Аҕа Таҥарабыт иннигэр хаһан да умнубаппыт.

2 Фессалоника христианнарыгар 1:5

Ити барыта Таҥара Дьүүлэ кырдьыктааҕын эрэ көрдөрөр: эһиги эрэйи-муҥу көрөр дьон Таҥара Саарыстыбатыгар киирэргэ сөптөөх буолан тахсыаххыт.

2 Фессалоника христианнарыгар 2:14

Ол туһугар Кини, биһиги биллэрэр Евангелиебытын иһитиннэрэн, эһигини Айыы Тойон Иисус Христос килбиэннээх сырдыгар ыҥырбыта.

Еврейдэргэ 3:1

Онон, Халлааҥҥа бииргэ ыҥырыллыбыт сибэтиэй бырааттарбыт, өйгүтүн-санааҕытын бүтүннүүтүн итэҕэлбит Апостолыгар уонна Архиерейыгар Иисус Христоска туһаайыҥ.

1 Петр 5:10

Биһигини, Христос Иисуһу итэҕэйбиттэри, үйэлэргэ өлбөөдүйбэт килбиэннээх сырдыгар ыҥырбыт Таҥара – бары илгэлээх үтүөнү Биэрээччи – эһигини, быстах кэмҥэ эрэйдэммиккит кэннэ, Бэйэтинэн эҥкилэ суох гынан бөҕөргөтүөхтүн, күүс-сэниэ киллэрэн халбаҥнаабат оҥоруохтун.

Арыллыы 3:4

Ол эрээри итиннэ эйиэхэ, Сардиска, таҥаһын киртиппэтэх хас да киһи баар; кинилэр толору холоонноох дьон быһыытынан Миигин кытта үрүҥ таҥастаах хаамсыахтара.

Арыллыы 5:10

Таҥарабытыгар анаан биһигини ыраахтааҕы, Таҥара үлэһитэ оҥорбутуҥ – онон биһиги сир үрдүгэр ыраахтааҕылыахпыт».