2 Фессалоника христианнарыгар 1:10 - Сибэтиэй Биибилийэ кинигэлэрэ

¹⁰ Бу Кини Бэйэтин сибэтиэйдэригэр албан аатыраары, бары Кинини итэҕэйээччилэргэ чиэстэнээри кэлбит күнүгэр буолуоҕа; эһиги эмиэ, биһиги туоһулаабыппытын итэҕэйбит дьон, кинилэри кытта бииргэ буолуоххут.

2 Фессалоника христианнарыгар 1:10 ပူးပေါင်းရင်းမြစ်များ

Саалтыр 68:35

Айхаллаатыннар Кинини халлааннар уонна сир, байҕал уонна онно баар хамсыыр харамай барыта.

Саалтыр 89:7

Эн биһиэхэ уордайдаххына, биһиги бүтэр уһукпут кэлэр, Эн абардаххына, айманан-сайманан барабыт.

Матфей 16:27

Киһи Уола Аҕатын килбиэнинэн сырдаан Аанньалларын кытта кэллэҕинэ, хас биирдии киһиэхэ тугу оҥорбутунан көрөн төлүөҕэ.

Матфей 16:28

Кырдьыгы эһиэхэ этэбин: бу манна турааччылартан сорохторо Киһи Уола Ыраахтааҕы буолан кэлэрин көрө иликтэринэ, өлүөхтэрэ суоҕа».

Матфей 24:36

Оттон ол күнү да, чааһы да ким да билбэт, халлааҥҥа баар Аанньаллар даҕаны билбэттэр, арай Аҕам эрэ билэр.

Матфей 25:31

«Киһи Уола албан аатыран кэллэҕинэ, сибэтиэй Аанньаллар эмиэ бары Кинини кытта кэллэхтэринэ, килбиэннээх бүрүстүөлүгэр олоруоҕа,

Матфей 7:22

Ол күн үгүстэр Миигин ыҥыран: „Тойоммуот! Тойоммуот! – диэхтэрэ. – Биһиги Таҥара этэрин дьоҥҥо Эн ааккыттан тиэрдэрбит, Эн ааккынан дьонтон абааһылары үүрэн таһаарарбыт, элбэх дьиктилэри оҥорорбут буолбаат?“

Лука 10:12

Эһиэхэ этэбин, Дьүүл Күнүгэр ол куоракка Содом куораттааҕар ордук ыарахан буолуоҕа.

Иоанн 11:4

«Ити өлөр ыарыы буолбатах, Таҥараны албан аатырдар ыарыы, – диэбитэ Иисус, илдьити истэн баран. – Итинэн Таҥара Бэйэтин Уолун албан аатырдыахтаах».

Иоанн 17:10

Миэнэ барыта – Эйиэнэ, Эйиэнэ эмиэ Миэнэ; Мин албан аатым килбиэнин кинилэр көрдөрдүлэр.

1 Коринф христианнарыгар 1:6

Биһиги Христос туһунан туоһулаабыппыт кырдьыгын Таҥара ити курдук бигэргэппит буолан,

1 Коринф христианнарыгар 3:13

хайдах үлэлээбитэ көстөн кэлиэҕэ: ким хайдах үлэлээбитин кэнэҕэс Күн сырдатан көрдөрүөҕэ; оччоҕо барыта уотунан арыллыаҕа – хас биирдии киһи үлэтэ-хамнаһа хайдаҕын уот тургутуоҕа.

Галатия христианнарыгар 1:24

Онон мин туспуттан Таҥараны айхаллыыллара.

Эфес христианнарыгар 1:12

Христоска эрдэттэн эрэммиттэр биһиги Таҥара албан аатын айхаллатарга анаммыппыт.

Эфес христианнарыгар 1:14

Онон Таҥара албан аата айхалланарын туһугар, Кини Бэйэтин дьонугар толору көҥүлү биэриэр диэри, биһиги ылыахтаах нэһилиэстибэбит мэктиэтэ Сибэтиэй Тыын буолар.

Эфес христианнарыгар 1:18

Кини эһигини ыҥырбыт эрэлэ тугун, сибэтиэйдэргэ биэрэр килбиэннээх нэһилиэстибэтэ хайдах курдук баайын билэргит туһугар, сүрэххит хараҕын сырдатыахтын;

Эфес христианнарыгар 1:6

Онон килбиэннээх үтүөтүн – Тапталлаах Уолунан биһиэхэ биэрбит бэлэҕин иһин Таҥараны айхаллыаҕыҥ.

Эфес христианнарыгар 3:10

Онон Таҥара үгүс өрүттээх муудараһа халлааннааҕы дьаһалталарга, былаастарга Сиэркэптэн көстүөхтээх.

Эфес христианнарыгар 3:16

килбиэннээх баайыттан эһиэхэ күүс биэрэн, Бэйэтин Тыынынан ис туруккутун бөҕөргөтөрүн туһугар,

1 Фессалоника христианнарыгар 2:1

Бырааттарбыт, эһиэхэ тиийэ сылдьыыбыт туһата суох хаалбатаҕын бэйэҕит да билэҕит.

1 Фессалоника христианнарыгар 2:13

Дьэ ол иһин, Таҥара тылын биһигиттэн истэн ылынаргытыгар, киһи этэр тыла диэбэккэ, дьиҥ баарынан – Таҥара тыла, биһиэхэ, итэҕэйээччилэргэ, дьайар сүдү күүс диэн – ылыммыккыт иһин, биһиги Таҥараҕа мэлдьи махтанабыт.

2 Фессалоника христианнарыгар 1:12

Оччоҕо Таҥарабыт уонна Айыы Тойоммут Иисус Христос илгэлээх үтүөлэринэн, эһиги Айыы Тойоммут Иисус Христоһу албан аатырдыаххыт, бэйэҕит эмиэ Кини албан аатын үллэстиэххит.

2 Фессалоника христианнарыгар 2:13

Оттон эһиги тускутугар, бырааттарбыт, Айыы Тойон таптыыр дьоно, биһиги өрүү Таҥараҕа махтана сылдьыах тустаахпыт. Таҥара эһигини, сибэтии гынар Тыынын дьайыытынан, дьиҥ кырдьыкка итэҕэлинэн быыһанаргытыгар анаан, хара маҥнайгыттан талан ылбыта.

1 Тимофейга 3:16

Биһиги итэҕэлбит кистэлэҥэ, туох да мөккүөрэ суох, сүрдээх сүдү: «Таҥара Киһи буолан кэлэн, Сибэтиэй Тыынынан кырдьыгын туоһулаппыта, Аанньалларга Бэйэтин көрдөрбүтэ, араас норуоттарга иһитиннэриллибитэ; аан дойду дьонун итэҕэлин ылбыта, албан аатыран үөһэ ылыллыбыта».

2 Тимофейга 1:12

Ол иһин билигин маннык эрэйдэнэ да сырыттарбын, кыбыстыбаппын: Кими итэҕэйэрбин билэбин. Мин Киниэхэ тугу солуок туттарбыппын Кини ол Күҥҥэ тиэрдэр кыахтааҕар бигэтик эрэнэбин.

2 Тимофейга 1:18

Тиһэх Күҥҥэ Айыы Тойон киниэхэ аһыныылаахтык сыһыаннаһыахтын. Оттон Эфескэ сылдьан, миэхэ төһөлөөх көмөлөспүтүн бэйэҥ бэркэ билэҕин.

2 Тимофейга 4:8

Онон аны билигин Айыы Тойон, Кырдьыктаах Судьуйа, ол Күҥҥэ туттарар наҕараадата – кырдьыктаах быһыы мэнньиэһэ – миигин күүтэр; ону Кини миэхэ эрэ буолбакка, Кини кэлэрин таптаан күүтээччилэргэ барыбытыгар туттарыаҕа.

1 Петр 2:9

Оттон эһиги талыллыбыт аймах – Ыраахтааҕы дьиэтин кэргэнэ, Таҥара үлэһиттэрэ, сибэтиэй норуот, эһигини хараҥаттан килбиэннээх сырдыгар ыҥырбыт Таҥара үтүөкэн дьайыыларын биллэрэргэ талыллыбыт Кини Бэйэтин тус дьоно – буолаҕыт.